سؤال في المجال الطبي لو سمحتوا

السلام عليكم ورحمة الله وبركاته
في عندي مشكلة مخلتش دكتور الا لما سالته ولم اوصل لاجابة مقنعة حتى الآن ولا حتى الاعراض زالت ارجو الاهتمام من اي دكتور من اخوتنا اللي هنا ويجاوبني بقدر الامكان وانا هعمل كل المطلوب /

بداية الاعراض اللي عندي ودون سابق انذار بكون سايق بكون قاعد في المكتب بكون واقف هي بتكرر معايا بشكل بدأ خفيف ودلوقتي بقى مزعج ومتكرر اكثر من مرة باليوم
بحس فجأة ان الدنيا شبه اسودت او الرؤية خفت مع شعور بالدوخة واوقات مصحوبة بعرق بارد اوقات الدوخة فقط مع العلم اني بعمل تشيك اب كامل كل ستة اشهر في مختبر المختبر وبعمل فحص ضغط كمان بيكون طبيعي فده من ايه بعد اذنكم لاني بجد منزعج ومحتار وبقيت اقلق منه ؟

من بعض التشخيصات اللي خدتها ارهاق لان عملي اوقات بيمتد ل 14 ساعة يوميا وحتى لما اخدت اجازة اسبوع ومكنتش بعمل اي اجهاد استمرت الاعراض ؟

السلام عليكم و رحمة الله و بركاته

أنا هقولك رأيى المتواضع و أنا مش طبيب باطنة و لا قلب و لا حاجة, فيه حاجتين اعملهم و مش هتخسر حاجة, اعمل رسم قلب و ECHO على القلب عند حد بتاع قلب شاطر مش بيطلسأ, لأن للأسف كتير أوى من الأطبا بيطلسأوا, لأن على حسب معلوماتى الضئييييييلة, أنك بتتكلم عن نوبات Syncope اللى هى لما بتحصل لما بيقل الدم اللى رايح للمخ فجأة, يقوم يعمل الأعراض اللى أنت بتقول عليها, النوبات اللى أنت بتوصفها دى, ممكن تحصل فى سنك (أنا أعتقد أنك لازلت صغير) لو فيه -لاقدر الله- أى ضيق فى السكة من القلب و حتى المخ, حاول لو أنت فى المنزل أو المكتب و جاتلك الأعراض دى, أنك تستلقى على ظهرك بسرعة و شوف الأمور هتمشى ازاى.

بالشفا ان شاء الله و ابقى ضرورى طمننا عليك و قولنا عملت ايه.

اقتباس:

---

المشاركة الأصلية كتبت بواسطة maserati

السلام عليكم و رحمة الله و بركاته

أنا هقولك رأيى المتواضع و أنا مش طبيب باطنة و لا قلب و لا حاجة, فيه حاجتين اعملهم و مش هتخسر حاجة, اعمل رسم قلب و echo على القلب عند حد بتاع قلب شاطر مش بيطلسأ, لأن للأسف كتير أوى من الأطبا بيطلسأوا, لأن على حسب معلوماتى الضئييييييلة, أنك بتتكلم عن نوبات syncope اللى هى لما بتحصل لما بيقل الدم اللى رايح للمخ فجأة, يقوم يعمل الأعراض اللى أنت بتقول عليها, النوبات اللى أنت بتوصفها دى, ممكن تحصل فى سنك (أنا أعتقد أنك لازلت صغير) لو فيه -لاقدر الله- أى ضيق فى السكة من القلب و حتى المخ, حاول لو أنت فى المنزل أو المكتب و جاتلك الأعراض دى, أنك تستلقى على ظهرك بسرعة و شوف الأمور هتمشى ازاى.

بالشفا ان شاء الله و ابقى ضرورى طمننا عليك و قولنا عملت ايه.

---

وعليكم السلام ورحمة الله وبركاته
أخي الكريم لا اجد الكلمات الكافية لشكرك على اهتمامك وعنايتك يوما بعد يوم اشعر بان لي اخوة في هذا المنتدى قمت بالفعل بعمل رسم قلب سابقا من فترة قريبة وموجات صوتية على القلب ولكن يبدو لي اني سأقوم بالاعداة فمن المحتمل ان اكون قد شخصت حالتي :ممن يتصلقون: وساخبرك باي جديد يحدث لي بالمناسبة سافعل ما قلته عن الاستلقاء لاني حين اقاوم هذا اشعر باني ساسقط في اغماء وقد حصل لي هذا بالفعل في صلاة العصر منذ يومان ولا داعي لاقول لك كم الاحراج اللي شعرت به في المسجد وقتها ومن تلك اللحظة اصلي منفردا خوفا من تكرار الموقف جزاك الله كل خير.
بالمناسبة عمري 33 سنة

السلام عليكم و رحمة الله و بركاته

ألف حمدالله على سلامتك و ان شاء الله, تكون الأمور بسيطة, أهم شئ لما يجيلك الأعراض دى, ابقى استلقى على ظهرك و طبعا لو سايق و لا حاجة, تقوم راكن فورا و منيم الكرسى عالآخر و واخد نفس عمييييييييييق, لأن النفس العميق, بيزود كمية الدم اللى داخلة للقلب.

أنا أسمع عن واحد بتاع قلب و حالات حرجة فى القاهرة, اسمه على ماعتقد, شريف مختار تقريبا, أنا مش عارف عيادته فين, بس هو راجل محترم و شاطر أوى و كان فيه ناس بتسافرله من عندنا من المنصورة.

بالشفا ان شاء الله و ربنا ييسر الأحوال.

الله يسلمك وانا متشكر جدا لسيادتك فعلا كلك ذوق وانسان بمعنى الكلمة انا كتبت الاسم وراح اسأل ان شاء الله عليه بداية من بكرة وبامر الله هتابع معاه ولما اوصل ليه هعرف حضرتك هنا وربنا يبارك في حضرتك واسف اني تعبتك