مصر كلها بتخبط علي باب بيتنا في نفس الوقت
الواحد قاعد في امانه الله علي المنتدي لا بيه و لا عليه و كافي خيره شره و فجأه و بدون مقدمات باب البيت بيهبد ... مين ؟ ... افتح الباب اتلاقي البواب ... خير يا عم ؟ ... اصل في هدوم واقعه علي منشركوا من الدور الخامس ... ثواني يا عم ... رايح البلكونه و انا بدعي عليه بسبب خبطه المخبرين بتاعته ... ابص علي المنشر اتلاقي قطعه ملابس حريمي خاصه ... الواحد اصله بيقرف من الحاجات دي ... لبست جونتي طبي و لفيت المعلوم في ورقه جرنان ... و اديتها للبواب ... اتفضل يا سيدي ... مفيش دقيقتين و البواب بيهبد تاني ... خير ؟ ... في هدوم واقعه علي منشركوا من الدور التامن ... طبعا بصيت يمين و شمال علي اساس ان ده برنامج الكاميرا المستخبيه ... اصل مش معقول كان الناس بترمي هدومها علي منشر بيتنا ... ابص علي المنشر اتلاقي برضه قطعه ملابس مشابه ... ايه القرف ده علي المسا ... عملت زي المره اللي فاتت ... و اديتها للبواب ... شكر الله سعيكم يا سيدي ... مفيش دقيقتن و الباب بيخبط خبطه طبيعيه ... انا قولت اكيد حد اتخنق من ابنه و رماه من البلكونه علي منشرنا و امه عايزاني انقذه ... افتح الباب اتلاقي محصل الكهربه ... كام يا عمنا ؟ ... 120 جنيه ... قلبي ... هو انا فاتح دور للعرض السينمائي في بيتنا ؟ ... حرام و الله ... اديته فلوسه بعد لطعه ربع ساعه علي الباب عقبال ما جارنا خلص فصال مع المحصل ... عالم تقرف ... مفيش دقيقتين و خبطه انثويه علي الباب ... فتح اتلاقي واحد جارتنا ... طنط موجوده ؟ ... لا مش موجوده ... طب اديها فلوس الجمعيه ... شكرا ... بجد انا قرفت من بيتنا ده و بفكر اعزل