عندك حق يامحمود باشا ...أسوأ من العبيد و الرقيق كمان
عرض للطباعة
عندك حق يامحمود باشا ...أسوأ من العبيد و الرقيق كمان
ما تسموا الأمور بمسمياتها وبلاش سياسة النعامه
ما يحكيه الزميل ده اسمه دعاره
والبنات دى فى كل مكان وفى كل العالم
ودى اقدم مهنه فى التاريخ
وهذ1 الموضوع مختلف كلية عن موضوع الزواج والذى اعتبره احط من الدعاره
لانه دعاره اسره ودولة, وليست دعارة بنت ساقطه
والعيب ليس فقط على الأسر التى تفعل ذلك, بل على الدوله التى أذلت شعبها واهملته وارتضت المهانه من أجل اموالهم لتنفقها على فسادها
يا باشا لأ الموضوع مختلف عن الدعارة
اصل البنات دي مش بترمي نفسها يوم و تاخد فلوس في ايدها و هي ماشية و بتبقي بتعمل كدة عشان محتاجة فلوس
لأ دي بتبقي مستريحة مادياَ جدا و بترمي نفسها عالشخص ده عشان بتبقي بتحلم تنضم لحريمه و تاخد كل المميزات اللي في ال lifestyle بتاعه بما فيها العربيات الجامدة و الفنادق و الدلع و الفلوس اللي ملهاش أخر
هي تقدر تقول شكل جديد من أشكال الدعارة
ايه المشكله في الموضوع كله
مش شايف فيه حاجه عيب او غلط او حرام
دا جواز
و زي اي جواز فيه قبول و رفض
و ما فيش دين حدد الفرق بين الزوجين يبقي اد ايه
ليه بقي احنا بنسميها مهازل و بنسميها مسميات كبيره اوي علي حجمها؟؟؟!!!!!!!!!
مش معني ان انا ارفض اني اتجوز واحده اكبر مني ب 20 سنه مثلا او واحده اصغر مني ب 30 سنه اني انا كده صح
كل واحد ليه ثقافه و تربيه مختلفه باختلاف البيئه الناشئ فيها
و طالما الشرع محلل حاجه العادات و التقاليد رفضاها يبقي نمشي علي الشرع لانه هو الاساس
طيب الواحد يتجوز ازاى بعد الى سمعته ده والله ده الواحد طلع عبيط فاكر الى شايفه ده قمة قلة الادب بس بعد الى قراته ده انا الى اعرفه قمة الادب والاحترام بس لرده مش هتجوز
مع حترامي لرأيك طبعا .. بس كل حاجة في الشرع و العادات و التقاليد و العرف و الأصول و مجلة ميكي الخ الخ .. يمكن الالتفاف حولها .. و ممكن يبقي الرأي و الحكم واضح و صريح .. و نـتـفذلك و نلتف حوله
زي ما طبعا معروف ان مفيش حد تحلله واحدة قد ارضعته .. قام طلع واحد من بتوع فتاوي الفضائيات الظراف دول قالك لو لازم تختلي براجل يبقي ترضعه الأول .. يعني ممكن ترضع زمايلها في الشغل عادي و تقعد معاهم .. امان و زي الفل
ونبي ده كلام !؟
واحدة بقي بتتجوز واحد اكبر منها ب 75 سنة .. يعني كانت هي بتقول واء و هو already رجل من رجليه في القبر .. اكيد مفيش اي اختلافات ثقافية او بيئية او مجتمعية او فضائية تفسر هذا الزواج غير انه بيعة و شروة .. تجارة رقيق .. و معتقدش الحاجات دي الشرع يحللها و يكون زواج صحيح رغم عدم علمي بالمسائل الدينية و اني مبحبش اصلا اتناقش من خلالها لأن برده عندنا منطق بيقولنا ان مفيش حاجة تجمع بنت عندها 17 سنة بواحد داخل عال 100 سنة !
والله العظيم مش عارف ارد اقول اية!!!!!
يا جماعه....
ما دام الزواج شرعي....يعني احلة الله....فلا يحق لبشر اي كان...ان يعقب علي حلال الله...
لنا الظاهر ولا يحق لنا ان نحاسب الناس علي بواطن قلوبهم...ونواياهم....
بلاش نبص للناس كارباب.....