هل موتور الالنترا gdi هو نفسه موتور السبورتاج gdi؟؟
هل موتور الالنترا gdi هو نفسه موتور السبورتاج gdi؟؟
...........
اه هو هو
متابع
متابع...
يبقى العرض ده كويس جدا صح ولا ايه ؟؟
النترا مواصفات اوروبيه
مواصفات الموتور
1600 سي سي 140 حصان GDI
المواصفات الفنية
موديل 2011
اوتوماتيك
تكيف
باور استيرينج
4 زجاج كهرباء
ريموت كونترول
جنط 15"
غمازات في المرايات
طارة متعددة الوظائف
التحكم في مستوى ضوء التابلوه
التحكم في مستوى الضوء الامامي للسيارة
مواصفات اوروبية
حساس خلفى
بلوتوث ستة ايرباج
راديو سي دي أصلي
مفتاح ريموت
فرامل ABS .ebd
سعرها 130000 بس ايه رأيكم
؟؟
يا باشا انا بصراحه شاكك فى حكايه نفس الموتور دى . الافضل انتظر لما اكتر من حد يأكد المعلومه
متابع التأكيد ..........
كيا وهيونداى نفس الشركه .. ونفس كل حاجه والماتور ال gdi هوا هوا نفسه الى فالكيا والهيونداى
اللي اعرفه ان غبور بينزلها بالموتور الجاما 2 مش جي دي اي
اما الخليجي في منها جي دي اي
اه هوة هوة نفس الموتور
فيه واحد زميل لينا فى المنتدى اشترى العربيه دى من بورسعيد من فتره بنفس المواصفات دى اولموتور ده وفعلا بينزل بالمواصفات الاوروبى وبتنزل بنواكل اصليه على الفوانيس و المرايات
لو مش هيفرق معاك حتة بنزين 95 يبقى توكل على الله طبعاً السعر رائع وغريب في نفس الوقت خد بالك لأن المواصفات دي مفروض مش أقل من 170 ألف جنيه لأنها أعلى من مواصفات الفولي لوديد توكيل !!
ملحوظة بسيطة الجنوط في الألنترا 16 مش 15 زي ما مكتوب في المواصفات اللي قلت عليها 15 دي طاسات .
معلومة صغيرة
الالنترا مبتنزلش اوروبا , اللي بينزل ال i30
الأخوة الكرام / نجوم هيونداي
حقيقة منذ ساعات و انا أبحث في كافة المواقع و المنتديات عن محركي الألنترا و الأسبورتاج كي أجيب علي سؤال الأخ حسام أجابة شافية وافية
كما طالعت تعليقات حضراتكم و أود الأن أن أوضح لكم النقاط الاتية :
أولا.. ليس هناك مايعرف بمحركات ال جي دي أي :
فهي ليست نوع محرك و لكنها طريقة لحقن الوقود , فمحركات الالنترا MD هي DOHC 14 أو جاما 4
التي تعمل بتوقيت متغير لبلوف العادم و الهواء CVVT و الفارق بين السيارتين أن أحداهما مزودة بنظام الحقن GDI الذي يكسبها قدرة حصانية أعلي (138 حصان) ووفر في أستهلاك الوقود
ده رابط الموضوع اللي كنت عملته عن ال GDI
http://www.nilemotors.net/Nile/24872...injection.html
ثانيا.. محرك كيا سبورتاج:
في الحقيقة كل المعلومات التي قرأتها تؤكد ان محرك السيارة له المواصفات التالية :
جي دي أي - 1.6 لتر - DOHC 14 - ذو قدرة حصانية (133 حصان)
لاحظوا الفرق !!!
و بمقارنة المحرك في الفئات الاخري 2.0 لتر و 2.4 لتر وجدت المفارقة التالية :
المحرك ذو السعة اللترية 2.0 لتر (2000 سي سي) هو نفس محرك هيونداي سوناتا الجديدة
اذن فالمحرك في كيا سبورتاج مختلف عن هيونداي ألنترا و أن كانا من نفس الجيل
أرجو أن أكون قد وفقت في الاجابة عن سؤالك يا استاذ / حسام و ارجو من الاخوة في قسم كيا أن يشاركونا الرأي و البحث حول محرك كيا سبورتاج الجديدة لنعرف الفرق بين السيارتين من كيا و هيونداي
مختلفين (الي غبور بينزلهم)
زي بعض في أوروبا (الإلنترا بتنزل في أوروبا على فكره بس في أوروبا الشرقيه لأغنهم بيحبوا السيدان عكس الغربيه بيحبوا الهاتش باك)
.............
جي دي أي بينزل فقط في السوق الاوروبي و الامريكي و الكوري نظرا لأختلاف مواصفات البنزين
علشان كده في الكتالوج بينصح بتغيير الزيت كل 15000 كم ماعدا الشرق الاوسط و الهند بينصح بتغييره كل 10000 كم
كذلك بالنسبة لفلتر البنزين و أضافات البنزين في منطقة الشرق الاوسط بينصح بفترات أقل
الخلاصه
موتور الالنترا GDi هو موتور السبورتاج اللى عندنا 1600 GDi
الالنترا موجوده فى اوروبا اه , بس مش GDi , نازله MPI زى الوكيل عندنا 130 حصان , يعنى مفيش مواصفات اوروبيه 140 حصان
الالنترا GDi مش موجوده فى اى حته غير فى كوريا فقط , يعنى اللى فى الاعلان جايه من كوريا ومواصفات كوريا مش اوروبا
حاسس ان بتاعه الوكيل اضمن من الحكايه دى :oops2:
ال 1600 GDI مبنيزلش امريكا
بينزل كوريا و و اسيا (ماليزيا - تايلااند .... )
الخليح كله و الشرق الاوسط نفس المحرك ال 128 حصان بتاعنا .
امريكا بينزل فيها 1800 NU و ال 1600 GDI للاكسنت RB والفيلوستر.
الي بتيجي من بورسعيد يبقى اسمها Avante MD و دي كوري ... و بتعدي ال 145 الف.
متتابع
السلام عليكم
أنا أحب أشارك و أحاول أساعد حضرتك
أنا أشتريت عربية بنفس المواصفات دي بالضبط و برضو من الحبيب كار و بنفس الثمن بالضبط 130000
أنا عامة أستعمالي ليها خفيف أوي ( عاملة معايا حوالي 900 كم فقط في 3 شهور)
من ناحية موضوع البنزين هي بتاخد 92 عادي جدا مفيش أي مشكلة
من ناحية قطع الغيار للموتور فزي ما الباشمهندس سمير قال في حاجات مشركة بينها و بين موتور السبورتايج و دي الحاجات اللي ممكن تتغير علي المدي القريب نسبيا باقي الأشياء المفروض إن شاء الله متعملش مشاكل دلوقتي خالص أو وتعملش مشاكل أصلا نظرا لأن العربية زيرو
دة غير أن حضرتك ممكن تخش مع مركز صيانة خاص هو متعاقد معاه و هو بيضمن العربية من الأكصدام للأكصدام ( مقابل حوالي 2500 جنية ل 3 سنين)
الخلاصة العربية تحفة ما شاء الله و مريحاني قوي
النقطة الوحيدة اللي مضيقاني أن لونها نبيتي (red allure) و أنا أصلا مابحبش الأحمر بدرجاتة بس ساعتها ماكنش فيه غير اللون دا
أرجو أني أكون قدرت أساعد حضرتك تكون فكرة عامة
بالمناسبة هو قال لحضرتك في ألوان ايه دلوقتي
ياه ده ايه الصدفه السعيده دى
يعنى العربيه مع حضرتك
طيب فيها اى كماليات بخلاف السابق ذكرها
ولو سقت العربيه الوكيل الــ 130 حصان هل فارقه فى القوه والسحب عنها ؟؟
وكماليات الصالون ايه
بصراحه انا ما اتصلتش بلمعرض
شوفت الاعلان بس
ياريت تأكيد للكماليات..........
عرفتو قد ايه هبور بيهبر فى سعر العربيه .............
العيب مش على هبور اللى بيهبر ، العيب على المهبور اللى بيتمزج اما يتهبر هبرة متهبره بالبهارير
اسف علي التأخير في الرد
الكماليات بالضبط زي ما حضرتك قوات ولا أزيد ولا أقل لأن العربية دي هي ال basic بتاعة كوريا مش GL حتي
العربية في الشكل الخارجي و الداخلي زي الوكيل بالضبط مفيش فرق يذكر
و أنا الصراحة ماسوقتش عربية الوكيل عشان أقدر احكم علي الفرق في الأداء بين الأتنين
بالمناسبة في الغالب مش هاتلاقي العربية دي دلوقتي في المعرض لأن و أنا كنت بأشتريها قالي إن دي كانت أخر واحدة عنده ( و العربية نفسها كانت عند تاجر صاحبه) و أحتمال ميجبش شحنة special order زي دي تاني و لو هايجيب هاتكون الهاي لاين في الغالب و علي شهر 6 كدة
عموما أتصل بالمعرض و قولنا أيه الأخبار