هو فيه جنوط momo تايلاندي أو تايواني أو صيني ؟ و انهي أحسن نوع كاوتش في دول ؟

السلام عليكم يا رجالة

أنا إن شاء الله ناوي أركب جنوط و شفت عند ارابكم اللي جنب سيتي ستارز كام جنط مومو كده وعلى كلامه إنهم أصْلي بس صناعة فيه منهم تايلاندي ولا تايواني باين و فيه صيني فأنا كنت عايز أسأل هو فعلا فيه جنوط مومو أصْلي و مش ايطالي ؟ هم اسعارهم كان فيه واحد 15 عجبني ب 3000 و واحد تاني 16 ب 3500 فهل دي اسعار جنوط مومو فعلا ؟

و تاني حاجة بقى أنا كنت بشوف اسعار الكاوتش لقيت حاجات كتير كوري على ماليزي على تايلاندي في حدود 500 جنيه كلهم فكنت عايز أعرف انهي احسنهم و يستحمل خصوصا إني هاجيب غالبا 205/50R16 فهيبقى رفيع شوية فعايز حاجة تستحمل

GT كوري
Kumho فيتنامي
Maxxis تايلاندي
Excelera اندونيسي
star max تركي
مارشال كوري

:E_braces[1]:

المومو إيطالي

اقتباس:

---

المشاركة الأصلية كتبت بواسطة sehsss

المومو إيطالي

---

ألف شكر يا باشا على اهتمامك هو أنا عارف إنه في الاصل مومو ايطالي بس هل مابتتصنعش في أي حتة تانية ؟ يعني زي ما أي حاجة دلوقتي بيبقى فيها منها من البلد الأصْلي و فيه منها من بلاد تانية ارخص شوية زي مثلا الكاوتش البريدج ستون فيه منه ياباني و فيه منه تايلاندي أو تايواني باين بس أصْلي برده بس أكيد مش بجودة الياباني وبيبقى ارخص ؟


هو وانا بدور عالموقع الرسمي بتاع مومو لقيت نفس شكل الجنط اللي لقيته بس يا ريت حد يفيدني برده إذا كان ده مضروب ولا أصْلي

اقتباس:

---

المشاركة الأصلية كتبت بواسطة omar_h

ألف شكر يا باشا على اهتمامك هو أنا عارف إنه في الاصل مومو ايطالي بس هل مابتتصنعش في أي حتة تانية ؟ يعني زي ما أي حاجة دلوقتي بيبقى فيها منها من البلد الأصْلي و فيه منها من بلاد تانية ارخص شوية زي مثلا الكاوتش البريدج ستون فيه منه ياباني و فيه منه تايلاندي أو تايواني باين بس أصْلي برده بس أكيد مش بجودة الياباني وبيبقى ارخص ؟


هو وانا بدور عالموقع الرسمي بتاع مومو لقيت نفس شكل الجنط اللي لقيته بس يا ريت حد يفيدني برده إذا كان ده مضروب ولا أصْلي

---

العفو يا باشا، أنا المعلومة اللي عندي إنه ما بيتصنعش غير في إيطاليا، والله أعلم

والله يا باشا كله بيضرب دلوقتي
انا مره كنت بتفرج في محل ع جنوط ولقيت جنط bbs مقاس 16 او 17 مش فاكر ومحفور عليه made in japan ومسكته و قعدت اشوف وزنه المهم فبسأل الراجل ده فعلا ياباني قالي ده صيني
و كان شكله فعلا يخدع اي حد ونظيف
طبعا الكلام ده مش في مصر في دوله خليجة والراجل ده اكيد مش مصري هندي
الخلاصة اي حد ممكن يلبس والمهم المكان اللي الواحد بيتعامل معاه

معالي الباشا المومو ايطالي بس ليهم مصنع في الصين وده لتكلفه العماله يعنى لو الجنط نزل من ايطاليا هيبقي في حدود 5000 وانت طالع علشان كدا التجار بتفضل انهم يجيبو من مصنع مومو في الصين علشان التكلفه تبقي اقل ويبقي ليه سوق ويمشي
وفعلا الي عند اربكوم اصلي ومفيش منه مشاكل
اما عن موضوع الكاوتش فأنا برشحلك وبشده بيردجيستون

زي ما قال لك مسيو عجلان..إللي عند ارابكوم مومو صيني بس زي المانجو العويسي..وhrs برضه حلو وماركة معروفة

momo فعلا ليها مصنع فى الصبن وأرابكوم فعلا اضمن مكان فى مصر تشترى منه جنوط
انا كنت جايب مومو 17 Predator منهم فى العربية القديمة وكان ممتاز اخدت بيه مطبات الدنيا وما اتعوجش وعلى فكرة كواليتى عالية جدا جدا، كمان عندهم كاوتش اسمه Roadstone افضل من الكومهو وناعم وما بيطلعش بلالين فى ال17 خصوصا مع النيتروجين وعن تجربة للامانة

اقتباس:

---

المشاركة الأصلية كتبت بواسطة Ahmed.Fahmy

momo فعلا ليها مصنع فى الصبن وأرابكوم فعلا اضمن مكان فى مصر تشترى منه جنوط
انا كنت جايب مومو 17 Predator منهم فى العربية القديمة وكان ممتاز اخدت بيه مطبات الدنيا وما اتعوجش وعلى فكرة كواليتى عالية جدا جدا، كمان عندهم كاوتش اسمه Roadstone افضل من الكومهو وناعم وما بيطلعش بلالين فى ال17 خصوصا مع النيتروجين وعن تجربة للامانة

---

بالمناسبه انا لسه شارى من بريدجستون اللى فى مصطفى النحاس بنزينة كالتكس 2 فرده 215/45/r17 على الجنوط بتاعتى جبت الفردتين على 1475 بريدجستون تايلندى و لكن الراجل قاللى ان جنوطى لازم تتغيرر فالي اشترى جنوط احسن تايوانى بس مش عارف انزل اجيب من اشرفكو و لا السواح و لا ارابكوم

ارابكوم