-
Alpine Sound System
السلام عليكم و رحمة الله و بركاته
الصراحة دى اول مشاركة لى فى المنتدى و الصراحة انا معجب جدا بطريقة الحوار اللى موجودة فى الموضوعات و برضو استجابة الاعضاء
نخش فى الموضوع
بفكر انى اجيب طقم صوت بس يكون ماركة كويسة فقررت انى اجيب الباين ALPINE و اعتقد انها ماركة محترمة على حسب ما الناس بتتكلم عليها بره مصر , بس انا ملاحظ ان فى المنتدى مفيش حد بيتكلم على الباين خالص مش عارف ده عشان انها قليلة فى مصر و لا ادائها مش كويس زى البيونير و السونى و الكينوود
المهم قررت انى اجيب HeadUnit الباين موديل IDA-305S
Alpine Electronics of America, Inc.
سماعات بيضاوى 100 وات
Alpine Electronics of America, Inc.
سماعات مدورة 100 وات
Alpine Electronics of America, Inc.
صب 12 600 وات
Alpine Electronics of America, Inc.
امب للسماعات 4 قناوات فى 100 وات
Alpine Electronics of America, Inc.
و امب للصب قناة واحدة 600 وات
Alpine Electronics of America, Inc.
الصراحة انا عايز اقلل فى الامبات شوية و اجيب امب واحد 5 قناوات بس بره مش بينصحو بالحل ده
حاجة تانية انى مش عارف اداء السماعات هيبقى ازاى لو انا نزلت بالوات بتاع الامبات دى يعنى مثلا امب السماعات 4 قنوات فى 100 لو انا جيبت واحد اقل شوية 4 فى 75 هيبقى ادائه سىء مع السماعات دى او زى ما بيقولو Under-power System و لا هيبقى تمام ؟
طبعا الطقم سعره غالى شوية بس فى امكانية انى اغير السماعات الاباين و اجيب JBL هيبقى اقل فى السعر بس الجودة الله اعلم ؟
بس انا بصراحة انا مقتنع جدا بأداء الاباين بس مش لاقى قبول من الاعضاء على الماركة دى
حابب اسمع راى الخبراء قبل ما اتوكل على الله و اشترى السيستم ده
شكرا
-
ماشاء الله اختياراتك رائعة ...الباين ماركة عالمية وقوية جدا... لكن في مصر اسمع انها بيتم تجميعها محليا والله اعلم يعني ... ممكن تقولنا اسعار السيستم كام ومنين ؟
-
انا ناوى اشتريه اونلاين من امازون و اى باى
سعره هيكلفنى تقريبا 1200 دولار بالشحن, بس برضه انا كنت عايز انزل بالتكلفة شوية برضه
حابب انى اسمع اقتراحتكم
شكرا
-
1200 دولار
بجد يبقى حرام عليك لو عملتها
المبلغ ده ممكن تعمل بيه عدة صوت وهمية من هنا من مصر
اعقل كده و احسبها تاني
تجيب كاسيت بايونير دبل دن تاتش سكرين أو حتى سينجل دن تاتش برضو
تجيب جي إم 720 وات كينوود أو 760 وات بايونير و تركب عليه 4 سماعات جي بي ال
و تجيب جي إن سوني 600 وات 2 تشانل تركب عليه صب 1400 وات 2 كويل بايونير
حتى برة مصر alpine مش الماركة رقم واحد يعني .. فيه الكيكر و جي بي ال و روكفورد أفضل منها بكتيييييييييييييييييييييي ييير
-
الف شكر يا باشا على الرد
والله كلامك يستحق التفكير يس انا عايز اعرفك ان المركات اللى انت قولت احسن من الالباين ارخص فى السعر الصراحة انا مش عارف ليه ؟؟؟
بس انا محتار جامد جدا مش عارف اعمل ايه
تعرف ماركة JL Audioجامدة جدا بس لسة اغلى من الالباين !!!
طيب انا ممكن اتنازل على الالباين و اجيب تشكيلة زى مثلا
Headunit Pioneer Pioneer AVH-P2400BT
سماعات JBL
Amazon.com: JBL GTO938 6 x 9-Inch 3-Way Loudspeaker: Car Electronics
Amazon.com: JBL GTO638 6.5-Inch 3-Way Speakers (Pair): Car Electronics
و الصب و الجي امات الباين
ها ايه رأيكم ؟
-
أنا مش عارف أقولك أيه الصراحة .. بس أنا مش مقتنع خاااااااالص بموضوع Alpine ده
-
على فكرة انا عندى سماعات Alpine 210 Watt كنت جايبهم من برة و مركبهم على امبلفاير Kenwood 350 Watt و كاسيت Kenwood Double Din و فعلا السماعات ممتازة بس الفكرة ان سعرها غالى مقارنة بالبايونيير او الكينوود
-
هات سماعتبن jbl 600 وات و بازوكا jbl 1000 وات و عليهو جى ام كينوود 720 وات او هات جى بى ال لو لقيت و هات كاسيت بايونيير 8350 و هتسمع صوت ملهوش حل ولو عاوز سماعتين فى الأبوبا يبقى هات السونى الكمبننت و وصلهم علىا لكاسيت و اوعدك بصوت ملهوش حل و لو زودت زيرو باور كمان يبقى كدة تمام جدااا
-
الالباين كفائتهم عاليه جدا ولكنهم مغمورين بالنسبه للشباب الجديد قف على مبداءك ولاتهتز بمنتهى المصداقيه ولو غير مقتنع بكلامى وحتبيع الالبين انا اشتريهم من حضرتك
وعفوا تقبلها منى كاءخ من عائلة نايل متورز \ اجعل السياره استوديو وعيش اللحظه الجميله والعميقه داخل السياره لنفسك ولاداعى ان تضع طقم صوت يسمع الاستاد كل شيئ معقول حلو
-
حقولك حاجه الناس هنا هتتحرج تقولهالك
حرام تدفع 7500 جنيه فى طقم صوت
Content Relevant URLs by
vBSEO 3.6.0 PL2