-
بقع غريبة في الطاسات
صباح الخير يا جماعة
انا عندي في كذا طاسة بقع غريبة تقريبا من حاجة دوست فيها
المهم اني حاولت اشيلها بشتي الطرق و الوسائل و مفيش فايدة
هي مش خدوش .. بقع .. و تقدر تحس ملمسها لو مررت ايدك عالطاسة .. بس مبتتشالش
ينفع اجرب معاها اللي هو مذلل الصعاب ده مش فاكر اسمه W40 تقريبا
ولا احط ايه ؟
هي حاجة هايفة بس مضايقاني لأن مبوظة شكل العجل خالص تحس ان حد تافف عالعربية :chris:
و دي صورة للطاسة و البقع اللي عليها .. و المشكلة انها في 3 طاسات مش واحدة
http://img401.imageshack.us/img401/7403/012bb2.jpg
-
ماهو للأسف ممكن البقع دي تكون بقع حامض او حاجة بتتفاعل و بتاكل البلاستيك..
ممكن يكون حرقته.. و خلت شكله كده.. (الله اعلم..)
هل هي بارزة ولا داخلة لجوة..؟؟
ولا حروفها بارزة و داخلة لجوة من النص..؟؟
-
لا هي مش بارزة خالص بس ملمسها اخشن من باقي البلاستك
و مهما ادعك و اكحت فيها ولا بتتهز
-
يبقي كده ممكن تكون فعلا نقط حمض ولا حاجة..
اكلت طبقة رقيقة من البلاستيك اللامع الخارجي..
-
يعني مفيش امل خالص ؟!
ولا حتي لو جربت معاها ال w40 ده ؟
و الحامض ده يكون جه منين !؟
-
ممكن تكون حاجة تفاعلت مع البلاستيك فعلا و بوظتها
-
لأ مش هيعمل معاه حاجة طبعا..
الحامض منين..؟؟!!
الشارع المصري ممكن تلاقي فيه كل حاجة ممكن تتخيلها..
طرطشة من الارض في اي حتة..
في ناس بتصلح فيبر و بلاستيكات في الحرفيين..
ممكن حد يعرف يظبطها شوية بس مش متأكد من كده
اسأل و شوف..
-
يا ساتر يا رب .. هو الواحد ميتهناش بأي حاجة في شوارع مصر دي ابداَ !!!
شكرا علي الافادة يا استاذ احمد و محمد ابيزا
و طبعا الشارع المصري فيه كل حاجة انت هتقولي .. انظر التوقيع :)
-
الشارع المصري:::::
فيه تجدوا ما يسركم:)
-
مرة واحد قريبي طلع حديدة طولها حوالي 25 سم من كاوتشة عربيته..
تقريبا هي كانت زنقة في الجنظ خلاص.. :) :)
يبقي انت اكيد اكيد في مصر..
-
انا اظن ده حاجة زي البوية كانت مرمية مثلا فى شوية مية فلما مشيت عليها كانت مخففة لغاية لما نشفت على الطاسات علشان كده ملمسها بارز مش محفور لو محفور يبقي زي ما قال الاخوة حامض بس لو حامض حيأكل الكاوتش كمان و الجنط
-
انا هجرب عليها w40 يا جماعة مش هخسر حاجة
و يبقي زي ما بيقولوا "اقطع الشك في البسين" عشان اعرف ده حمض ولا بوية ولا ايه
-
بالظبط يا باشا جرب عليه ال-w40 ده .مش حتخسر حاجة .....أنا كان حصل معايا حاجة زاي كده في طاسات الفيلشيا زمان..... و في الأخر السمكري دهنهم بمادة زاي بولش كده خلت شكلهم أحسن شوية
-
انا اشتريت انهاردة علبة مذلل الصعاب Wd40 و جربته عالطاسات
للأسف معرفش يذلل حاجة .. و الشارع المصري قال كلمته و قرر يسيب علامة ابدية علي طاسات السيريون الغلبانة .. و ابتسم انت في مصر
-
انت تروح عند بتاع دوكو كويس
تجيبلك علبة دوكو فضي ب 7 جنية
يرشهوملك في الكابينة وهو بيرش اي عربية
يطلع لونهم كانهم جداد
طالما معقدينك قوي كدة
-
شكرا كريم باشا
ممكن اعمل كدة فعلا
-
ده متهيألي تقشر في الطاسه للدوكو بتاعها وبيحصل كتير إلا لو حضرتك ملاحظ إنه غير تقشير عالعموم ريح دماغك وهات رش أسبراي فضي ورشهم كلهم وربنا يسهل .
Content Relevant URLs by
vBSEO 3.6.0 PL2