الموضوع: ( Speed Service Center :: ( enghany

المشاركة الأصلية كتبت بواسطة mummy_47

اه رد عليا.....وانا رحت له امبارح الجمعة ....والعربية اتغيرلها العفشة بالكامل باالاضافة الى عمل السيرفس بالكامل وحاجات اخرى وكشف بالجهاز وجربنا....وطلع معايا م .هاني وجربنا العربية وعملنا ضبط زويا وترصيص....يا جماعة م .هاني شخصية في قمة الاحترام والذوق...العربية اتعمل فيها شغل كثر جدا لانها كانت مركونة كثير انا رحت بعد الصلاة ومروح الساعة10 مساء....والمفاجاة ان م.هاني تقريبا مخدش مني مصنعية على كل ده
الف الف شكر يا باشمهندس هاني وربنا يديم المعروف وهبقى اوافيك بالاخبار ان شاء الله..

على فكرة انا شربت حاجة ساقعة وشاي في شاي ومرضيتض اشرب قهوة الا لما الاعضاء اللي مشربوش القهوه عند م.هاني يروحوا هناك ونشربها سوا...هههههههه

الف مبروك على تظبيط العربية وانا ان شاء الله عاوز اظبط معاة ميعاد واكلمة واتفق معاه على موعد قريب حسب ظروفى وظروفة ان شاء الله عشان مشوارى بعيد شوية

المشاركة الأصلية كتبت بواسطة bassem87

والله بعد اللى عمال اقراه عن م/هانى فانا بقى عاوز اسئل اسئله كتير
انا معايا فيرنا 2009 وعاملة 75000 الف كيلو وعايز اعمل حاجات كتير فى العفشة ومكانيكا وتغيير سيور وزيوت وفلاتر من الاخر كده عاوز اشد العربية شده حلوه وعاوز اعرف لو عايز اغير قنطره العربية علشان كل الناس عمالة تقولى لازم تغيير ها وانا مش مقتنع

نتشرف بحضرتك علي خير ان شاء الله

المشاركة الأصلية كتبت بواسطة eng.mina

عملت امبارح عند المهندس هاني صيانة ال 100000 لفيرنتي وغيرت فيها الأتي :
1- طقم طنابير أصلي ب 650
2-طقم تيل أصلي ب 150
3-سلوك بوجيهات اصلي ب 250
4-بوجيهات اصلي ب 70 من التوكيل
5-مياه خضراء موبيل ب80 جنيه
6-شد جميع سيور العربية
7-رجلاش الفرامل الخلفية
8-تنظيف فلتر الهواء
9-تغيير فلتر البنزين
والحمد لله العربية بعد الصيانة زي الفل وفاقت اوي والفرامل اتحسنت جدا بس حصل معايا موقف سخيف شوية كنت اشتريت قطع الغيار من محمد عاصم اللي في شارع دمشق وللأسف طقم البوجيهات لما ركبناه خلي العربية مبرجلة جدا ومظبطتش غير لما رجعنا الطقم القديم فالطقم اللي انا جبته ده كان بايظ رغم انه في العلبة الاصلي فكان الحل ان انا رحت للشرقاوي اللي في جسر السويس بسرعة وجبت الطقم الاصلي من عنده ب 250 جنيه واللي انا كنت جايبه من محمد عاصم ب 300 وحارجعهوله انهارده ان شاء الله ده غير ان الطنابير عنده اغلي من الشرقاوي ب 200 جنيه فبصراحة هي تجربة سيئة مع محمد عاصم وهي اول مرة واخر مرة اتعامل معاه
وطبعا مش محتاج احكيلكم عن معاملة المهندس هاني والاستقبال الكويس والصيانة دي اتكلفت 130 جنيه وبعد التخفيض 100 جنيه بس
الف شكر لمركز سبيد سيرفس والمهندس هاني

تشلم يا باشا و الف مبروك و معلش ال--- محمد عاصم و قال يقولي دي مشكلتك انت مع التوكيل
خير و بسيطه يا كبير

المشاركة الأصلية كتبت بواسطة semsem7222

ازيك يابشمهندس كل عام وانتم بخير هو سير الدينامو فى الاكسنت ار بى بيتغير كل اد اة بغض النظر عن الكيلو مترات كل كام سنة

لا يا باشا كل 3 سنين او 60 الف كم ايهما ياتي اولا

المشاركة الأصلية كتبت بواسطة mhkorayem

شكر واجب للبشمهندس هاني على حسن الاستقبال على الرغم من اني رحت له من غير ميعاد مسبق
والحمد لله خلصت من موضوع تغيير السيور وغيرنا الميه الخضرا وفلترالهواء
وكمان شربت القهوه الزياده وربنا يجعله عامر

عامر بوجودك ايها الفاضل المحترم
اشكرك لذوقك و حسن اخلاقك و ماتنساش الصيانه بتاعتك اللي ليك عندنا