غطاء السيارة ...حماية ام ضرر

**amirboulos** · 08-05-2012 02:00 PM

كنت عايز اخد رائيكم في موضوع غطاء العربيه ده علشان محيرني ...لأني ضروري عندي اغطي العربيه علشان التراب وكمان علشان اذي الأطفال ...بس المشكله بقي اني لسه جايب العربيه زيرو من شهر وحاسس اني لما بلم الغطا من عليها (هو قطن بس خفيف شويه) بيبقي فيه تراب تحته ومع لم اغطا بحس ان ده بيأثر علي الدهان (احتكاك التراب مع تقل الغطا ) ....يعني انا حاسس ان لمعه العربيه ابتدت تنطفي ..فهل في حل ؟؟؟ يعني مثلا الغطا الوتر بروف هو الحل مثلا ؟؟؟ وهل المبطن منه ولا العادي ؟؟ وهل فيه انواع منه ؟؟؟ وهل النوع المبطن مثلا البطانه اللي هي الياف دي هتأثر علي الدهان ولا لأ مع التراب والحراره (الشمس) ....وهل مثلا فيه خامه احسن من كل ده ممكن اشتريها وافصل منها غطا يكون انعم وميعديش تراب وميأثرش علي الدهان؟؟؟
معلش طولت عليكم ... مستني ارئكم

**_hema** · 08-05-2012 03:37 PM

الغطاء حمايه للسياره من كل شى
سواء عوامل جويه او عبث العابثين
المهم ان الغطاء يكون سميك شويه لعدم نفاذ التراب

هوا التراب هيعدى كدا كدا لكن مع الغطاء السميك بتبقى نسبه اقل
وحاول حضرتك تنفض الغطاء كويس من التراب قبل ماتلموة عشان ميحوش التراب جواه وتيجى تفرده تانى على العربيه يتربها تانى

والف مبرووووك العربيه
ربنا يديك خيرها ويكفيك شرها

**Elawany13** · 08-05-2012 06:10 PM

أنا عندى غطاء قطن خفيف بستخدمة فى الصيف

وعندى غطاء وتر بروف تقيل ومبطن من الداخل بقطن بستخدمه فى الشتاء

طبعا الوتر بروف احسن مليون مرة من العادى بس مينفعش فى الصيف ابدا الشمس هتفرتكه

**_hema** · 08-05-2012 10:57 PM

المشاركة الأصلية كتبت بواسطة amirboulos

شكرا علي الرد وانا معاك انه ضروره وانا كاتب في الأول اني مش هقدر استغي عنه علشان محدش يرد ويقولي بلاش منه وريح دماغك ...بس انا بسأل علي ازاي اتلاشي اثاره السيئه علي الدهان ...خشونته او تقله مع التراب واحتكاكه بجسم العربيه عند لمه

الشكر لله

انا عندى غطا العربيه اللى بحكى لحضرتك عنه
ولازم انفض الغطا كويس من التراب وبعد كده ممكن بقطعه قماش قطنيه مبلله بالماء الخفيف والم التراب اللى على جسم العربيه والتراب ده ميخوفش لانه بيبقا ناعم ومجرد متفوط العربيه بترجع ليها لمعتها وكل شهر اغسلها فى المحطه بالصابون او لو حضرتك تحب تغسلها بايديك يبقى بالماء والبريل وقطعه من الاسفنج

كل التحيه لحضرتك

**tarekmomo** · 17-05-2012 02:58 PM

بيحمى العربية والطابوة من الشمس والاتربة والتجاريح الى العيال الصغيرة بيعملوها

**Eng.Geo** · 18-05-2012 06:09 PM

حط طبقة wax علي العربية
غطيها بغطا وواتر برووف مبطن

**MohammedAladel** · 04-06-2012 11:33 AM

من وجهة نظرى يفضل الغطاء لو قطن يكون سميك وفاتح اللون عشان الشمس ولو ووتر بروف برضه يبقى عاكس عشان الحرارة و جسم العربية والحرارة برضه الز يادة مع الوقت أكيد هتأثر على لون العربية ولمعانها أيا كانت جودته