هل من مجيب !
هل من مجيب !
البطاريه وظيفتها انها تدور العربيه و اول ما العربيه تدور الدينامو بيشتغل و هو اللى بيطلع كهرباء للعربيه بعد كده و يشحن البطاريه ، يبقى ازاى ممكن البطاريه تأثر فى السحب بقى؟:brn:
هو علميا اظن مش بيأثر
لكن كواقع
لما كنت بغير البطارية كنت بحس انها بقيت اسرع سنه صغيرة اوي كسحب واضاءة
مجرد راي
العربيه منظومه متكامله و اي خلل في المنظومه دي بيأثر عليها كلها
لها تأثير الى حد ما في نقطة معينة
ان الدينامو بيعتمد عليها في تثبيت الفولتية على قيمة لا تزيد عن 13.2 فولت
لو حصل انك فصلت البطارية والعربية دايرة هتفضل دايره عادي بس فيه احتمال ان هتبقى في مشكلة في الكترونيات السيارة لأن الفولت ممكن لو انت قارص عالعربية بدون بطارية يوصل ل15 فولت
البطارية لو تعبانة ممكن يكون فيها حاجة زي قافلة (انخفاض قيمة مقاومتها الداخلية) وبتعمل حمل على الدينامو فبتأثر عالكهربا اللي طالعة منه وتهبط الفولتية... مما يؤدي لضعف الكهرباء الواصلة لمجموعة الاشعال (البوبينة) او طرمبة البنزين فيسبب ضعف في عزم العربية وده اللي ممكن يسبب ان الواحد لو معاه بطارية تعبانة وجاب بطارية جديدة يحس بفرق
بس لو بدلت بطاريتين سلام مكان بعض مش هتحس بأي فرق
والله أعلى وأعلم
أعتقد إن البطارية ملهاش أي تأثير على السحب..لأن وظيفتها انها تقوّم العربية والدينيمو هو اللي بيدي كهرباء للعربية والله أعلم.
لا تأثير لها والله اعلم
اعتقد بيكون في تأثير علي السحب لانها بتكون بمسابة مصدر تعويضي في حالة تشغيل احمال كهربية بالسيارة (انارة , كاسيت ....) لان التيار الناتج من الدينمو مش هايكون كافي لتغذية الاحمال بالاضافة الي تغذية الموبينة فاهيحصل هبوط للجهد وده هايقلل الجهد الناتج من الموبينه وبالتالي هايأثر علي اداء العربية ,,
وده بالاضافة الي راي الزميل Exact كلامه تمام 100%
من المعروف علميا ان نوع الكاسيت بيأثر على السحب
السؤال اللى محيرنى لما أحط فلاشة فى الكاسيت بيأثر على السحب !!!!!
بلاش تريقة عشان فعلا حصل معايا ان البطارية لما كانت بايظة والقواطيش مملحة ومش موصلة كويس
لما كنت اقلب نور الاقى العربية بتنتش !!
يعنى الكهربا اللى رايحة للبوجيهات نفسها كانت بتضعف
واللى بيقول ان الدينامو هو اللى بيكمل كل حاجة
احب اقوله مثال بسيط بعد ما تدور العربية فك الكابل الارضى من البطارية وقوللى ايه الاخبار ..
انا هنا بتكلم عن بطارية بايظة يعنى على الاقل فيها ربع
مش ان شحنتها ضعيفة شوية
بتأثر على العربية وخصوصا في السلانسيه وخصوصا لما يكون مفيش احكام في توصيل الاقطاب
شكرا لكم
البطاريه / الدينامو / المارش بيؤثروا فقط فى اداره السياره
لو الدينامو مش بيشحن هيأثر
لو المارش فى مشكله نفس الموضوع
اما البطاريه لو فيها مشكله هتأثر فى الدواره وممكن تدور زق
اما اثناء السير فان الدينامو يقوم بمهمه شحن البطاريه
ولو ان ابطاريه بها عيب مثلا فيها ربع ضارب هيعوضه الدينامو فى الشحن ولو العربيه تبطل ممكن لو الربع دا نسبه التالف فيه كبيره هتحتاج الزق
لكن البوجيهات هيه اللى بتأثر فى سحب السياره او الانجكشن اما او لو العربيه مانيوال تبقى مجموعه الدبرياج
والله اعلى واعلم
التاثير الوحيد لو المقاومة الداخلية للبطارية قلت دا ياثر في السحب والعربية بالكامل
ممممممممم طب مش ممكن البطارية تؤثر على نقلات الفتيس الاوتوماتيك !!!
رأي يحترم ..
+111111111111111
احييك بشدة ..
!!!! ممكن
+1111
100 100 يا بييييييييييييه
الله اعلم ..
رأي يحترم يا هيماااااااااااااااا ..
مممممممممم أنا شايف كده برده
مش بالتريق ولا حاجه والعياذ بالله
أنا بهزر وبضحك معاكم ومع صاحب الموضوع
بص ياباشا عندى موتوسيكل صينى كنت حاطط فيه بطارية جافة
اتركن كتير بالذات فى الشتاء بسبب الأمطار وبهدلة الشوارع والجو البارد
مكنتش بشغله كتير
طبعا البطارية باظت ... المارش معدش بيشتغل
بشغلة بالمانفيلاً بيشتغل كويس جدا
مفيش تأثير على أى حاجه تانية أثناء الحركة
اللى إتأثر المارش مش بيشتغل نهائى
الإضاءة بقت ضعيفة جداً كإنى منور وناسة !!!
الكلاكس صوته ضعيف
غير كده مفيش اى تأثير على السحب أو الجرى أو غيره
أعتقد لا تأثير
بتقول جافة دا اولاً وثانياً لمح يحث ان قلت المقامة الداخلية لها وبالتالي ليس له تاثير كانك فاككها خالص لكن لو سايلة كان هيبقي نفس الوضع طبعاً لا مكنش هيدور بالمارش ولا المنفلة حتي لان بقي في شورت علي الدينامو والي هوا المقاومة الداخلية للبطارية الي انا بتكلم فيها
فى تاثير لو الدينامو تعبان عشان بتاثر على طرمبة البنزين فى العربيات الانجكشن
طيب سؤال هل البطاريات فى العربيات الحديثه بتتفير يعنى انا معايا النترا 2010 بقالى سنتين ما غيرتهاش
متابع باهتمام
طالما موجوده وسط دايره يبقى لازم يكون ليها تأثير الفرق تأثيرها يبقى ظاهر امتى