الموضوع: التأمين بعد السرقة الكاملة

شكرا يا باشا على ردك, ومعلش اخر سؤال:

لو الموضوع كله خلص والتأمين صرف الفلوس وانا خلصت مع كونتاكت, وبعدها باى فترة العربية رجعت (يارب) هيبقى ايه النظام؟ على ما اظن شركة التأمين هتبقى عايزة فلوسها, طيب انا كنت بسددها لكونتاكت بالتقسيط, هديها ازاى لشركة التأمين ساعتها مرة واحدة ؟؟؟!!!!!

المشاركة الأصلية كتبت بواسطة moutaz1983

انا كنت مشترى عربيتى تبع كونتاكت النظام المرن, النظام ده مبيلزمش انى اكون مأمن على العربية وفعلا انا أمنت عليها بعد سنة فى شركة تانية (شارتس)
بعد ما أمنت عليها بحوالى 6 شهور العربية كلها اتسرقت :(

فيه سؤالين عايز اعرفهم:
1- المفروض التأمين ساعة ما امنت قالولى ان التأمين الشامل بيغطى 75% من ثمن الوثيقة وساعتها سألت فى كذا شركة كانت نفس النسبة؟ طيب الأجراءات بتاخد وقت اد ايه, مش عارف؟

النسبة دى معتمدة فعلا من الاتحاد المصرى للتامين في كل شركات التامين وليها حل ان قسط التامين يزيد 50% وساعتها الشركة تتحمل كامل مبلغ التامين
اما بالنسبة للمدة فدى بتبقى من 3 شهور لحد 6 شهور لغاية ما خطاب كف البحث يطلع من النيابة العامة بعدم العثور على السيارة


2- انا المفروض دلوقتى بدفع اقساط العربية, لما سألت فى كونتاكت قالو ان فى حلين, الأول انى اسدد بقيت الأقساط وساعتها شيك التأمين هيطلع بأسمى, الحل الثانى ان الشيك بيطلع باسم كونتاكت وهما ياخدو فلوسهم ولو اتبقى حاجة انا اخدها

اه هو فعلا الكلام دا مظبوط لان اساس التامين هو تامين مبلغ السيارة لصالح المالك وهنا المالك هو كونتكت وليس انت اما عند سداد باقى الثمن تصبح السيارة ملك انت

طيب مينفعش نستمر كدا مكملين فى الأقساط وانا اخد مبلغ التأمين؟ قالو لأ, مش عارف الكلام ده ممكن يتغير ولا لأ

للاسف لا يمكن تغيره لان هذا هو مبدا التامين

طيب فرضا ان انا مكنتش مأمن اصلا, ومش معايا الفلوس كانو هيعملو ايه؟ هيسجنونى ولا هيكملو اخد الأقساط كل شهر؟

لا كانوا حياخدوا باقى الاقساط طالما حضرتك منتظم في السداد

ياريت ياجماعة حد يرد عليا, علشان انا كده هبقى صفر اليدين, ولا عربية ولا فلوس

ربنا ينتقم منه وحسبى الله ونعم الوكيل فى اللى سرقها

قل الحمدلله على كل شيئ
ولا يحمد سواه في السراء والضراء

احمد محمود
وسيط تامين حر اتعامل مع كل شركات التامين
01091030087
واي استفسار او خدمة انا تحت امرك