الموضوع: هيونداي - هل هي سيارة رئيس الجمهورية القادم

المشاركة الأصلية كتبت بواسطة semsem kane

كويس عشان رئيس الجمهورية مش هينفع مثلا يركب فيرنا ولا النترا ولا حتى سوناتا وتلاقى سيارات الحرس مرسيدس وبى ام eclass , 5 series , s class , 7 series

وبعدين ازاى الرئيس مش هيحتاج عربية بتجرى افرض لاقدر الله حصل مشكلة مش لازم يكون معاة عربية جراية تحت ايدة وتتمتع بمواصفات امان عالية وطبعا دة غير موجود فى هيونداى وحتى لو عملت دة مش هتكون بنفس جودة وقوة الالمان لان السيارات دية معروفة انها معمولة لفئة معينة حتى الفئة الفاخرة ال eqques بردة نازلة اة تنافس ال 7 series وال s class بس دة اسما بس او category لكن كمنفاسة وتحدى ورفاهية واوبشن وامان واعتمادية ورحابة انسى كل دة ولا اى عربية يابانى حتى تقدر تنافس دة حتى الليكزس وال honda legend بردة مايقدروش حتى لو تفوقوا فى جوانب عليهم بس ال final verdict هيكون للالمان بكل جدارة

والموضوع مش موضع حساسية من هيونداى انتوا بس اللى وسعت منكوا شويتين ههههههه وفكرتوا ان ممكن رئيس جمهورية مصر العربية يركب هيونداى

وبعدين انا عايز اسأل سؤال اشمعنى هيونداى ماقولتش لية كيا , او شيفرولية او سكودا حتى بما ان عندة عربيتين سكودا مش واحدة

يبقى مين بقى اللى متعصب للسيارة

ياباشا كل اللى بيركب هيونداى عشان حاجة من الاتنين :

1- ماعهوش غير تمن مقدم عربية قليل ومش عايز قسط يزيد عن 1200 جنية وبردة عايز يركب عربية زيرو وشكلها حلو وبتجرى على قدة وناعمة وتكييفها كويس تحمية من بهدلة المواصلات هو والمدام والاولاد

2- مش هيقدر على فلوس العربيات الغالية او انة يجيب حاجة المانى او امريكى ومايقدرش يصرف عليها لان زى ماحضرتك عارف اية عربية من دول بتبدأ من 160 الف جنية وطبعا اليابانى غالى ومش اقل من 130 الف اول فئة


فى الاخر دة رئيس الجمهورية لمصر العربية مش هينفع نركبة هيونداى والرئيس الضيف يستقبلوة بالمايباخ ولا بالفئة السابعة او ال s class بردة لازم مصر ترجع بقوة

بس مش هو يبقى راكب s class والشعب بيكح تراب هو دة الفرق مابين اللى فات واللى ان شاء الله جاى

بالظبط كده هيونداي عربية الغلابة اللي مش لاقيين ياكلوا زينا انما الهوندا بتاعة الناس الغنية المتريشة الفاهمة.

المشاركة الأصلية كتبت بواسطة semsem kane

شوف ياباشا انا مافيش بينى وبين هيونداى اى حاجة يعنى اللى فيها هاقولة واللى مش فيها بردة هاقولة سواء بقى ميزة او عيب

انا شايف انها كدة فعلا واللى يقول غير كدة يبقى بيضحك على نفسة

يعنى اشكال هيونداى كويسة جدا وشكلها حلو ماختلافناش

مواتير هيونداى بتجرى وناعمة على الطريق بردة ماختلافناش

اقتصادية فى البنزين دة عيب فيها كل هيونداى بتأكل بنزين

ثبات لحد 130 بعد كدة مانصحش

يعنى عربية ترضى طموحات اى حد عايز عربية عائلية تقضى مهمتها وخلاص

بس ربنا يبعد عنة بقى المشاكل اللى بتطلع فيها وقطع غيارها الغالية

كل هيونداي بتاكل بنزين , بامارة انها class-leading في ال fuel economy
ثبات بعد 130 , عيب لما تتكلم عالفيرنا وتحكم على هيونداي كلها على اساسها ,
قطع غيار غالية ومشاكل كتير , اممممممم , علشان كده اهم ميزة لهيونداي في مصر انها عملية ومشاكلها قليلة وقطع غيارها رخيصة ومتوفرة
يا سمسم الكلام ده والله قديم , زي اللي كان بيتقال عالياباني اول ما طلع , الي انت مش واخد بالك منه ان هيونداي دلوقتي ( وبالذات الالنترا ) بقت تتحط في المقارنات بين احسن عربيات في الفئة , يعني بتتقارن بالفورد فوكس مثلا ,
اقولك خد اقرا المقارنة دي وبعدين نتكلم
2012 Honda Civic vs. 2011 Chevrolet Cruze vs. 2011 Hyundai Elantra Comparison Test
"The Hyundai Elantra beat the 2012 Honda Civic easily in our test"

احنا يا جماعه نعمله عضوية مستديمه هنا في قسم الهيوانداي ويبقي اول رئيس جمهورية من نايل موتورز هههههههههه

المشاركة الأصلية كتبت بواسطة semsem kane

اقتصادية فى البنزين دة عيب فيها كل هيونداى بتأكل بنزين

انا مش هأرد علي كل الكلام التاني اللي أنت قولته لأنه ممكن يكون نسبي من واحد للتاني
لكن ....
نقطة أستهلاك البنزين دي لأ و ألف لأ كده أنت بتأكد لي أنك مش عارف العربية اللي بتتكلم عليها أو بتحكم عليها بناء علي معلومات نظرية أو من السمع من ناس تانية

أستهلاك الالنترا 2012 علي سبيل المثال و لو حضرتك بتشتغل مع الأيكو مود بتحقق الاتي :
- علي الطرق المفتوحة و حتي سرعة 138 كم/ساعة أقصي أستهلاك بنزين 6.8 لتر/100 كم
- في سرعات أقل من كده علي الطرق المفتوحة وصلت بيها الي 5.8 لتر/100 كم
- داخل المدن مع متوسط سرعة 30 كم/ساعة بتحقق معدل أستهلاك 7.5 لتر / 100 كم

قولي بقي في عربيات هوندا كام ؟
و في الأوروبي (مرسيدس - بي أم - أوبل - رينو) كام ؟
بس لازم تقارن بعربيات محركاتها من نفس السعة اللترية

عموما أنا بأوجه لك الدعوة لحضور مقابلتنا يوم الخميس القادم بالليل (هيونداي تيم - نيسان) و تعالي و شوف العربية و هانطلع بيها سوي علي اي طريق

بصراحة مش عارف ازاي , اصل انا مشفتش حد معاه هيونداي وانا منهم بيشتكي من استهلاك البنزين , بالنسبة للعيوب طبيعي يكون في عيوب في اي عربية , واكبر دليل ال dsg بتاع فولكس اللي مدوخ الناس كلها , هل ده معناه ان مجموعة شركات فولكس في العالم كله وحشة ؟ حكاية التزييق والاصوات دي موجودة في عربيات كتير وبتتصلح في التوكيل مش عيب يعني , اما ان حضرتك بتشوف هيونداي كتير في الحرفيين يرجع لان اغلب الشعب دلوقتي راكب هيونداي فطبيعي تكون اكبر نسبة هناك هيونداي برضه , بس عيوب من غير خبطات ولا حوادث ازاي يعني ؟ بالنسبة للهوندا الجديدة طيب حضرتك شايف ان هوندا اخفقت فيها ومع ذلك بتقول ان الياباني ميتقارنش بالكوري ؟؟!!
بالنسبة لنقطة 6 سنين انا خالي معاه اكسيل 94 ماشية اكتر من 300 الف وزي الفل , دي قصة محافظة عالعربية مش اكتر يا سمسم

المشاركة الأصلية كتبت بواسطة semsem kane

ياباشا طبعا يشرفنى وبعدين انا جربت الالنترا 2012 وجربت ال rb وجربت االفيرنا

واللى انا حسيت بية قولتة وبعدين بالنسبة لاستهلاك البنزين دة كلام صاحبها مش مالكها , كنت راكب معاة وكان لسة مفول وماشيين عادى على سرعة 30 كم والاستهلاك كاتبلة 430 كم فقولة طيب كويس قالى سيبك من الكلام دة والله بتعمل معايا اقل من كدة بكتير وعلى سرعة عادية

ودة من مالك العربية مش منى

وربنا يسهل هو حضراتكوا ههتتقابلوا فين وامتى ؟؟؟؟؟؟؟؟؟؟؟؟

ماهو انا برضه مالك للعربية و عامل بيها 18500 كم معظمهم سفر و مسافات طويلة
و عايز أقولك أن فواتير البنزين بيتم تسجيلها عندنا في الشغل فعلا أستهلاك عربياتنا أنخفض بعد ماغيرنا التويوتا بالهيونداي

ده كلام زملائي و كلامي و كمان كلام الورق و الفواتير و المستندات

المقابلة أن شاء الله بتكون يا أما في المضيفة علي طريق مساكن شيراتون خلف موبيل امام المطار
أو
بالحديقة الدولية
و الكلام ده الخميس بالليل (بكرة يعني)