| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 5 من 5

  1. #1

    الصورة الرمزية al_ostaz74

    رقم العضوية : 64389

    تاريخ التسجيل : 07Mar2010

    المشاركات : 8

    النوع : ذكر

    الاقامة : Egypt

    السيارة: Skoda

    السيارة[2]: Fiat 132

    الحالة : al_ostaz74 غير متواجد حالياً

    افتراضي الحل النهائي لسخونة الفليشيا - Facebook Twitter whatsapp انشر الموضوع فى :

    hasad">

    السلام عليكم و رحمة الله و بركاته.

    مبدأياً أحب أوضح ان العربية الفليشيا على قد ما هي عربية متينة و موزونة على الأرض و حمالة أسية ، إلا إني فعلاً كنت خلاص قرفت منها على الأخر و ناوي أبيعها بأي ثمن عشان أريح أعصابي. و سبب البيع طبعا العيب القاتل اللي في العربية ... ألا و هو السخونة !!!!! نار بجد !!!! فعلا عيب قاتل و تغور العربية بسببه ، ما الواحد مش لاقي فلوسه كل شوية جوان وش سلندر ، نص عمرة ، الخ ...

    هاتسألوني ازاي اتغلبت على المشكلة دي ، هأقولوكم اني بفضل الله من خلال البحث في هذا المنتدى و من خلال سؤال أهل الخير ، وصلت لحل المشكلة و هي كالتالي:
    أولاً:عمرة كاملة للموتور ودي نص الحل ، و قصدي بعمرة كاملة بمعنى الكلمة مش تقوللي نص عمرة. و الله يا اخواننا أنا كلفت نص عمرة ب 2200 و العمرة في منطقة ريفية في بلد اسمها أشمون عملت 2200 بردوا يبقى وفر فلوسك و اعملها كاملة ، ميكانيكية القاهرة للأسف بلاعة فلوس و مش شاطرين قوي و ياريت شغلهم نفع في النص عمرة. و العمرة اللي عملتها كالتالي:
    1. شراء وش سلندر استيراد أو خلع المهم يكون حالته كويسة "يعني لو الوش عندك محتاج قشط و مفقع يبقى أرميه أحسنلك و جيب واحد بحالة أحسن" ، و الوش تعرفه كويس ازاي ، تكون لحمية تخينة و باين عليه ما أتقشطش و مش مفقع "يعني ليس به ثقوب او نقرات"
    2. طقم جوانات كامل صيني بجلب الصباب 120 ج
    3. جوان وش سلندر أصلي محمل 50 ج
    4. طقم صباب فرنساوي 175 ج
    5. طقم شميز بالباساتم بالشنبر تركي 600 ج
    6. أي حاجة تانية الميكانيكي محتاجها + شغل الخراطة الخ
    ثانياً: الرادياتير :
    هاتودي الرادياتير بتاعك الألمونيوم لأي بتاع رادياتير نحاس عشان يصنعلك واحد بنفس الحجم بس 3 ماسورة و ده للأسباب الأتية :
    a) الرادياتير النحاس لو اتخرم سهل تصليحه ، مش زي الألمونيون هاترميه.
    b) النحاس بيسخن ببطء و هاايبرد أحسن
    c) هاتعمل الرادياتير 3 ماسورة مش 2 زي الألمونيوم و ده طبعاً هايكون أفضل للتبريد
    d) هاتعمل قواعد للمروحة الأصلية بحيس تكون على جنب قوي و تفضي مساحة لمروحة تانية تتركب جنبها
    e) هاتشتري مروحة أرجنتا هي صغيرة بس شديدة و هاتعمل قواعد على الرادياتير جنب المروحة الأصلية بحيث المروحتين هايجو بالظبط على قد الرادياتير
    f) هاتخللي بتاع الرادياتير يعملك مكان ثرموستات اضافية في الجنب المعاكس للوضع الطبيعي للقرموستات الأصليه و دي أهم حاجة و بدونها يبقى مالوش لازمة لكل الشغل اللي عملناه و ماتسمعش للفتوي بتاعت الميكانيكا و لا بتاع الرادياتير يقولك ازاي ده الفابريكة هنا يبقى ازاي نعمل واحدة تانية. المهم بعد ما تعمل واحدة تانية زي ما قولتلك هاتركب في الجانبين ثرموستات منخفضة يعني 68 – 80 ، حد يسألني ليه بنعمل الثرموستات التانية أرد و أقوله لأنك لو فكرت في مكان الأولى هاتلاقيها محطوطة بعد دورة التبريد في الرادياتير يعني بتقرى المية بعد تبريده من الرادياتير و بالتالي مهما كان ترموستات منخفضة هاتقرى متأخر قوي بدليل لو حطيت الترموستات الواطية في الرادياتير العادي هاتلاقيها بتشغل المروحة و الأمبير في لوحة العدادات بيقرى 85 يعني مأخر تقريبا 25 درجة.أما الترموستات التانية هاتقرى المية و هي خارجة سخنة من الموتور للرادياتير و هاتشغل ساعتها المراوح و هي على 75 درجة تقريبا لحد ماتبرد الرادياتير و عند 68 هاتفصل المراوح.

    ثالثاً: شغل الكهرباء :
    a) هاتخللي الكهربائي يعملك كتاوت للمروحتين عشان يستحملوا و حماية ، و هاتخليه طبعا يوصل الكهربا بالاثنين فلو واحد عطل التاني يشتغل
    b) هاتعمل مفتاح داخلي زيادة أمان لاماكانية تشغيل المراوح يدوياً و انت داخل العربية و يتم توصيل لمبة مع الدائرة بجوار المفتاح بحيث تضيء في حالة ان المراوح شغالة و تطفيء في حالة توقف المراوح وده هايطمنك أكثر أن المراوح شغالة أو لا. و المفتاح تخللي الكهربائي يخليه تحت بجوار مقبض رفع الكبوت بجوار كرسي السائق ، يعني مش هايبان خالص و مش هايشوه منظر التابلوه من الداخل.
    و انت ماشي هاتلاقي العربية كبيرها توصل 75 أو 78 و تبدء المروحتين يشتغلوا و التبريد خلال 3 دقائق بس ، حتى لو ماشي بسرعة عالية أو واقف في الزحمة ، و ابقى ادعي لي.
    و الله الموفق ،،،،


  2. #2

    الصورة الرمزية sakr_skoda

    رقم العضوية : 109920

    تاريخ التسجيل : 10Aug2011

    المشاركات : 3,902

    النوع : ذكر

    الاقامة : مصر

    السيارة: ربنا يبعت

    السيارة[2]: skoda

    دراجة بخارية: لالالالالالالالالالالالالالالالالالا

    الحالة : sakr_skoda غير متواجد حالياً

    افتراضي -

    عمرة كاملة 2200!!!!!!!!!!!!!!! طيب ليه مسقطش موتور استيراد وتقريبا نفس التكلفة بل يزيد انو حيكون عندك موتور تانى اكسسوارات ........

    [rmade]http://im60.gulfup.com/1KWugz.jpg[/rmade]


  3. #3

    الصورة الرمزية AhMeD MeTwAlY

    رقم العضوية : 79261

    تاريخ التسجيل : 02Sep2010

    المشاركات : 3,449

    النوع : ذكر

    الاقامة : kSA

    السيارة: No cars

    السيارة[2]: No cars

    دراجة بخارية: ................

    الحالة : AhMeD MeTwAlY غير متواجد حالياً

    افتراضي -

    good work


  4. #4

    الصورة الرمزية adiaa222

    رقم العضوية : 118934

    تاريخ التسجيل : 10Jan2012

    المشاركات : 420

    النوع : ذكر

    الاقامة : مدينة نصر

    السيارة: شيفورليه لانوس

    السيارة[2]: سكودا فليشيا 97 glx

    دراجة بخارية: لايوجد

    الحالة : adiaa222 غير متواجد حالياً

    افتراضي -

    الله ينور عليك
    بس انا متهيئلى ان اكثر حاجة فرقت معاك فى التبريد هى نقل الترموستات من مكانة الى الجهة الاخرى وبكدة تكون المروحة بتشتغل بدرى بس خلى بالك فى الشتاء


  5. #5

    الصورة الرمزية المنسي

    رقم العضوية : 81989

    تاريخ التسجيل : 05Oct2010

    المشاركات : 3,826

    النوع : ذكر

    الاقامة : 7adayek el ahram

    السيارة: ----------------------

    السيارة[2]: ----------------------

    دراجة بخارية: لا

    الحالة : المنسي غير متواجد حالياً

    افتراضي -

    hasad">

    حضرتك عملت عمرة فى الموتور وغيرت حاجات فى دورة التبريد وعملت شغل دخل فى مش اقل من 3000 جنيه وحل مشكلة السخونة كلها انا وناس كتير فالمنتدى عملت تقريبا نفس الفكرة بتاعتى ومش هتتكلف 300 جنيه وانسي السخونة ومع تجربة ناس كتير وده لينك للموضوع بتاعى
    http://www.nilemotors.net/Nile/278242-a.html


    [img2]http://nileup.com/up/uploads/nilemotors_13649876441.jpg[/img2]



 

المواضيع المتشابهه

  1. الحل النهائي لمنع المرور عكس الاتجاه
    بواسطة wael_power في المنتدى مقـتـــرحـــــات لحــــل الأزمـــات المــرورية
    مشاركات: 27
    آخر مشاركة: 20-05-2012, 09:54 PM
  2. مرايه الماروتي و الحل النهائي
    بواسطة love7amada في المنتدى سـوزوكى
    مشاركات: 3
    آخر مشاركة: 11-04-2011, 03:34 AM
  3. الحل النهائي للمعطرات ! فكرة جامدة طحن !
    بواسطة Deshahcoka في المنتدى المنتــــــدى العـــــــــــام للسيــارات
    مشاركات: 37
    آخر مشاركة: 15-09-2010, 06:46 PM
  4. الحل النهائي لفيرس الاوتورن
    بواسطة SHNORY في المنتدى المنتــــــدى الاجتمــاعى
    مشاركات: 26
    آخر مشاركة: 12-03-2009, 05:19 PM
  5. الحل النهائي لتوكيل فولكس
    بواسطة adelmagdy في المنتدى فــــولكـــس
    مشاركات: 10
    آخر مشاركة: 23-06-2008, 12:43 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2