| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 28

  1. #1

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    Lightbulb حصري لنايل موتورز .. نيسان تيم يقدمون .. نتائج اختبارات قيادة نيسان قاشقاى الاتوماتيك - Facebook Twitter whatsapp انشر الموضوع فى :

    hasad">




















    نتائج اختبار قيادة نيسان قاشقاى اتومايتك
    فى معرض دندى مول الصحراوى لنيسان ايجيبت

    التقييمات تم تجميعها من نيسان تيم
    والتصوير بواستطى
    وتنسيق الموضوع

    نترككم مع التقيمات والتجربة




    :: ahmed.tv ::

    الثبات
    ==
    تشعر مع بالثبات والاتزان .. فى المناورات .. على سرعات 120/130
    وكنا راكبين 4 فى العربية وكنا مستمتعين ولا فى اى قلق يذكر
    وكنا نسير على طريق ابورواش ومنطلق على سرعة 140وثابتة جدا

    درجة التقييم

    9/10

    الفرامل
    ==
    الفرامل عند السير على سرعة 110 سرعة الاستجابة اكثر من رائعة وتستجيب معك فى اقل وقت وبسرعة جداااااا وبقوة

    درجة التقييم

    9/10

    الماتور
    ==
    ماتور محترم .. ماتور hr16 من المواتير المحترمة والقوية ولا تفقد عزمها بسهولة

    ماتور القاشقاى من الجيل الثانى لمواتير hr16 عشان السى فى تى وادخال بعض التعديلات والتحديثات عليه
    حيث يحتوى على ديول انجكشن .. حيث يعطى تسارع قوى
    مع صوت مش هادئ ووفرةفى استهلاك البنزين

    وبخصوص التسارع .. نفس الشعور عند قيادة الجوك
    حيث عند وضع الثبات .. تشعر وان السيارة لاتنطلق بقوة وعند الوصول الى سرعة 60 فيما فوق حتحس بالسرعة
    ومع ذلك
    والمفاجاة القاشقاى تستطيع الوصول من 0 الى 100 فى حوالى 11.5 ثانية
    والتيدا التى امتلكها تصل فى حوالى 10.5 ثانية
    فالفرق مش كثير .. مع الاخذ فى الاعتبار ان القاشقاى اثقل وزنا
    لكن كما وضحت من قبل هو ليس اكثر انه شعور .. لان هذا نظام السى فى تى لاتشعر معه باى نقلات للفتيس
    سحب العربية جيد جدا .. وتشعر انك راكب بساط ريح
    لانك لاتشعر بالسرعة التى تسير عليها وسوف تفاجا انك تسير 140

    درجة التقييم

    9/10

    الباور
    ==
    الباور ناعم كعادة الباور الكهرباء مع العلم وزن السيارة 1400 او 1350 على ما اتذكر والجنوط 17
    وبيفصل على سرعات بعد ال120

    درجة التقييم

    9/10

    العزل
    ==
    صوت الماتور مش مسموع وهادى .. وعند الضغط على دواسة البنزين تشعر معه بالاحساس الرياضى ولا يوجد اى ازعاج او ضجيج

    وعزل الاصوات الخارجية الطريق رائع جدا .. عند غلق الزجاج .. وكنت جالس فى الخلف .. ومن كثرة الهدوء كنت حستغرق فى النوم .. ولكن احمد .. من تجربته للسيارة فوقت.. لانه تعامل مع السيارة بعنف .. لاجل تجربة ثبات السيارة


    درجة التقييم

    9.5/10

    العفشة
    ==
    كسائق .. وكراكب امامى وكراكب خلفى ممتازة .. وتمص الصدمات بشكل ناعمولاتشعر معها باى دب فى العفشة لان العفشة مالتى لينك وهى اميز ما فى السيارة

    درجة التقييم

    9/10

    التقفيل
    ==
    التقفل محترم وجيد جدا.. وتشعرمعه بوجودة التقفيل الانجليزى العالى فى الاتقان

    درجة التقييم

    8.5/10

    الصالون
    ==
    الجلوس بالنسبة للقيادة كسائق مريح جدا و الصالون تقفيله رائع وواسع ولكن ليس فى اتساع التيدا لان القاشقاى فئة مختلفة عن التيدا .. حيث انها فئة كروس اوفر

    شكل العدادت مريح للعين كاضاءة

    البانوراما .. تعتبر خيال علمى
    اذا كان هناك نظارة 3d وعندما تنظر الى الطيور واى شى طائر فى السماء يمكنك ان تشعر انك طائر معه

    تقفيل الصالون جيد جدا تشعر معه بخامة التقفيل الانجليزى المتقن

    درجة التقييم

    9/10

    الشكل
    ==
    العربية شكلها الخارجى جيد جدا .. وشكل السيارة برستيج هادئ وجميل جدا
    مع شكل الفوانيس الشرسة واحساس شكل سيارات الدفع الرباعى

    درجة التقييم

    8.5/10

    كراكب امامى
    ==
    كنت قااعد مستمتع بالجلوس جدااا بجانب السائق .. وارتفاع السيارة شعرت بيه وانا كراكب .. فى منتهى الروعة والاحساس بالراحة

    كراكب خلفى
    ==
    تشعر بفخامة المقصورة كلها وانت جالس فى الخلف مع الراحة فى الجلوس
    كنت جالس مرتاح جدا وطولى 178

    احساس الراكب الخلفى مختلف جدا عن اللى جالس فى المقصورة الامامية
    حيستمتع بالبانوراما اكثر وحيشعر انه فى عالم تانى من الخيال والهدوء
    وحينسى الطريق ويشعر انه فى كوكب اخر مع منظر البانوراما وكما وضحت
    من قبل كدا ناقص للراكب الخلفى نظارة 3d

    الرؤية
    ==
    الرؤية فى مرايات الصالون .. لا تشعر معها بكشف رؤية الطريق بنسبة كبيرة
    ولو هناك 3 افراد جالسين فى الخلف .. لا تستطيع ان تشاهد الطريق بيسر لان الزجاج الخلفى مش بدرجة كبيرة من الاتساع
    ولكن
    مرايات الاجناب كبيرة جدا .. وتكشف الطريق بنسبة كبيرة جدا من الايضاح

    درجة التقييم

    8/10

    التكيف
    ==
    حدث ولا حرج .. تكيف قوى ويصل الى درجة التبريد بسرعة .. ولايؤثر على السحب اطلاقا وكنا فى العربية 4 افراد

    التكيف ديول .. يستطيع كل راكب امامى تعديل درجة الحرارة اللى تناسبه

    درجة التقييم

    9/10

    كنت اتمنى
    ==
    ان تكون مجهزة بمرايات ضم وبلوتوث وكروز كنترول وesp
    وسعرها اذا وصل الى 190 الف .. سوف تكون صفقة ممتازة

    ومع ذلك امكانيات السيارة مع سعرها الحالى ب175 الف يعتبر منافس جدا وممتاز




    :: ahmedzong ::

    قشقاي 1.6 اوتوماتيك cvt xtronic عاملة 1300 كيلو .. السيارة لسة في التايين لسة معملتش صيانة الالف ..

    التقييم في كذا نقطة .. و النتيجة من 10 لكل نقطة :

    1 . الشكل
    2. الموتور
    3.العفشة
    4.الفرامل
    5.الثبات
    6.راحة الجلوس
    7.الوسع الداخلي
    8.التقفيل
    9. الرؤية و الإضاءة

    الشكل
    ==
    العربية ليست بضخمة اوييييييي خارجيا .. لكن مع الركوب تحس إنك راكب عربية ضخمة مع الجنط 17 و كاوتش high profile مديك إحساس بالعظمة

    درجة التقييم
    < 9 من 10 >

    التقفيل
    ==
    أول ماتدخل العربية تحس بالفخامة و جودة الصناعة .. واضح إن التقفيل الانجليزي ليس بهين تماما .. تقفيل محترم لكل شيء الكرسي , التابلوه , الصاج , الموتور , العزل كل شيء ..

    درجة التقييم
    < 10 من 10 >

    الموتور
    ==
    ليس ضعيف بالمرة زي مالناس فاكرة .. مع إن العربية مايقرب وزنها من 1400 كيلو ..

    واحنا ماشيين قلنا نختبر السيارة .. مع العلم ان السيارة في التاليين .. وراكبين 4 اشخاص اقل واحد 80 كيلو و أكثر واحد مقرب من 110 كيلو .. جربنا من 0 ل 100 طلعت في 11 ثانية طبعا رقم تحفة بـ فتيس cvt .. و ما شاء الله صوته هادي جدا ..

    درجة التقييم
    < 9 من 10 >

    العفشة
    ==
    أكثر من رائعة .. ولا تحس باي شيء نهائي .. ولا خبط ولا رزع .. بصراحة عفشة محترمة
    ومبسوط انها مالتى لينك

    درجة التقييم
    < 10 من 10 >

    راحة الجلوس
    ==
    العربية مريحة اويييي بدرجة مستفزة هههههههههههه ..

    درجة التقييم
    < 10 من 10 >

    الوسع الداخلي
    ==
    واسعة جدا ما شاء الله .. العربية تاخد مرتاحة قوي 4 اشخاص كبار الحجم + واحد متوسط الحجم .. كلهم يقعدوا مرتاحين .

    درجة التقييم
    < 9 من 10 >

    الثبات
    ==
    العربية عالية عن الارض صح .. بس ماتحسه كده نهائي لما تاخد غرزة ولا ملف حااااااد على 120 أو 140 .. بصراحة العربية قفشة في الارض ولا الهوا مع إنها سيارة cross over ..

    درجة التقييم
    < 9 من 10 >

    الفرامل
    ==
    أول مرة تعجبني فرامل سيارة بعد الصني بصراحة .. عليها فرامل ايييييييييييه اسد .. في كل شيء وقوف متوسط و قوي و ملفات .. بصراحة توزيع قوة الفرامل تحفة ..

    درجة التقييم
    < 10 من 10 >

    الرؤية و الإضاءة
    ==
    شايف الطريق بكل وضوح جانبيا و أماميا .. الإضاءة روعة بصراحة ..

    درجة التقييم
    < 9 من 10 > ..

    في المجمل يا جماعة العربية فعلا روعة .. اوعوا تستخسره فيها الفلوووووووووووسسسسسسسسس



    :: bassam hafez ::

    اولا انا راكب تيدا سيدان اوتوماتيك عادية مش سي في تي واول مرة في حياتي اجرب عربيه سي في تي

    ها ابدا اولا باحساسي من ساعت ما شوفت العربيه عشان اركبها واجربها

    اولا تحس بالفخامه وانت داخل على العربيه والبساطه في نفس الوقت بحسها عامله زي رجل الاعمال المتواضع

    ثانيا ركوب العربيه : تحس انك راكب فور باي فور عشان الارتفاع بتاعها حلو قوي
    ولوحه العدادات البيضا مع الشاشه الكبيرة اللي فيها كل حاجه عن العربيه بتدي احساس بالراحه والتفاؤل

    وكمان السقف البانوراما مدي احساس بالوسع والانطلاق
    وخصوصا اللي قاعد ورا بيبقى شايف السما كلها من غير ما يرفع راسه فوق بصراحه منظر تحفه

    ووسع العربيه من ورا كويس جدا طبعا مش زي التيدا بس بالنسبه للفئه دي جميل جدا والشنطه تحفه... ده كان احساسي بالعربيه اول ما ركبتها

    نيجي بقى للسواقه

    انا اول ماطلعت بالعربيه ماشي مستنيها تنقل ما فيش فايده ما هي سي في تي بقى ما فيييييييش نقلات تحس ان العربيه بساط ماشي

    بس انا استغربت سواقتها لاني واخد على الاوتو العادي يعني العربيه بتجري من غير ما تقولك لكن في الاوتو العادي لما بتجري بتحس بتسقيطه النقله والشده بتاعه الغيار
    وانا هنا مش هاقدر اقول مين الاحسن العادي ولا السي في تي لان الموضوع في الاول والاخر راجع للسائق واحساسه بالعربيه زي المقارنه زمان بين المانيوال والاوتوماتيك العادي وعلى فكرة انا زمان ما كنتش بطيق اسوق اوتوماتيك لكن بعد ما جربته ومع تطورة احساسي اختلف وممكن ده يحصل معايا في السي في تي بعد تجربته عده مرات واتقان طرقه التعامل معاه لانه مش زي الاوتو العادي خالص دي حاجه ودي حاجه فلازم تبقى حاطط في دماغك وانت بتجرب انها غير الاوتوماتيك العادي
    بس اكتر حاجه لفتت نظري ان انت لو مش باصص على العداد ممكن تسرح بالعربيه

    نيجي بقى للعفشه :

    العربيه عفشتها تحفه متينه والعربيه مش بتعوم وانا جربت اكسر الدريكسيون يمين وشمال جامد العربيه ماسكه نفسها وفي المطبات مريحه جدا لدرجه اني لاحظت اني ماشي على سرعه 50 كيلو على ارض مدغدغه ومش حاسس ونفس الارض دي لو بعربيتي ها مشي على 20 واشغل انتظار

    بصراحه شايف العربيه

    ممتازة بالنسبه لعائله متوسطه او كبيرة بس حاسس ان العربيه دي ناقصها مثبت سرعه وبلوتوث وسينسور بارك وتبقى تحفه فنيه
    وبالتوفيق للي عايز يشترها انه مش ها يندم



    :: Amr2004IBM ::

    اولا:- الانطباع الاول ( الشكل من الخارج)

    السياره تعجبك شكلها منذ الوهله الاولى حيث يصلك انطباع هجومى من شكل وتصميم الفوانيس الاماميه والكابوت وهذا من احد مميزات شكل هذه السياره ناهيك عن تصميموها الخلفى العصرى الذى يعطيك احساس السيارات الدفع الرباعى وبذالك تكون انطباع عام بانك ستركب سياره شرسه وقويه

    ثانيا :- من الداخل
    ستكتشف من الوهله الاولى بمدى فخامه المقصوره من الداخل ابتداءا من الفرش وحتى الطبلوه وسنتناول كل نقطه على حدى كالتالى:-

    1- الكراسى والفرش تجد انها صنعت من جوده عاليه غير مسبوقه من نيسان مما يتناسب مع قيمه هذه السياره

    2- التابلوه هو الاخر جودته ممتازه تنعكس فيه جوده التقفيل الانجليزى العريق وكذلك تصميمه الشيك السهل حيث تستطيع ان تصل لكل الادوات التى وضعتها نيسان لتمتع بهذه السياره بكل سهوله ويسر وكذالك يتسم بالوضوح والفخامه وخاصتا العدادات التى تتميز بالاضاءه البيضاء المريحه والشاشه الرقميه التى وضعتعا نيسان فى المنتصف بين العدادات المتصله بكومبيوتر السياره لتوضح للسائق العديد مما يحدث فى السياره ( وقد شرحه صديقونا العزيز احمد مصطفى بالفيديو شرح وافى). وكذالك التكيف الجبار الذى تشتهر به نيسان قد طورته فى هذه السياره حيث تستطيع ان تتحكم فى درجه حراره الجنب الايمن عن الجنب الايسر وهذا بسهوله ويسر

    3- وضع الجلوس والرؤيه من داخل المقصوره بنسبه لكل من ( السائق - الراكب بجانب السائق - الراكب الخلفى )

    أ- السائق
    بنسبه للسائق تستطيع ان تتحكم فى ارتفاع وانخفاص الكرسى ووضعه فى اى اتجاه مما يتيح راحه واكثر متعه للقياده. اما بنسبه للرويه ستجدها بنوراميه جميله تكشف الطريق كله وكذلك ابعاد السياره الاماميه بسهوله والخلفيه من خلال المرايات

    ب:- بنسبه للراكب بجانب السائق
    عندما جلست بجانب السائق احسست باننى ىاشاركه متعت القياده والرؤيه الاماميه المميزه الجميله الكاشفه للطريق وتصميم الالمرتفع للسياره يضفى على هذا الاحساس فخر وغرور وتميز عن باقى الذين يحيطون بيك من راكبى السيارات

    ج:- بنسبه للراكب الخلفى
    كراكب خلفى سعدت جدا بجلوس الخلفى حيث الوسع والرحابه اكثر ما يميز الجلوس الخلفى نهيك عن الرؤيه الرائعه البنوراميه للسقف حيث ان كل السقف مكشوف بذجاج المعالج ضدد الكسر الذى يحقق المتعه بالرؤيه الجميله والاضائه المريحه داخل المقصوره والامان فى نفس ذات الوقت

    ثالثا :- وضع التخزين
    بنسبه لشنطه الخلفيه تتسم بالاتساع وامكانيه وضع الكثير من الاغراض وهذا يعطى ميزه لقانطى هذه السياره وخاصتا الراغبين فى السفر الكثير والرحلات
    وكذالك اماكن التخزين الكثيره الموجوده داخل المقصوره سواء كانت فى الابواب او القنصول الموجود فى المنتصف بين السائق و الراكب او الموجوده فى الطبلوه

    رابعا:- اثناء القياده
    وسنتحدث عن ( السحب- الفرامل- نظام التعليق)

    1:- السحب والتسارع
    نجد منذ الوهله الاولى الاختلاف الواضح بين الفتيس الاوتوماتيك العادى والcvt فى اسلوب القياده حيث ان الاخير عند الضغط على البنزين بضريقه فجائيه نجد بطا نسبى فى التسارع من وضع الثبات وعلى العكس تماما عندما نضغض على البنزين من بعد سرعه 60 كيلو ميتر نجد تسارعها سريع وسلس ويميز هذا الفتيس بانك لاتحس ابدا بنقلات اى لا توجد النتشه المعروفه فى الفيتيس العادى
    وفى مجمل الامر يصل اليك بانك تقود سياره ذو موتور قوى وفعال

    2- الفرامل
    الفرامل فعلا فعلا قويه جدا وسلسه وتحقق الوقوف المطلوب فى الوقت المناسب واقل

    3- نظام التعليق
    وهذا اكثر ما اعجبنى فى هذه السياره حقيقتا وقد اصررنا ان نقود السياره على طريق وعر مليء بالمصبات والحفر المصريه الشهيره ووجدنا مدى استجابه السياره وتعاملها مع تلك الطرق حيث ان نظام التعليق فعلا له القدره على امتصاص الصدمات ليحول وصولها الى الراكب لدرجه ان بعض الحفر الصقيره والدخداغات كن نكاد لانشعر بها تماما

    ولذلك انا احى نيسان على هذا التصميم واتمنى ان تعممه على

    ===============

    فى النهاية
    اتمنى ان يكون تقيم القاشقاى يحوز على اعجابكم
    وانتظروا تقارير الاعضاء عن الجوك قريبا

    وتقبلوا وافر تحيات
    نيسان تيم جميعا



    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  2. #2

    الصورة الرمزية houseiny

    رقم العضوية : 80763

    تاريخ التسجيل : 21Sep2010

    المشاركات : 386

    النوع : ذكر

    الاقامة : Egypt

    السيارة: ,,Hyundai gets, Honda Civic SI, carens 2013 High Line, new accent 2010

    السيارة[2]: Kia Carens 2014

    دراجة بخارية: no

    الحالة : houseiny غير متواجد حالياً

    افتراضي -

    والله ربنا يجزيكم خير جميعاً ونعم الناس ، وكأني جيت وجربت العربية معاكم بالظبط ، والله طمنتوا قلبي ، كده أبيع الجتز وأنا مطمن وأخش علي الباشا الكبير ، بجد مفيش كلمة شكر توفيكم غير الله يجازيكم كل الخير


  3. #3

    الصورة الرمزية Ahmed.TV

    رقم العضوية : 18439

    تاريخ التسجيل : 09Sep2008

    المشاركات : 8,548

    النوع : ذكر

    الاقامة : حدائق الاهرام

    السيارة: بولو 99

    السيارة[2]: تيدا 2009

    دراجة بخارية: honda

    الحالة : Ahmed.TV غير متواجد حالياً

    افتراضي -

    يا فندم تنور .. طبعا
    وربنا يخليك على تقديرك الطيب
    بس نصيحة بلاش تخلى احمد زونج بالذات يعمل تيست دريف على عربيتك المستقبلية باذن الله

    محرر فى دعم اتخاذ القرار بوزارة الاعلام
    قليل المشاركة فى الموضوعات والرسائل الخاصة لانشغالى بالعمل
    برجاء الاتصال بى : 01288814049


  4. #4

    الصورة الرمزية Dr'AhmZZong

    رقم العضوية : 72112

    تاريخ التسجيل : 02Jun2010

    المشاركات : 6,052

    النوع : ذكر

    الاقامة : الجيزة ... المنوفية

    السيارة: Duster E2-Terios

    السيارة[2]: Nissan Sunny-Tiida

    دراجة بخارية: هوندا اليت

    الحالة : Dr'AhmZZong غير متواجد حالياً

    افتراضي -

    اقتباس المشاركة الأصلية كتبت بواسطة Ahmed.TV مشاهدة المشاركة
    بس نصيحة بلاش تخلى احمد زونج بالذات يعمل تيست دريف على عربيتك المستقبلية باذن الله
    هههههههههههههه أنت تاااااااااااني ..

    بلاش أنت والنبي يا بتاع القولون هعهعهعهعهعه


  5. #5

    الصورة الرمزية sedyrohy

    رقم العضوية : 9520

    تاريخ التسجيل : 24Apr2008

    المشاركات : 1,168

    النوع : ذكر

    الاقامة : damanhour

    السيارة: Honda Civic 93 AT EX

    السيارة[2]: Nissan Sunny 2007 AT EX

    دراجة بخارية: لا يوجد

    الحالة : sedyrohy غير متواجد حالياً

    افتراضي -

    تسلم اديكوا و مجهود جبار لكم جزيل الشكر عليه
    عقبال ما تعملو تست دريف ل نيسان z
    او gtr
    اكيد حيكون مختلف جدا جدا

    [frame="7 50"]
    [img3]http://www.nileup.com//uploads/images/domain-db779c04c2.jpg[/img3]
    [/frame]


  6. #6

    الصورة الرمزية احمدعبدالعزيز

    رقم العضوية : 713

    تاريخ التسجيل : 17May2007

    المشاركات : 3,466

    النوع : ذكر

    الاقامة : alexandria

    السيارة: لا يوجد

    السيارة[2]: رينو فلوانس 2016

    الحالة : احمدعبدالعزيز غير متواجد حالياً

    افتراضي -

    تقيم ممتاز وشرح وافى لكل جزءفى السياره الله ينور عليك يا ابو حميد

    لا اله الا الله محمد رسول الله


  7. #7

    الصورة الرمزية houseiny

    رقم العضوية : 80763

    تاريخ التسجيل : 21Sep2010

    المشاركات : 386

    النوع : ذكر

    الاقامة : Egypt

    السيارة: ,,Hyundai gets, Honda Civic SI, carens 2013 High Line, new accent 2010

    السيارة[2]: Kia Carens 2014

    دراجة بخارية: no

    الحالة : houseiny غير متواجد حالياً

    افتراضي -

    اقتباس المشاركة الأصلية كتبت بواسطة Ahmed.TV مشاهدة المشاركة
    يا فندم تنور .. طبعا
    وربنا يخليك على تقديرك الطيب
    بس نصيحة بلاش تخلى احمد زونج بالذات يعمل تيست دريف على عربيتك المستقبلية باذن الله
    ياباشا دي تحصلها الف بركة ، ده اقل حاجة ممكن نردهلكم مقابل المعلومات اللي بتجلنا على طبق فضة دي، ياسيدي فداكوا العربية نجيب تاني هتغلى عليكوا يعني ؟؟؟؟
    انا شوفت كذا واحد في حدائق الأهرام معاهم القشقاي وبصراحة كنت عايز أسألهم أنتوا نايل موتورز ولا لأ بس اتحرجت أنا مشكلتي إني خجول حبتين


  8. #8

    الصورة الرمزية Bishoy.Girgis

    رقم العضوية : 30571

    تاريخ التسجيل : 20Jan2009

    المشاركات : 5,542

    النوع : ذكر

    الاقامة : EGYPT

    السيارة: Toyota Corolla 1996

    السيارة[2]: Nissan Sunny 2OO9

    دراجة بخارية: I Don't Like It

    الحالة : Bishoy.Girgis غير متواجد حالياً

    افتراضي -

    ايه التقييمات الجميلة ديه .. بجد انتوا حسستوني اني انا اللي عملت التيست درايف ده .. بشكرك يا احمد علي تنسيق الموضوع بالطريقة السلسة ديه و بشكرك كمان علي تقييمك و تقييم بسام و عمرو و احمد زونج .. متشكر يا جماعة علي تعبكوا و علي سرد تقييمكم .. بس انتوا نسيتوا تحطوا تقييم عمر بقي دا كلام يعني :)))))))))))


    انا عايز افكر الاعضاء كمان بالمواضيع الرائعة الخاصة بالجميلة قشقاي عشان تلاقوا كل المعلومات المطلوبة عن العربية في اللينكات ديه



    و عايز اقول لكم بقي علي خبر جامد جدا جدا و هو :
    احتفل العاملون في مصنع "نيسان" فى اوائل العام الماضى 2011 بمدينة سندرلاند البريطانية بإنتاج السيارة "قشقاي" رقم مليون ، لتكون أنجح سيارة يتم تصنيعها في تاريخ إنتاج السيارات في بريطانيا. كما أن مصنع سندرلاند يعتبر أنجح مصنع لطراز "قشقاي" في العالم، إذ توفق إنتاجها على معدل إنجاب المواليد في بريطانيا بأكملها. و علي فكرة بيتم إنتاج سيارة "قشقاي" كل دقيقة واحدة ما يعني إنتاج 1200 سيارة في اليوم يتم تصديرها إلى 97 دولة على مستوى العالم. و اكيد من ساعة نزول الخبر ده .. اكيد انتاج العربية زاد .. وكمان العربية بتنافس فى اوروبا منافسة شرسة

    انا حبيت انقل ليكم الخبر الجميل ده عشان تعرفوا فعلا العربية ديه مبهرة اد ايه


  9. #9

    الصورة الرمزية cameeron

    رقم العضوية : 47229

    تاريخ التسجيل : 15Sep2009

    المشاركات : 800

    النوع : ذكر

    الاقامة : Egypt

    السيارة: honda city

    السيارة[2]: fiat shahin

    دراجة بخارية: لا

    الحالة : cameeron غير متواجد حالياً

    افتراضي -

    صراحة مليون شكر على التقرير الاكثر من رائع و ربنا يبارك فيكوا بجد و يبارك للى هيشترى العربية انما سؤال هل السقف البانوراما ده بيتقفل و لا لا

    [mshosh2]http://www.gtspirit.com/2012/02/24/official-bertone-nuccio-concept-revealed/?pid=45463&gallery=4010#tp[/mshosh2]


  10. #10

    الصورة الرمزية tiger76

    رقم العضوية : 119532

    تاريخ التسجيل : 24Jan2012

    المشاركات : 258

    النوع : ذكر

    الاقامة : Cairo

    السيارة: Nissan Sunny SS 2012

    السيارة[2]: Florida-Zestava

    دراجة بخارية: NA

    الحالة : tiger76 غير متواجد حالياً

    افتراضي -

    hasad">

    الموضوع فوق الممتاز كالعادة يا ريتنى كنت معاكم
    العربية الصراحة جميلة و جامدة جدا
    بصراحة فاتنى كتيير قوى , يلا تتعوض فى عربيات تانية



 
صفحة 1 من 3 1 2 3 الأخيرةالأخيرة

المواضيع المتشابهه

  1. تجربة قيادة bmw320 الشكل الجديد2013 F30-حصري لنايل موتورز
    بواسطة احمدعبدالعزيز في المنتدى أخبار السيارات في مصر والعالم
    مشاركات: 16
    آخر مشاركة: 30-11-2012, 11:48 AM
  2. مشاركات: 46
    آخر مشاركة: 07-11-2012, 11:31 PM
  3. مشاركات: 77
    آخر مشاركة: 14-05-2012, 02:45 AM
  4. مشاركات: 25
    آخر مشاركة: 13-05-2012, 05:49 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2