أسعار السيارات المستعملة فى الخليج لا يصدق !!( المصريين مظلومين فى مصر )

**شاهين - بنز** · 13-06-2008 10:27 PM

إللي حارئ دمي في مصر (غير طبعا إن أسعار العربيات غاليييية زي الباجيرو إللي ب 130 ألف ريال في السعودية وفي مصر ب 637 ألف جنيه) أسعار المستعمل في مصر ناااار يعني أما كنت عايش في السعودية عربية مسلا زي الكامري معروفة إنها أكتر عربية ماسكة سعرها في المستعمل ومع ذلك بمجرد مرور 4 سنين على السيارة فإن سعرها ينزل للنص أما هنا في مصر مثلا اللانسر زيرو ب 90 بعد سنة ب 85 وبعد سنة ب 80 وبعد سنة ب 77 وبعد سنة ب 73 يعني تخيل بعد مرور 4 سنين على العربية السعر مينزلش غير 20% بس مع إنه المفروض ينزل 50% زي بقيت بلدان العالم

**MoToRiZeR** · 13-06-2008 10:41 PM

المشاركة الأصلية كتبت بواسطة شاهين - بنز

إللي حارئ دمي في مصر (غير طبعا إن أسعار العربيات غاليييية زي الباجيرو إللي ب 130 ألف ريال في السعودية وفي مصر ب 637 ألف جنيه) أسعار المستعمل في مصر ناااار يعني أما كنت عايش في السعودية عربية مسلا زي الكامري معروفة إنها أكتر عربية ماسكة سعرها في المستعمل ومع ذلك بمجرد مرور 4 سنين على السيارة فإن سعرها ينزل للنص أما هنا في مصر مثلا اللانسر زيرو ب 90 بعد سنة ب 85 وبعد سنة ب 80 وبعد سنة ب 77 وبعد سنة ب 73 يعني تخيل بعد مرور 4 سنين على العربية السعر مينزلش غير 20% بس مع إنه المفروض ينزل 50% زي بقيت بلدان العالم

ده لأن نظام تكهين السيارات غير معمول بيه في مصر .. يعني اللي بيبعلك عربية ماشية 4 سنين بيبقي عارف ان اللي هياخدها ممكن يمشي بيها 20 كمان

في شوارعنا تلاقي عربيات من الستينات يعني داخلة في 50 سنة
انما برة فيه احلال و تغيير اول بأول

**د.محمود صلاح** · 13-06-2008 11:01 PM

المشكلة اننا أكتر شعوب العالم بندفع ضرايب وأقل شعوب العالم حصولا على خدمات مقابل هذه الضرايب !! .

استكمالا للغيظ اليوم عاينت كرولا 1,3 مانيوال 2004 فاضية تكييف وكاسيت وباور ب 3الاف عمانى يعنى 42 الف مصرى

**إسلام شاهين** · 13-06-2008 11:21 PM

بالمناسبة النهارده كنت في سوق الحراج بتاع يوم الجمعه بمدينة الدوحة بقطر وهذه بعض الأسعار :-
1- نيسان ماكسيما 2003 كاملة ب 23 ألف ريال (الريال جنيه ونصف)
2- تويوتا كورلا 2003 كاملة أوتوماتيك ب 22 ألف ريال
3- نيسان صني 2004 كاملة أوتوماتيك 1600 سي سي ب 25 ألف ريال
4- لانسر 2007 كاملة 1600 سي سي 28 ألف ريال

ولا تعليييييييييييييييييييييي ييييييييييييييييييق !!!!!!!!!!!!!!!!!!!!!!

**zakiali** · 13-06-2008 11:53 PM

مينفعش نقارن بين سوق والتاني لأن ظروف كل بلد مختلفه وكمان العرض والطلب غير . يعني الناس هناك بتغير عربيه كل سنه او لما بيزهق منها بيرميها بأي سعر لأنهم مش هاممهم الفلوس فبالتالي المستعمل سعره بيبقي في الأرض زي الموبايلات المستعمله في الخليج برده .

**fahd_628** · 14-06-2008 02:31 AM

حرام والله

**hazem_khidr** · 14-06-2008 04:59 AM

مصدقك من غير حلفان يا دكتور
كنت في الامارات و كانت اسعار العربيات بنفس الشكل اللي حضرتك بتقول عليه دا.
بس الصراحه بلدنا لو الاسعار كده مع الكوسه اللي في المرور و كل من هب و دب يطلع رخصه و ينزل يقرف في عباد الله كان زمان كل البلد ركبت عربيات.
المفروض ماحدش يبقي معاه عربيه غير لما يكون معاه رخصه قياده
و المفروض رخص القياده يتشدد عليها اوي علشان ما نلاقيش الكم الهائل من انصاف السواقين معانا علي الطرق كل يوم و يسببوا في حوادث

**eng_mkhalaf** · 14-06-2008 12:32 PM

يا عينى على الدلع الواحد لو راح هناك يضرب حتة 3000 سىسى 6-8 سليندر ودب يا معلم :)

**mada121977** · 14-06-2008 02:41 PM

صدق اولا تصدق
ليا واحد صاحبى صيدلى فى السعوديه من سنتين كان معاه موبايل نوكيا 6600 اول ما كان نازل راح باعه واشترى بتمنه عربيه مرسيدس 200 موديل 80 اللى هيا هنا ممكن توصل 80 الف جنيه :):):) (القصه حقيقيه وواقعيه والله ومش تأليف)