الموضوع: هل صحيح ان الدانلوب لا يعلى عليه؟؟؟؟؟

معلومات جديدة حيرتنى اكتر
اولا فى فرده اسمها اكسريرا اندونيسى
بتاع الخليفة المأمون قالى ب 500 بالتركيب و زيها زى الدنلوب
و قالى ان الدانلوب فى منها نوعين نوع عادى و نوع اسمو زيرو وان و ان اللى عندو هو ده الزيرو وان وده احسن من العادى ووصلت معاه ل 600 بالتركيب و الترصيص
و انا راجع قلت اسقط على الرومانى جسر السويس اللى فى الف مسكن
لقيتو بيقولى الدنلوب كلو جنوب افريقى ب 460 و الاكسريرا عندو ب 460 و وصلت معاه ل 400 و قالى هياخد ال4 فرد القدام ب 300 ولقيت عندو بريللى ايطالى ب 675 الفرده

المهم رحت لبتاع الكاوتش اللى جمبى اسئلو قالى بلاش الرومانى وبينى و بينكم حسيت من شكل العجلة الاكسريرا وو نقشتها انها تعبانة و هو قالى كمان صعب الاكسريرا تبقى بالسعر ده اخرها خالص 450 بالتركيب بالترصيص و شكرلى فى الدانلوب اوى بس قالى انها يابانى موش المانى

نيجى للحيرة الاكبر
قالى فى واحد عندو 4 فرد كاوتش كونتيننتال المانى مشيو حوالى 1000 كيلو بس كلنو جاين فى عربية فانتزيا و شالهم علشان جنط العربيه 17 و الكاوتش 16
فقالى ايه رائيك تاخود طقم جنوط 16 على 900 جنيه و الكاوتش بيتكلم فى 1200 بس ممكن تنزل شويه و هيتصرفلى بعد كده فى الجنوط بتاعتى و الكاوتش على 800 جنيه انا الجنوط عندى 15
و انا سائلتو على فرق الوزن قالى هتلاقيهم زى اللى عندك لانى كنت فهمت من استاذ ممدوح ان اللى يتعب العربية هو ان يركب جنط اتقل مش اكبر
ارجوكم متبخلوش عليا بالرد و الاقتراحات لانى بنام احلم بالكاوتش الجديد