الموضوع: استفسار عن الشيكات البنكيه

الاستاذ hossam165 انا اتصلت باحد العملاء ممن لديهم الخبره فى مجال صرف الشيكات وكلامه مطابق لكلام حضرتك بالظبط.
شكرا لك على اهتمامك

المشاركة الأصلية كتبت بواسطة abo_anas

السلام عليكم ورحمه الله وبركاته
عاوز اعرف من اهل الخبره فى التعامل مع الشيكات البنكيه عن تاريخ صرف الشيك

بمعنى ادق انا عندى دفتر شيكات بنكى يحمل اسمى ورقم حسابى
وطبعا الشيك فيه خانه التاريخ (اى تاريخ استحقاق الصرف
فانا لو كتبت التاريخ 30_10_2012 مثلا
فهل يحق لحامله الصرف قبل هذا التاريخ؟؟؟؟؟؟

طالما الشيك غير متسطر فمن حق المستفيد يصرفه في الوقت اللي هو عايزه طول ما الحساب فيه رصيد حتى لو كان تاريخ الشيك السنة الجايه, لكن لو الحساب مفيهوش يكمل مبلغ الشيك فمينفعش ياخد عليه رفض قبل تاريخ استحقاق الشيك..

وماذا عن الشرطتين بالقلم اعلى الشيك ، هل هذا معناه ان الشيك لايصرف الا فى التاريخ المحدد؟؟

أي خطين متوازيين في أي مكان على الشيك ليها معنيين, أولاً أن الشيك لا يصرف نقداً و لازم يتودع في حساب فلو حساب المستفيد في نفس البنك المسحوب عليه الشيك الفلوس بتدخل حساب المستفيد في لحظتها لكن لو حسابه في بنك تاني بيقدم الشيك للتحصيل في بنكه و بياخد في حدود من يومين لثلاثة أيام عمل للتحصيل و بيبقى عليه مصاريف بتبقى حسب كل بنك, ثانياً لا يمكن التعامل على الشيك قبل تاريخ استحقاقه حتى لو بيوم واحد, لكن ممكن طبعاً بعديه مفيش مشكلة.
و فكرة التسطيرة دي مبتتلغيش حتى لو شطبت عليها و مضيت.

طيب سؤال اخير انا مضيت شيكات بدون وضع الشرطتين على الشيك وعاوزها تتصرف فى التاريخ المكتوب وليس قبله يبقى ايه التصرف هل ارجع الى البنك ام ماذا

لو عاوزها تتصرف كاش فملهاش حل أنك تمنع المستفيد يصرف الشيكات قبل تاريخها,
حلها الوحيد هو التسطيرة بس ده هيمنع معاها فكرة الكاش, يعني لازم تتودع في حساب..