لا يا بشمهندس لو حضرتك لسه مغير الكلتينه راجع عليه تاني لو مش لسه مغيرها او هي بتاعه الفابريكا نشوف المشكله اللي في العربيه هي ايه بالظبط
عرض للطباعة
انا عارف ان احنا هنا في هيونداي طبعا، بس بما اني راجل هيونداوي اصيل فأنا واثق انك ممكن تساعدني في مشكلتي مع لانسر بومة بتاعة والدي او حتي تدلني علي مكان او ناس شاطرة زيك كده، واليك التفاصيل:
السيارة: لانسر بومة ٢٠٠٨ مانيوال ١٦٠٠
قرائة العداد: ٥٣٫٠٠٠ كيلومتر
نوع الكاوتش: Gt و ماشي ٥٠٠٠ كيلو فقط
الزوايا: تم ضبطها منذ عام تقريباً بعد تغيير الكاوتش مباشرتاً و ما زالت جيدة
الشكوي: لاحظت منذ عدة أسابيع ثقل الدركسيون بشكل ملحوظ جداً.
انا معرفشي ميكانيكي ولا عفشجي كويس للياباني.
العربية كانت بتروح التوكيل بصفة دورية بس انا زهقت من ارتفاع اسعارهم.
العربية بتتركن كتير جداً واستخدامها خفيف جداً.
تحياتي
اذيك يا بشمهندس أنا عاطف من الاسماعيلية كنت عندك يوم الجمعة بعمل صيانة ال20000 وحابب أوجه لحضرتك تحية خاصة وشكر واجب على حسن الاستقبال وكرم الضيافة وبجد وبدون مجاملة والله مركز سبيد سيرفيس ناس فاهمة قوى . ومرة آخرى شكراً جزيلاً
احب انقلكم تجربتى فى سبيد سيرفس
اولاً : أحب اشكر كل الي أشتغلوا في العربيتي الفرنا و أخص بالشكر لكل من مهندس هانى و ومهندس محمد
ثانياً: من ناحية الأهتمام بالعمل فهما ما بخلوش عليا بأي معلومة أو توضيح على رغم أنشغالهم ده غير أني ماكنتش على علاقة شخصية بأي واحد منهم ده لأنهم ناس محترمة جداً ده غير أنهم على دراية كاملة بشغلهم أما من ناحية معرفة العطل المهندس هاني أهتم أنة يجرب العربية معايا مش أكتفى بكلامي عشان يعرف كل العيوب في العربية مع أني كنت جايب قطعة الغيار من الأول و هي أسطوانة الدبرياج و الدسك و البلية عشان أغيرهم بس الباشمهندس برضوا راجع على كلامي قبل ما يغيرهم و راجع على الفرامل الأمامي و الخلفية و الزيوت و العربية كلها و ربطلي العفشة و راجع العربية على جهاز كشف الأعطال. و كمان لما عرف أني جاي عن طريق موقع نايل موتورز عملي خصم كمان 50 جنية من الفاتورة ده غير أنة أنة لما راجع على العربية لقى أن البوجيهات و ماستر الدبرياج السفلي بيسرب بعتني أشتري قطعة الغيار من محل بسعر أقل من ما كنت بشتريهم قبل كدة و كمان لما المحل مفهمش مني المطلوب جه معايا للبياع بعربيتة عشان يجيب قطعة الغيار و يراجعها و راجعلي على المساعدين الأماميين وقال أنهم عوزين يتغيروا بس ممكن أمشي عليهم شوية و نظفولي الموتور و المهندس هاني جرب معايا العربية كمان قبل ما أمشي و بعد ده كلة أنا دفعت 175 جنية أجمالي الفاتورة بعد الخصم.
أنا شايف أنهم مهندسين شاطرين جداً و أنا سعيد أني أتعرفت بيهم .
أنا بشكرهم على أمانتهم في شغلهم و معايا و أتمنلهم التوفيق والتوسع و النجاح.