الموضوع: قفيز

المشاركة الأصلية كتبت بواسطة me_medoo

ياباشا الف حمدالله على السلامة والحمدالله انك اكتشفت المشكلة .... شفت ازاي بقة حضرتك ظلمت الافيز وطلع العيب من الخرطوم. بس الحمد الله انك مفتحتش على نفسك فتحه وغيرة الطرومبة ودخلت في موال وفتح ونصبا .... بس برضو لازم حضرتك تتاكد كمان من موضوع تنك البانزين ان مفهوش اي خورم حتى لو كان صغير لانو مشكلة. بجد عقوب سيجارة صغيرة وربنا يستر متتصورش ممكن يعمل ايه .... وكان زمان بنعاني من مشكلة القطط الصغيرة الي ممكن تخوش تستخبى جو المتور وتقعد تقرقض من الحاجة او. العرس اجارك الله وبالذات في الشتا يقعدو يقرقضوو في كبلات العربية من جوا ، كان زمان كان عندنا عربية بولنيز موديل حاجة وتمنين وكانت لسه العربية زيرو والصبح جين نركبها سمعنا صوت نونوه. اتاري ياسيدي قطة صغيرة دخلت واتحشرت بين الشبكة وبين سربنتينة الرديتر ازاي دخلت معرفش وخليتنا بنت اللزينة. بعتنا للاسطة محسن الكهربائي اطر يفك الشبكة علشان يطلعها بنت الللزينة والحمدالله قدر ولطف وتحياتي ليك يا غالي بس ياريت تراجع على كل وصلات البانزين وغير الخراطيم من باب الاحتياط. وربنا يستر طريقك وطريقنا وطريق كل الناس قادر ياكريم

الله يسلم حضرتك
والحمد لله انتهت على خير
وانا هشترى خرطوم بنزين متر ولا مترين وكام قفيز وهخليهم فى العربيه احتياطى

التنك الحمد لله كويس
مشكلتى الوحيده مع التنك
انى لما افول على الاخر ( لحد الفتحة ) والعربيه تكون فى الشمس
الاقى بنزين ينزل من خرطوم فايظ التنك
وعلشان كده لما بمون بقول للعامل يسيب كام سنتمتر قبل الزور

هنا فى المنتدى كلنا عاملين زى اللى الاصحاب على القهوه
واحد بيحكى وواحد بيشكى وواحد بينصح وواحد بيفتكر موقف معين بسبب الحاكية
وكلنا فى النهاية بنطلع مستفادين من الكلام
زى الاستماع لحكايات ابله فضيلة