تقرير شامل لبريليانس جالينا 2012

**hazemrageh** · 11-10-2012 10:08 PM

الله يبارك فيكم .... و يحفظكم جميعا
الحدف اليمين دي غالبا طلعت بسبب إن ضغط الكاوتش مش مظبوط
المفروض إن ضغط الأربع عجلات يبقى ٣٣ -- المهندس إسلام فل مركز كشف عليهم لأى إن ضغط العجلة اليمين ٣٠، ده طبعا بعد متأكد إن الزاوية مضبوطة ،
بعد ما الهوا تظبط حاسس إن الحدف راح بس حاتئاكد لما أسافر يوم الأحد إن شاء الله و حبقى أقولكم على النتيجة.

**el_lod_81** · 12-10-2012 12:31 AM

المشاركة الأصلية كتبت بواسطة el_lod_81

للاٍستفادة العامة هذه المشاكل التى وجدتها بعد شراء السيارة مباشرة:

1-باب الدى فى دى لا يفتح
2-الكشاف الداخلى الخلفى ناحية اليمين لا يعمل
3-الاٍطار الكاوتش للباب الأمامى ناحية الشمال مش راكب كويس
4-يوجد صوت تزييق مزعج فى التابلوه
5-لا توجد ولاعات فى السيارة
6-لا يوجد مفك فى العدة
7-يوجد هواية للتكيف لا تعمل
8-زرار الكشاف الداخلى الأمامى بيعلق
9-المساعدين الأمامية تحتاج للتغيير
10-يوجد حدفة فى السيارة الى اليمين

وللعلم المشاكل من 1 اٍلى 9 تم حلها و لكن بعد طلوع الروح و على مراحل

بعد 6 أشهر تم تغيير البطارية و قد ذكرت ذلك سابقا.
و منذ شهرين كان يوجد مشكلة فى البوردة فى الكاسيت و تم تغييرها

أما المشاكل أو الملاحظات التى توجد الان فهى:

1-السماعات الخلفية لا تعمل و تحتاج الى تغيير
2-مشكلة الحدفة فى السيارة التى ذكرتها
3-باب السيارة الأمامى اليمين تقيل شوية

وهذا ما اٍكتشفته الى الآن.
و لذلك أنصح أى مشترى جديد للسيارة بالتدقيق و الفحص جيدا قبل الشراء لتفادى المشاكل المذكورة سابقا.

نسيت أضيف كمان أنه يوجد صوت تزييق بعجلة القيادة عند لفها.

**احمد نور الدين** · 22-10-2012 04:59 PM

تقرير ممتاز ومعمول في شغل جامد ربنا يكرمك

**احمد نور الدين** · 22-10-2012 05:02 PM

سؤااااااال او طلب ممكن مشرف القسم يثبت الموضوع انا اعتقد انه يستحق التثبيت لانهه شاااااااامل كل شيء عن الجالينا وده مش تقرير واحد ده اكتر وفي كل حاجه تقريبا وخسارة انه يضيع ياريت المشرف يثبته ويخلي صاحب الموضوع ( رابطة ملاك الجالينا ) لان بصراحه في ناس كتير شاركت مشاركات مهمة واحسن مني فياريت يتثبت الموضوع باسم القسم وشكراا للادارة

ياريت اللي موافق علي كلامي يقول رايه

**ostoraa** · 23-10-2012 04:43 AM

يا ريت يا بااااااااااااااش

**hazemrageh** · 04-11-2012 02:19 AM

Noor Beik enta ba2ait monassek el kessm matensash tessabet el mona2sha dy ba2a :)

**bassem.naguib** · 04-11-2012 08:09 AM

المشاركة الأصلية كتبت بواسطة hazemrageh

noor beik enta ba2ait monassek el kessm matensash tessabet el mona2sha dy ba2a :)

كنت داخل أقول نفس الكلمتين .. بس يا ريت يا باشا بلاش الفرانكو في الكتابة .

**احمد نور الدين** · 05-11-2012 02:36 AM

كنت قلت لحضراتكم قبل كده اني جربت زيت ليكو مولي مع اضافة السيراتك وقلت اني هابلغكم بملاحظاتي بعد اول 2000 كم

بالنسبة لصوت الموتور علي السلانسيه الصوت بقي اهدي واحسن بشكل ملحوظ

لكن بالنسبة لصوت الموتور اثناء السير معتقدش ان في فرق ملحوظ وده ممكن بسبب ان عربيتي جديده لسه المكنة مشققتش او حصل فيها تاكل وبالتالي مش هيبان فيها تاثير السيراتك لكن اكيد هاتكون مفيدة للعربيات القديمة شويه وممكن تكون سبب في انها تحافظ علي الموتور واجزائه من التاكل

الزيت لغاية الان ممتاز كلزوجه ومقاس وان كان لونه غريب

**hazemrageh** · 09-11-2012 03:51 PM

والله يا باشا غصب عني, اللابتوب ده بتاع الشركة مش نافع أنزل الكيبورد العربي على ويندوز الشركة ، فا باضطر أكتب على جوجل تعريب فرانكو عشان يحوله عربي و ده موضوع متعب و بطيء ممكن عشان أ ضبط خمسة سطور أكتب و أصلح فيهم ٣٠ دقيقة
بس إن شاء الله ححاول ما أكتبش فرانكو تاني
و فعلا مبسوط بإهتمامك بمنتدى البريليانس , شكرا ليك يا كريم باشا و لكل المشرفين