حكايتي مع الـ 128انتاج واخراج وتمثيل ( كورسير )
اولا الناس هنا واحشني جدا لاني بقالي فترة مواعيدي مش متظبطه كويس في الدخول علي المنتدي والحقيقة وانا قاعد بضرب كوباية الدوم باللبن صناعة الشاب خالد قصدي حسن الساعي الاسواني الجميل اللي هرينا كركاديه ودوم وحلبة وفول سوداني شغل قرود بقا هههههههههههههههه
الموضوع ده هقسمه علي حلقات زي مسلسل نور ومهند يعني معاكم ربنا بقا
http://forums.graaam.com/images/imag...6ebec1db86.jpg
انا قولت استرجع معاكم بقا ايام ما قررت اني اجيب عربية واعدي بقا والناس كلها قالتلي خليك في حاجه مستعمله تطلع عينها لحد ما تتعود علي الطرق المصرية قولت زي الفل بس اكتشفت في الاخر اني سمعت الكلمة غلط اتاريني سمعتها اشتري عربية تطلع عينك لحد ما تقول ان الله حق وروحت عند كام معرض لبيع المستعمل وفي الاساس هو بيبقي وسيط بين البائع والشاري ودي كانت غلطة عمري لاني في الاخر لقيت نفسي مدبس في عربية 128 رشه دواخل وخوارج موديل 80 ب 16500 جنيه + 500 جنيه لصاحب المعرض يعني التوتل 17000 جينه
المهم طبعا لاني كنت عديم الخبرة واللي راح معايا شاف العربية شكله كان تعبان زي حالاتي ومقاليش ان العربية رشه دواخل طبعا كل ده عرفته بعدين ماهي الصدمات مبتجيش مره واحده بتيجي واحده واحده
المهم اول القصيده كانت عزاب بعيد عنكم قولت اطلع بيها مشوار للتجمع الخامس وكانت العائلة الكريمة كلها مشرفه في قلب العربية وضربت في دماغي اني اعمل فيها واد فيتك واختصر الطريق من شارع عندنا علشان اطلع الدائري وانا داخل الشارع لقيته ضيق قولت بردك هدخل يعني هدخل هو انا شوية في البلد ولا ايه والناس كلها تقولي يابني مش هتجيبك انتا صومالي مبتفهمش ههههههههه
المهم دخلت الشارع ده عند في الشعب الصراحه بس الحمد لله خرجت منه وانا ملطش العربية من الجناب بتاعت العربية بس الحمد لله البيوت سليمة متأثرتش بدخلة ال 128 وبعدين وصلت للدائري والعربية تقريبا كانت بتدعي عليا بلغة الماتور حسيت بأصوات غريبة علي ما وصلت للتجمع الخامس من المرج كانت العربية جايبه وش سلندر والحمد لله
الحلقة التانية هنقولها بعد شوية :fun_10_9_134[1]: