الموضوع: هيونداي - هل هي سيارة رئيس الجمهورية القادم

المشاركة الأصلية كتبت بواسطة mody3on

بصراحة مش عارف ازاي , اصل انا مشفتش حد معاه هيونداي وانا منهم بيشتكي من استهلاك البنزين , بالنسبة للعيوب طبيعي يكون في عيوب في اي عربية , واكبر دليل ال dsg بتاع فولكس اللي مدوخ الناس كلها , هل ده معناه ان مجموعة شركات فولكس في العالم كله وحشة ؟ حكاية التزييق والاصوات دي موجودة في عربيات كتير وبتتصلح في التوكيل مش عيب يعني , اما ان حضرتك بتشوف هيونداي كتير في الحرفيين يرجع لان اغلب الشعب دلوقتي راكب هيونداي فطبيعي تكون اكبر نسبة هناك هيونداي برضه , بس عيوب من غير خبطات ولا حوادث ازاي يعني ؟ بالنسبة للهوندا الجديدة طيب حضرتك شايف ان هوندا اخفقت فيها ومع ذلك بتقول ان الياباني ميتقارنش بالكوري ؟؟!!
بالنسبة لنقطة 6 سنين انا خالي معاه اكسيل 94 ماشية اكتر من 300 الف وزي الفل , دي قصة محافظة عالعربية مش اكتر يا سمسم

دة كلامة مش كلامى

وبالنسبة للمشاكل بتاعة السيارات انا عارف انها كتير اليومين دول بس كلة فية مشاكل بس للاسف الكورى بيطلع فية مشاكل اكتر من عفشة , لتزييق , لعلبة دركسيون , لمشاكل فى الفتيس واعتقد ان فى القسم عندكوا مشاكل كتير من النوع دة , وهية تفويت فى نقلات الفتيس
والعربيات اللى بشوفها فى الحرفيين لسة جديدة ياباشا ماكملتش

اة طبعا هوندا اخفقت فى السيفيك الجديدة من حيث ( الشكل - الثبات - الاوبشن - الخامات ) كل دة نزل مستواة عشان كدة الكورى تفوق علية بسهولة لان الكورى اة فية كل دة معادا الشكل احسن والمحركات بقت اقوى مع نزول ال direct inj والتيبترونيك , وفى نفس الوقت اتشال من السيفيك ال paddle shift , كل دة استهبال من السيفيك لكن تعالى بقى للسيفيك 2010 والله لو دخلت معاها النترا fully loaded 2012 ولا هتعرف تسد معاها ( ثبات - محرك - شكل - خامات - اعتمادية ) كلها تحفة وخلى بالك سعر السيفيك ال vti مستعملة 2010 اغلى من سعر الالنترا الfully loaded بحوالى 10 الاف جنية والناس مش لاقياها لان محدش بيبيعها اصلا لانها بجد كنز واللى يركبها هو اللى هيعرف قيمتها