هل الادا ممكن اسافر بيها شرم الشيخ ولا يبقى المشوار كبير عليها هى موديل 2007
وشكراا
عرض للطباعة
هل الادا ممكن اسافر بيها شرم الشيخ ولا يبقى المشوار كبير عليها هى موديل 2007
وشكراا
يشرفني اكون اول واحد يرد على حضرتك مع العلم ان خبرتي باللادا منعدمة فانا مش سقتها بحياتي بكل اسف الحكاية مش حكاية نوع عربية ولا موديل ولا سنة انتاج يا باشا ودي وجهة نظري الحكاية حالة العربية ايه صيانتها اخبارها ايه اهتمام حضرتك فيها شكله ايه وانك تكون مشيك ومتاكد من كل حاجة بالعربية قبل السفر الطويل بيها ونظرياً اللادا بسم الله ما شاء الله دبابات يعني بياكلوا المطب ممكن المطب اللي يتكسر اللهم لا حسد بس زي ما قلت لحضرتك لازم تشيك على عربية حضرتك وانت ادرى بحالتها وشكرا
لو فل ظل اسوء ظروف مناخية ليك فى القاهره (الجو شديد الحرارة) العربية مش بتسخن منك فى المشاوير الطويلة ولا الزحمة إن شاء الله تقدر اما لو بتسخن منك فى مشاوير صغيرة طبعا مش هينفع تسافر وعموما كل 200 كيلو ابقى خدلك استراحة نص ساعة
اي عربيه تروح في اي حته..بس طبعا زي ماقال زملاتي اتأكد من حالت العربيه كويس وعلي فكره مشكلة الادا انها بتتخنق بسرعه من الزحمه(بتسخن بسرعه) لكن علي الطريق هتلاقيها احسن بكتير وهي العربيه هتستحمل اكيد بس الدور والباقي عليك انت تستحمل زنت العربيه والصوة والحراره وربنا يعينك ياباشا
نصيحه من واحد بيركب اللادا من زمن طويل اول حاجه وديها لميكانيكي يشيك عليها ويستحسن تغير البوجيهات والابلاتين والكوندنسر تاني حاجه تطلع في الفجر وهتمشي معاك كويس انشالله
اوعى تغير حاجة قبل ما تسافر على طول لازم تمشى بيها داخليا الاول لأن البهوات الصنيعية غالبا بيبوظو حاجة تانية فتكتشفها جوا البلد بدل ماتكتشفها على الطريق و بنسبة للادا لو مش بتسخن سافر بيها ومتعملهاش الا الصيانة اللى جه معادها
متشكر يا جماعه طمنتونى