تقرير شامل لبريليانس جالينا 2012

**akmm** · 30-08-2012 02:48 PM

هايل هى عربيه جميله بكل المقاييس

**moutasim bella** · 31-08-2012 01:46 AM

المشاركة الأصلية كتبت بواسطة احمد نور الدين

يا باشا العفو ده حقك علينا كلنا نساعد بعض بس انا ليه عتاب شديد علي ناس مش هاقول اساميهم كانو معانا من بداية التقرير واستفادو وخدوا القرار واشترو فعلا وكنا منتظرين مساهمتهم لكن للاسف الشديد ركبوا العربيه ونسيوا الصحوبيه عايز اقولهم فين تقاريركم وفين تجربتكم مع العربيه احنا كلنا عايزين نستفيد من بعض وده حقنا عليكم زي ماكان حقكم علينا اننا نقول اللي نعرفه انا بجد زعلان وسوري ياحازم بس كان لازم اقول الكلام ده

والله يا نور بيه انا لسا ما جبتش من ساعتها ... جصلتلى ظروف كدا مش ظريفه و الحمد لله انا في الطريق للتعافي منها ... انا مقصر يا اسطوره بيه بس انشاء الله انا نازل يوم السبت على عربيات و هقابل مسؤول مبيعات اسمو كريم ... و هيوصفلي كل حاجة و هئولكو عملت ايه انشاء الله و الالوان المتاحة و غيره ...!!

انا ملاحظ انو ما شاء الله العربيه انتشرت في الشارع ... و على فكره واحد صحبي بيروح الصين و روسيا و شافها هناك و اسمها Brilliance BS6 و هي عربيه المسئولين الكبار في الصين ..!! زي الــ605 كدا في مصر وبالمناسبه سعرها جديده 18000 دولار يعني نفس السعر في مصر تقريباً و دي رساله لكل اليي بيقول انها غاليه ...!!

المهم يا نور بيه و يا اسطوره محدش يزعل منى ... مسيري اروقلكو و هزهأكو من كتر المشاركات ... والسلام ختام ..!!

**احمد نور الدين** · 31-08-2012 03:19 AM

ربنا يسترها عليك يا باشا ويارب يكون خير ان شاء الله وتمر الظروف دي بسلامه بس انا اقصد الناس اللي اشترت فعلا

**ostoraa** · 31-08-2012 03:32 AM

hazemrageh باشا
العربيه دي جميله اوي ومريحاني اووووووووي ومشوفتش منها حاجه وحشه بس اللي هيقبلك في العربيه من بعد ال100000 كيلو العفشششششششه لو محافظتش عليها من الاول ومغيرتش اي حاجه محتاجه تتغير من الاول هتفتح منك لكن غير كده مفيهاش الحمد لله اي اعطال ومزعلتنيش في اي حاجه بس كنت عايز اسأل علي حاجه رفيعه انا عندي باب السواق واللي جنبه لما بجري بلاقيه بيدخل هوا من عند العتب لييييييييييييه بقي وده مش موجود عني في ال2006 ولا ال2008
بس بأذن الله هرووووح التوكيل لاني عايزهم يظبطولي كذا حاجه بناءا علي نصيحه احمد باشا نووررر بس هو كان قايلي من زمان بس مكنتش فاضي بس بأذن الله هروح اليومين دول وهقولكو اللي تم بأذن الله

**احمد نور الدين** · 01-09-2012 09:38 PM

يا باشا قصة الباب دي سهله ده اسمه رجلاش وبيحصل بسبب ان الباب وهو بيتفتح بيخبط في رصيف او تيجي تركب وجمبك رصيف عالي يروح الباب مريح علي الرصيف روح لواحد بتاع بيبان هايظبطهولك

المشاركة الأصلية كتبت بواسطة ostoraa

hazemrageh باشا
العربيه دي جميله اوي ومريحاني اووووووووي ومشوفتش منها حاجه وحشه بس اللي هيقبلك في العربيه من بعد ال100000 كيلو العفشششششششه لو محافظتش عليها من الاول ومغيرتش اي حاجه محتاجه تتغير من الاول هتفتح منك لكن غير كده مفيهاش الحمد لله اي اعطال ومزعلتنيش في اي حاجه بس كنت عايز اسأل علي حاجه رفيعه انا عندي باب السواق واللي جنبه لما بجري بلاقيه بيدخل هوا من عند العتب لييييييييييييه بقي وده مش موجود عني في ال2006 ولا ال2008
بس بأذن الله هرووووح التوكيل لاني عايزهم يظبطولي كذا حاجه بناءا علي نصيحه احمد باشا نووررر بس هو كان قايلي من زمان بس مكنتش فاضي بس بأذن الله هروح اليومين دول وهقولكو اللي تم بأذن الله

**Rambo10** · 06-09-2012 10:17 AM

ياجماعة ياريت حد يفيدنى لو فى مراكز متخصصة للجالينا خارج التوكيل
شكرا

**احمد نور الدين** · 07-09-2012 04:57 AM

انا بصراحه لسه في الضمان لكن اسطوره ممكن يفيدك في الموضوع ده

**Rambo10** · 07-09-2012 09:06 PM

الف شكرا أستاذ أحمد
ممكن أسأل هو ضمان العربية اد اه

**احمد نور الدين** · 08-09-2012 03:17 AM

المشاركة الأصلية كتبت بواسطة rambo10

الف شكرا أستاذ أحمد
ممكن أسأل هو ضمان العربية اد اه

العفو يا افندم الضمان حاليا 3 سنوات او 60000كم مجزأة بمعني البلاستيكات 10000 كم والتكييف 40000 والموتور والفتيس 60000كم

**night_flight** · 08-09-2012 06:49 AM

السلام عليكم يا جماعة انا انهاردة ان شاء الله رايح التوكيل عشان صيانة ال 2000. هرجع احكلكوا علي التجربة و علي مستوي الخدمة و مستوي متابعة الملاحظات وحل المشاكل. اه بالمناسبة هو توكيل ابو رواش