أولاً: أول مشكلة ملاحظها إن ساعات بعد مشاوير طويلة سواء فى زحام او غيره، اما بقف بالعربية بحس انها مطلعة سخونة عالية وكذا صديق ليا قالى ليه الكبوت عندك بيكون سخن، مع إنى حاطت عازل تحت الكبوت، بالإضافة لأنى بلاحظ السخونة داخلة عليا من الشباك.. المؤشر تحت النص بإستمرار والمؤشر مظبوط، ناس صحابى بيقولولى ممكن يكون الشكمان فيه حاجة مسدود شوية أو فيه مشكلة عندك فى علبة الشكمان.. مش عارف إيه مدى صحة الكلام دا!
ثانياً: إيه علاج ثبات رف السماعات.. دايما فى المطبات بسمع صوته وساعات بيعمل زنة كدا اكن حاجة بتحك فى الإزاز..
ثالثاً: بسمع صوت فى بين البابين اللى جنبى ناحية القايم كدا مش عارف ولا من الأبواب الصوت دا زى خربشة كدا زى ميكون فار أو عرسة، الكلام دا بسمعه وانا قافل الإزاز ومشغل التكييف..
رابعاً: أوقات كتير وانا بركن قدام البيت وبلف الطارة بسمع صوت صريخ زى بتاع سير الدينامو كدا بس فى اماكن معينه وانا بلف سواء يمين او شمال مش الصوت بتاع الطارة لما توصل للآخر دا صوت قبل متوصل الطارة للآخر بكتير..
أرجوا مكونش أزعجتكم بمشكلتى البسيطة ... :Copy of m-s5: