استفسار حول النوبيرا الاوتوماتيك

**gadieb** · 09-05-2012 11:51 AM

شباب المنتدى الكرام
انا قررت ان شاء الله اشترى عربيه نوبيرا اوتوماتيك
انا بصراحه كنت محتار بينها وبين السيفيك الــ si
وكنت ناوى اشترى السيفك بس ما لقتش ولا عربيه حالتها كويسه واساستها سليمه الا عربيه واحده وصاحبها مش عاوز يبيع خالص
فقررت اشترى نوبيرا اوتوماتك بس ناس كتر اشتكولى منها ( فى الفتيس الاوتوماتك) انه بيبوظ بسرعه وناس قالتلى طنابير وناس رشاشات وناس تانيه دى سحبها ميت .... الخ الخ
فياريت الى معاه العربيه دى يقولى اخبارها ايه معاه وايه الى بيبوظ فيها بسرعه على شان اعمل حسابى
على فكره انا مبدجت 45000 للعربيه ياريت تقولولى المبلغ ده يجيب نوبيرا اتوماتك كويسه ولا لا
وشكراً جزيلا

**haimaN** · 09-05-2012 12:07 PM

توكل على الله ودور على عربية حالتها كويسة وهاتريحك جدا ان شاء الله

اهم حاجة تكون العربية مش ملعوب فيها لانها لو كده هاتتعبك بجد وهاتخليك تكره الدايو كلها

لكن كا تقييم للعربية 9/10 فى الفئة بتاعتها او فى العربيات اللى زيها

بالنسبة للفتيس مش تقلق لو سليم من الاصل ومش اتفك قبل كده هايعيش معاك بدام محافظ عليه
ولو لقدر الله انتهى هاتجيب واحد تانى استيراد ب 1300 اقصى حاجة وانضف حاجة
ولو زهقت من موضوع الاوتوماتيك اصلا ليها غيرها مانيوال برده تقريبا بنفس التكللفة ومش محتاجة اى تعديل للتحويل لمانيوال

الطنابير زيها زى اى عربية بتقعد فترة وتتغير وبتقعد كتير
رشاشات لو موديل جديد مش بتبوظ لو موديل قديم شوية هاتغيرها برشاشات بى ام او فيرنا ليها مليون حل

انا معايا نوبيرا من زمان

وفى الاخر بقولك تانى اهم حاجة انها تكون عربية سليمة مش ملعوب فيها

**blazer** · 09-05-2012 12:21 PM

عويب النوبيرا الاوتو بما انى شاريها مستعمله
استهلاك بنزين كبير نسبيا لو العربيه مش مزبوطه " هتغير رشاشات ب 200 جنيه لو مش مزبوطه "
الفتيس الاوتو انت وحظك واستيراد رينج 1100 تقريبا
العفشه " لو سواقتك كويسه مش هتلاقى اى مشكله تماما
الفرامل الخلفيه " عاوزه تتعمل رجلاش كل 10000 مثلا بس تتحل انك تقلبها سكينه ورابحوالى 500 جنيه والفرامل قوتها هتبقى زى الفل طبعا
العربيه مميزاتها :
وااااسعه ماشاء الله عليها
ماتور قوته معقوله جدا
اوبشنز كويسه
تكييف قوى جدا لو مشحون تمام
شنطتها واسعه
شكلها مش قديم مع ان مر على تصنيعها اكتر من 12 سنه بنفس الشكل
فيها موديلات عاليه لحد 2008 مش زى السيفك 92

خلاصه القول
اعمل حسابك على 3000 جنيه تصين بيهم العربيه بعد ما تشتريها
سيور وزيوت وبوجيهات و,,

**tarek_2005** · 09-05-2012 02:21 PM

كلام الاعضاء كافي بس ليا تعليق علي جزء واحد اعتقد45000 جم قليل علي واحدة نظيفة هتزود حوالي 5000 جم كمان
وفي عيب منتشر وهوا جلب المقصات بتاعتها بس ليه مليون حل

**mailo** · 09-05-2012 06:07 PM

المشاركة الأصلية كتبت بواسطة tarek_2005

كلام الاعضاء كافي بس ليا تعليق علي جزء واحد اعتقد45000 جم قليل علي واحدة نظيفة هتزود حوالي 5000 جم كمان
وفي عيب منتشر وهوا جلب المقصات بتاعتها بس ليه مليون حل

ال 50 يجيبوا المانوال حالة كويسة يا صاحبي

بس ال auto سعرها اقل فالسوق عشان كده أنا شايف إنه ممكن يلاقي واحدة كويسة بالسعر ده أو بيفرق بسيط قوي

**gadieb** · 10-05-2012 02:17 PM

شكراً جزيلاً للاهتمام بالموضوع وسرعه الرد والتفاعل
انا خلاص ناوى ان شاء الله اجيب اتوماتيك وربنا يقدم الى فيه الخير والاقى واحده كويسه
بس سؤال اخير انا عارف انه ممكن يكون اتكرر كتير قوى يا ترى اخبار سوق السيارات الى فى مدينه نصر ايه
ناس كتير قالتلى اوعى تشترى من هناك على شان هاتتخم مهما اخد معاك شيخ الصنايعيه واغلبيتهم تجار ومقرفين فى البيع والذن وهاتقف قدام كل عربيه ييجى ساعتين من كتر الرغى بتاعهم
فياريت لو حد نزل اشترى من هناك عربيه يحكلنا عن الوضع
وشكراً جزيلاً

**ahmed.zahra** · 10-05-2012 02:41 PM

على فكرة السوق فعلا مليان تجار بس برضه فيه زباين و مش كل التجار وحشين في منهم ناس كويسة، و على فكرة انا شاري عربيتي من السوق ده و من تاجر بس كان راجل محترم و العربية الحمد لله تمام. بس لازم يكون معاك واحد فاهم في العربيات و في البيع و الشراء. عموما انا ان شاء الله حتزل الجمعة اللي جاية مش كرة عشان ابيع عربية اخويا و هي أوبل استرا 2003 أوتوماتيك و معروضة للبيع بسعر كويس لو تحب تشوفها او تحب اقابلك في السوق و ابص معاك عى نوبيرا