ارجو المساعدة انا محتار بين فيات اونو او سكودا فيايشيا او اخلينى فى عربيتى ال 127
عرض للطباعة
ارجو المساعدة انا محتار بين فيات اونو او سكودا فيايشيا او اخلينى فى عربيتى ال 127
نوبيرا العفشة وحشة
والتكيف مش على ادها
مش بركز غير مع الالماني بصراحه وعيوبه بالنسبه للعربيات الكوري او الياباني مميزات
موضوع مميز هيطلع القطط الفطسانه في كل عربيه
الألتو مافيهاش زجاج كهربي خلفي زي كل الفئة دي .. وكمان عصاية الفتيس بتاعتها طويلة وشكلها مش قد كده ... وكمان مكان حامل الأكواب غبي .. ومافيهاش مسند لليد في المنتصف
البيرسونا .. مافيهاش مكنة رفع زجاج
ميجان2
و هي جديدة عيبها الوحيد الاحساس بنقلات الفتيس و ضعف السحب في الاتوماتيك عن نفس العربية لما تشغلها مانيوال
النيسان صني عربية كويسة جدا بس الصالون صغير على حساب ان الشنطة كبيرة جدا
الفيرنا حوض المحرك ضيق جدااا لدرجة ان العربيه لما بيشتغل فيها ميكانيكى بيفك اجزاء تانيه علشان يعرف يشتغل فيها وكمان المحرك اقوى من جسم ووزن السياره
بولونيز : لاتعليق حسبي الله ونعم الوكيل
شاهين : لاتعليق حسبي الله ونعم الوكيل
بيجو ٥٠٥ : عيب الكهربا بتاعتها وبك السلانسيه الي كل شوية ينسد
لانوس : فرامل زبالة. العجل بيوقف والعربية ماشية .
ماتريكس : صوت الكوستوبنات وعيب رومان البلي الخلفي فيها
رينو لوجن : لاتعليق حسبي الله ونعم الوكيل فيها وفي الي نصحني اشتريها
من اول الحرارة بتاعت الكبينة للخمات الرديئة لسحبها الضعيف لقطع غيارها المبالغ فيها لمسحتها السيئة وصاغجها الضعيف واقرو الموضوع الي عملو عنها .... كفرتني حياتي
كابريس : حبيبت قلبي
يارس : دلوعتي وحبيبتي وكتكوتتي .
كرولا : عيب ال mmt
هونداي اربي : صوت الطقه في الكوبلن وقت التعشيق وانتا بتلف الدريكسيون
اسكودا فابيا : مشكلت التبريد فيها صعبة جداً وملهاش اخر . ولا ليها حل .
نيسان مكسيما : عيب اسطوانة الدبرياج بتاعتها
نيسان صني : الكنبة الخلفية كانك راكب عربية باب واحد ديقه جداً وسحبها ضعيف في الاتوماتيك
ايه تاني لمن افتكر هقولكم ههههههه وتحياتي
128 عربية اتعملت عشان الميكانيكية يكلوا عيش من ورا صاحبها
323 الكربراتير وبتشرخ من تحت العلب
هيونداى اكسيل ضعف الصاج وصوت خشونة الموتور وضعف العفشة
التريوس 99 (حبيبتى) لو تعرض 10 سم كمان تبقى ملهاش حل
اشكر جميع الاعضاء على المشاركه لم اكن اتوقع ان يكتب كل منا ملاحظته كنت متخيل اننا سوف نتحيز الى عربيتنا لكن على العكس الجميع بينقل تجاربه وخبراته والغريب انى كنت فاكر ان بعض العربيات مفهاش ملاحظات او عيوب واتضح العكس سبحان الله والحمد لله الكمال لله وحده
متابع
الياريس رغم ان فيها حاجات كويسه الا ان مكان العدادت رخم جدددددا
فعلا مكان العداد في الياريس رخم شوية
اوبل فيكترا بي (الفراشه)
عربيه مالهاش حل خصوصا المانوال منها
--عيبها ان شجره التكييف امام فرن الشكمان مش فوق حوض الموتور
دايما تتاثر بالحراره والتكييف يضعف
--السحب ضعيف في السرعات اقل من 60 كم لان وزنها 1245كم
--ظهر العربيه عالي شويه وده بيصعب شويه الرؤيه اثناء الرجوع للخلف وخصوصا مع
القصيرين اللي زي حاله اخوكم
--تحياتي لصاحب الموضوع
ببقي خايف عليها من الهوى الطاير
هيونداى نيو أكسنت - مفيهاش مؤشر درجة حرارة - هى لمبة حرارة بس !
BMW 320i
ضيقة ومفيهاش cup holders قدام !!!
اللوجان : اول مرة اجربها من واحد صاحبى و كنت فى شارع زحمة و للاسف مكنتش لاقى الكلاكس فين و قعدت ادور عليه و غير كده بصراحة سواقتها وحشة جدا و مملة
موضوع مميز وشكرا لصاحب الموضوع
هيونداى أكسيل : مواتير جرايه بس غير معمره بتخف بسرعه التنطيط فى المطبات فى المصرى وبتقل نوعا ما فى الكورى
هيونداى أكسنت : نفس موضوع الماتور وتشقق التابلوه من فوق العدادات وكراسيها غير مريحه ناشفة
كيا سيفيا و الشوما : تشقق التابلوه من الهوايات اللى تحت الزجاج طرمبة الباور والاسكاتره مواتير جرايه ومعمره الحمد لله
تويوتا ياريس : الاكصدامات مفيش تحتها فوم على شاسيه الاكصدام على طول فاقل تريحه على الاكصدام بتلاقيه اتقطع من عند القواعد اللى مسكاه فى الشاسيه و بصوا على معضم الياريس هتلاحضوا الموضوع ده وكمان الشنطه عاليه وانت بتركن او بترجع ورأ مش هتبقى محدد المسافات بوضوح
دايو نوبيرا : المقصات و الفتيس الاوتوماتيك ضعيف جداً