الموضوع: هل ممكن أعمل غلاف كتاب فى مطبعة على ورق مقاس a4 و فين ورق الأسطوانات الجاهز ؟

سؤال غريب شوية , أنا فى الأيام الحاليه بعمل كام بحث كدة و المطلوب أننا أسلمهم بعد فتره قصيرة جدا و كانت الأبحاث زمان عندنا عبارة عن ملف عادى جدا بعد طبع الورق الـa4 لكن المرة دى قالولنا لازم يبقى كتاب كامل , طبعا موضوع الكتاب الكامل دة أنا مش عارفة أعمله أزاى لأن البحث صعب أديه لحد على أسطوانه و ينسخه فى ورق عادى
فأنا فكرت فكرة جامدة اوى أننا أطبع البحث فى ورق A4 عادى جدا
و أروح مطبعة و أقولهم يعملولى غلاف للكتاب
بس السؤال هنا
هل ينفع يتعمل غلاف للكتاب على حجم مقاسات الورق الـA4 بتاع البرينتر العادى ؟
و هل لو ينفع يتعمل مين هيختار التصميم للغلاف ؟
و لو أنا إلى هصمم غلاف الكتاب هديه لبتاع المطبعة فى ورقة هاى جلوسى ولا على أسطوانه ؟

و بالنسبه للأسطوانات , أنا شوفت قبل كدة ورق أبيض عادى جدا و بيتطبع عليه بالبرينتر و كان منتشر جدا لكن بعد أنتشار الدى فى دى رايتر إلى بينسخ الصور دة و أنا مش لاقياه خالص
الورق دة كان عبارة عن ورق أبيض على نفس شكل الأسطوانه و لكنه عامل زى الاستيكر كدة بعد مابيخلص الطبع بالبرينتر بيتلزق على الأسطوانه
دا موجود فين دة فى أسكندريه حاليا ؟