انا عن تجربة انصحك باسبيرانزا ِ516 ممكن تزود كمان خمس آلاف وتجيب موديل 2007 بحالة كويسة
انا بنصح بالعربية دي ليك علشان انت جديد في السواقة يعني ماكانش عندك عربيات قبل كده ..... جديد في السواقة معناها العربية هتتخبط كتير واسعار قطع غيار الاسبيرانزا رخيصة الفانوس الخلفي مثلا ب 95 ج والامامي 150 والاكصدام الامامي ب 120 والخلفي تقريبا ب 150 ج ........ ودي في عالم السيارات الالماني ما تجبش حتى ثمن اكرة باب ......
ثاني حاجة العربية دي ثابتة على الطريق بس كفاية لحد 160 ...... هي مشكلتها الرئيسية ان عفشتها ناشفة شوية ودي ليها حلول يعني لو مزاجكفيعفشة ناعمة وحلوة حلها اربع مساعدين لانسر جداد ب 1700 ج تقريبا وممكن تجيبهم مستعملين استيراد ب 550 ج
انا عارف انك هتسمع كلام كتير عن الصيني ان هو وحش واختبارات السلامة وعربيات مش ثابتة على الطريق وبيعطل بسرعة والكلام ده كله .....
انا معايا العربية دي موديل 2009 ماشي بيها لحد دلوقتي 62 الف وابن خالتي معاه موديل 2007 وماشي بيها 130 الف وماشاء الله زي الفل
ولو ربنا كرمك وفكرت تجيبها تاخدها وتفحصها عن احمد مهران او مركز المتحدة والتصليح بردو يكون عندهم لان معظم الناس بتفتي في العربيات دي ومش بيعرفوا يحلوا المشكلة الاصلية علشان كده تروحعند الاثنين دول
ولو عايز اي معلومات عن اسبيرانزا المنتدى هنا مليان معلومات واحنا في الخدمة
وربنا يوفقك لكل خير باذن الله
المفضلات