سوال فى الكاسيت والجرايد

**ahmed_corsa** · 09-05-2012 02:38 AM

السلام عليكم
انا معايا عربية اوبل كورسا 98 وبعملها عمرة فعاوز اظبتها وعندى شوية اسئلة كدة على السريع معلش هتعبكم معيا
اول حاجة انا عندى فى فبرة سوداء فى الاقصدام الى ورا والادام والجرايد بتاعت الرفارف ناس كتيرة قلتلى رشوهم كحلى نفس لون العربية وناس قلتلى رشهم اسود زى الاستوك بتعها وانا مش عارف اة الاحسن
ثانى حاجة انا جبت سمعتين كينود 500 وعاوز اجيب كاست ياومهم ومعاهم سمعتين صينى فامش عارف انهى احسن اجيب كينود ولا سونى وللعلم السونى شكلو احسن ياما
فى انتظار اراكم

**Salamonti** · 09-05-2012 11:25 AM

طالما هاتجيب كاسيت محترم يبقا سيبك م السماعتين الصيني عشان هايبوظولك الصوت

بالنسبة للكاسيت لو فيه فلاشة هات الكينوود أفضل أما لو سي دي بس يبقا هات السوني عشان الميكانيزم بتاع الكينوود عيوبه كتير وبعد فترة قليلة بيبتدي يعلق ويحشر اسطوانات

أما بالنسبة للجرايد الفايبر اللي في العربية فهي أولا وأخيرا مسألة أذواق
ممكن تجرب جنب وجنب وتشوف عالطبيعة أنهي الأحلى وتقارن ومش هاتخسر حاجة
أو ممكن تصور العربية صورة كويسة وتجرب تلون الجرايد بالفوتوشوب وتشوف انهي يعجبك أكتر
أنا عن نفسي لو كانت عربيتي كنت غيرت لونهم من باب التعديل يعني
أهو تغيير عن أي عربية تانية ستوك وفي نفس الوقت يبقا شكلها مميز

**mody_mt2007** · 09-05-2012 11:29 AM

هات كاسيت بايونيير 4350 و فكك من السماعات الصينى خالص و هات جى ام سونى 350 وات و عيش بقى

**ahmed_corsa** · 09-05-2012 04:16 PM

المشاركة الأصلية كتبت بواسطة Salamonti

طالما هاتجيب كاسيت محترم يبقا سيبك م السماعتين الصيني عشان هايبوظولك الصوت

بالنسبة للكاسيت لو فيه فلاشة هات الكينوود أفضل أما لو سي دي بس يبقا هات السوني عشان الميكانيزم بتاع الكينوود عيوبه كتير وبعد فترة قليلة بيبتدي يعلق ويحشر اسطوانات

أما بالنسبة للجرايد الفايبر اللي في العربية فهي أولا وأخيرا مسألة أذواق
ممكن تجرب جنب وجنب وتشوف عالطبيعة أنهي الأحلى وتقارن ومش هاتخسر حاجة
أو ممكن تصور العربية صورة كويسة وتجرب تلون الجرايد بالفوتوشوب وتشوف انهي يعجبك أكتر
أنا عن نفسي لو كانت عربيتي كنت غيرت لونهم من باب التعديل يعني
أهو تغيير عن أي عربية تانية ستوك وفي نفس الوقت يبقا شكلها مميز

هوة الكاسيت سى دى و مدخلaux بس مفهوش فلاشة وللعلم انا هاجيبة مستعمل
وبالنسبة للجرايد والفبر بتاع العربية انا فعلا قررت ارشهم كحلى لون العربية
شكرا لمرورك و ان شاء اللة هنزل صور العربية لمل تخلص

**ahmed_corsa** · 09-05-2012 04:20 PM

المشاركة الأصلية كتبت بواسطة mody_mt2007

هات كاسيت بايونيير 4350 و فكك من السماعات الصينى خالص و هات جى ام سونى 350 وات و عيش بقى

للاسف مش هعرف اجيب كاسيت بايونير لانى محدد مزانية معينة للكاسيت وبالنسبة للسمعات محتار اشغل الكينود بس علشان الصوت يبقى نضيف ولا اشغل معاهم الصينى علشان الصوت يبقى اعلى

**mody_mt2007** · 10-05-2012 09:45 AM

باشا الموديل ال 4350 عامل 720 جنية و فى موديلات تانية ارخص بس انا رشحتلك دا علشان البيز بوست و تحكمات الصب موجودة فية و دا كل الموضوع لو عاوز حاجة ارخص يبقى هات سونى 500 ممتاز بردو