اريد شراء سيارة حديثة و احتاج الى رايكم المفيد بالنسبة لى

المبلغ المتاح / 40 الف
نوع العربية / يفضل زيرو "فيرنا او نيو اكسنت او ماتريكس"
إمكانية التقسيط فى حالة الزيرو / إمكانية تقسيط " برجاء ذكر اسماء افضل المعارض"
خبرتك فى السواقة وسكك الصيانة / جديد
شكل العربية / سيدان
الموديل / زيرو
إستخدام السيارة فى الاغلب / داخل المدينة و خارج المدينة فى سفريات
انتقالاتك بالعربية / دايماً معاك ناس
الكماليات المرجوة / جميع الكماليات
إستهلاك البنزين / يفضل قليل
قطع الغيار / غالية و عمرها طويل
اماكن الصيانة / يفضل توكيل او ممكن ميكانيكية
التفرغ لأعمال الصيانة / ماعندكش وقت خالص
الاستمرار بالعربية لفترة / هاتستمر بيها فترة طويلة
سعر إعادة البيع / مش عايز تخسر كتير
اهم حاجات بتدور فيها على العربية /
- قوة تحمل
- قلة اعطال
- الشكل الحلو
- ............
ملاحظات اخرى / اريد مشاروتكم لاختيار السيارة المناسبة و اذا كان هناك اى ترشيحات غير المكتوبة يرجى الافادة بكل العيوب و المميزات خاص بنايل موتورز فقط

new accent is PERFECT car
but ghaboor is the weak point

1- كيا ريــو
2- لانـــوس

ده أختيارات حضرتك كلها هيونداي ......... واضح أنك بتحبها قوي
حضرتك عايز توفر في البنزين ......... و دايما سواقتك في وسط البلد ........... و سفرياتك قليلة
يبقى سيبك من كل العربيات اللي موتورها 1600
و خليك في حاجة 1300 أحسن علشان البنزين ......... أدام كدا كدا سواقتك أغلبها داخل البلد
و أنا أرشحلك الآتي
هوندا سيتي ........... شكل مش و لابد ....... بس موتور رائع و موفر في البنزين و قوته معتدلة ...... و صالون كويس قوي و يعيبها قطع الغيار الغالية و لكنها معمرة
تويوتا ياريس ..... شكل مش و لا بد ..... و سعر مبالغ فيه ...... بس موتورها رائع ... و صالونها كويس .... و قطع غيارها معمرة نظرا لشهرة تويوتا في اعتمادية عربياتها و قلة أعطالها
فيات سينا ...... شكل كويس ..... موتور قوته معقولة جدا و موفر في البنزين ... صالون كويس مش ضيق و مش واسع قوي ..... ثباتها على الطريق أعلى من السيتي و من الياريس ........ ثمنها النهائي كويس قوي ..... أي ميكانيكي ممكن يصلحها بعد ما تخلص فترة الضمان و يعيبها ..... توكيل سمعته مش كويسة .... و قطع غيارها متوفرة خارج التوكيل ....... و عربية معمرة
فيات ألبيا 1400 ..... شكل جميل ..... و موتور كويس قوي و موفر .... و صالون حلو .... بس معرفش موضوع التصليح لأنها لسة جديدة .... و برضه العيب الوحيد هو الوكيل
فيات ألبيا 1600 .... شكل جميل و موتور قوي ........ بس شلها من الترشيحات علشان الموتور 1600
الفيات الألبيا تجميع تركي ,,,,,, و السيينا صيني ....... و الهوندا سيتي تايلندي .... و الياريس ياباني
أنا ذكرت بلاد التجميع علشان يمكن يكون عندك موضوع عقدة بلد التصنيع زي بعض الأخوة

بالنسبة لي ......... لا تفرق نهائي ......... المهم العربية تكون حلوة

انا مش بحب الهيونداى اوى كدة بس شايف انها اثبتت نفسها فى الفترة الاخيرة و مبيعاتها كويسة و سياسة السوق محتاج ايه علشان لو فكرت ابيع . بالنسبة 1600 Cc انا عملى بشرم الشيخ و من المتوقع الذهاب بها على الاقل خمس مرات بالسنة او اقل على حسب ظروف تواجد الاسرة معى و موتور قوى لا ى ظروف سفر

اقتباس:

---

المشاركة الأصلية كتبت بواسطة THEMAYOR

انا مش بحب الهيونداى اوى كدة بس شايف انها اثبتت نفسها فى الفترة الاخيرة و مبيعاتها كويسة و سياسة السوق محتاج ايه علشان لو فكرت ابيع . بالنسبة 1600 Cc انا عملى بشرم الشيخ و من المتوقع الذهاب بها على الاقل خمس مرات بالسنة او اقل على حسب ظروف تواجد الاسرة معى و موتور قوى لا ى ظروف سفر

---

خمس مرات في السنة مش سفر كتير
يعني خليك برضة في حاجة 1300 أو 1400 سي سي أحسن
و الحاجات ال 1400 قوتها متوسطة ما بين 1300 و مابين 1600
و أنا بنصحك علشان البنزين لأنك قلت إن معظم سواقتك هاتكون جوه البلد يبقى الموتور الجامد ملوش لزمة قوي
لأن البنزين هايغلى كمان ........ و مش هايفضل على كدا .... دي بس كانت البداية
و أحب أضيف العربية سيات قرطبة 1400 سي سي .... بس سعر اعادة البيع مش قوي بس أنت بتقول أنك عايز تخلي العربية فترة طويلة
و دي أسعار العربيات اللي أنا رشحتهالك
فيات سيننا ... مانوال و كاملة ......... 69 ألف جنيه ....... و دي 1500 سي سي بس موتورها موفر
فيات ألبيا 1400 ........ مانوال كاملة ........ 76 ألف جنيه
سيات قرطبة 1400 .... مانوال كاملة ........ 99 ألف جنيه ( سعرها عالي قوي ) بس حلوة
هوندا سيتي 1300 ... مانوال كاملة ......... 85 ألف جنيه ... سعر معقول
تويوتا ياريس 1300 .... مانوال كاملة ........ 92 ألف جنيه .... سعر عالي قوي ( ممكن يكون السعر أعلى من كدا )

و بالنسبة للعربيات الهيونداي اللي حضرتك مرشحها لو أنت مصمم على 1600 يبقى أحسنهم الماتركس
و برضه لو أنت مصمم على 1600 ......... عندك الجين 2 ........ عربية جامدة جدا .........و برضه زي ما قال أخي سيات لافر ... فيه برضه الكيا ريو ...عربية حلوة

بس أنا مع موتور أقل من 1600 علشان البنزين ....... الأمر ميخلاش برضه من ارتفاعات قادمة لأسعار البنزين

رأيي لو أنك تستطيع أن تشتري لانوس نضيفة في حدود 40 ألف وتبعد عن القسط يكون أفضل

أما إن كنت مصر على الزيرو القسط فالزملاء يفيدوك بإذن الله

عندك الفيرنا
و خليك في الكوري منها عشان تتفادي عيوب التقفيل المصري
يعني الفيفا مثلا
أو لو مش عجباك
خليك في الانوس لو مش يضايقك انتشارها
او الافيو و هي عالية عن الارض و نفس موتور الانوس
بس كمالياتها علي قدها و مفيش زجاج كهربا ورا

و حسن تقسيط
بنك اسكندرية
او كنتكت contactcars