فرامل السيراتو بتصفر و التيل جديد

**ferfsh** · 07-05-2012 03:55 PM

كانت بتصفر جامد رحت جبت تيل من دمشق ب 90 جنيه مكتوب عليه صناعه كورى و بقت مبتصفرش يومين و بعد كده رجعت تصفر , رحت لبتاع الفرامل قام منضفلى ورا و بعد كده لما لقيت الصوت قدام لسه موجود قالى ده عشان انت يا بيه مش مركب التيل الاصلى و الطبيعى ان التيل ده يعمل كده و هياكل فى الكنابير كمان ... و بيقولى التيل الاصلى ب 370 جنيه ... انا مش مقتنع ان اللى مش اصلى يعمل صوت كده كل ما أجى افرمل لان مصر كلها مركبه مش أوريجنال !!

**moha4tec** · 07-05-2012 04:39 PM

التيل الاصلى مبيصفرش فعلا
و ب 485 من التوكيل
برا ممكن ارخص و الله اعلم
متستخسرش اى فلوس فى الفرامل لانها من عوامل الامان اللى بدونها ممكن تكلفك كتير لا قدر الله حجات لا تعوض .
و التيل الاصلى ممكن يصفر فى حاله وحده .لما يكون فيه رمله او تراب او اتساخات كتير و لما يتنضف الصوت يروح