الموضوع: ( Speed Service Center :: ( enghany

المشاركة الأصلية كتبت بواسطة a_elbosaty

السلام عليكم جميعا
لو سمحت يا استاذ هاني كنت عايز اعمل صيانة العشرين الف للفيرنا بتاعتي موديل 2009 .. ممكن اعرف انسب يوم انسب وقت اجي لحضرت فيه؟ كمان كنت عايز اعرف ايه انواع الزيوت المتوفرة عندكم؟ وتكلفة هذه الصيانة علشان اعمل حسابي... مع العلم ان دي هاتبقى اول صيانة للعربية من يوم الشراء... يعني كنت باغير زيت وفلتر زيت بس.
وشكرا جزيلا لك.

الزميل الفاضل
حضرتك ممكن تكلمني و نتتفق علي ليوم مع بعض
و احنا بنوفر زيوت شل و موبيل بانواعهم و لو حضرتك بتستخدم نوع تاني ياريت تجيبه مع حضرتك
بالنسبه للصيانه التكلغه بتاعتها هتكون فيها فلتر هواء و بنزين و طقم بوجيهات
والمفروض برضه بيتغير سير الكاتينه والسيور الخارجيه لان معدي عليها اكتر من 3 سنين و اهلا و سهلا بحضرتك

المشاركة الأصلية كتبت بواسطة migos

وفقني الله لما فيه الخير بإذنه تعالى وهداني إلى ان اقوم بأعمال الصيانه لعربيتي الأوبترا عند مركز سبيد سيرفيس فقام الاستاذ هاني اللي بيفهم اللي بيفكر اللي بينصح للصح بعمل التالي:
تم الاتفاق على موعد محدد وبالفعل قد كان وقد كان بالانتظار واشتكيت وبعبعت باللي في سري وفبالي وكل الشكاوي اللي عندي من اصوات وما إلى ذلك وكان عنده صبر التنين على شكواي وسمع بطول بال غير طبيعي وقام بشرح الأعمال وطريقة عملها ووقت تنفيذها وما ستئول إليه الامور بعد ذلك وحدد المشتريات ودلني من أين أتي بها وكانت الأعمال كالتالي:
- تغيير تيل فرامل أمامي ثمنه أصلي من الشرقاوي 225 جنيه تركيبها ببلاش واجب من المهندس هاني
- بوجيهات ngk 16 بـ 60 جنيه ثمنه أصلي من الشرقاوي تركيبها ببلاش واجب من المهندس هاني
- فلتر هواء اصلي بـ 55 جنيه ثمنه أصلي من الشرقاوي تركيبها ببلاش واجب من المهندس هاني
- فلتر بنزين بـ 50 جنيه ثمنه أصلي من الشرقاوي تركيبها ببلاش واجب من المهندس هاني
- خرطوم مياه سفلي وتم تغييره للأمان فقط وليس لعيب فيه بطلب مني بـ 50 جنيه ثمنه أصلي من الشرقاوي تركيبها بـ 10 جنيه
- عدد اثنين مسمار ميزان بـ 130 جنيه ثمنه أصلي من الشرقاوي تركيبها ب25 جنيه
- جوان غطاء التاكيهات بـ 75 جنيه ثمنه أصلي من الشرقاوي تركيبها ب30 جنيه
- مياه ريدياتير اسباني (خضراء) بـ 40 جنيه وتم تغييرها ببلاش واجب من المهندس هاني
- سير دينامو بـ 125 جنيه ثمنه أصلي من الشرقاوي
- سير تقسيمه بـ 295 جنيه ثمنه أصلي من الشرقاوي
- طاقم بلي شداد بـ 450 ثمنه أصلي من الشرقاوي
وتكلقة تركيب السيور 150 جنيه بالإضافة إلى تكلفة صيانة الـ 100.000 كم 70 جنيه
واخذت خصم 60 جنية خصم نايل موتورز (من غير استيكر كمان)
يعني اجمالي قطع الغيار : 1515 جنيه وبعد الخصم 1500 جنية واجب منهم للمهندس هاني
وحساب المهندس هاني 265 جنيه
ومن هنا غير اني بشكر المهندس هاني وحسن معاملته واسلوبه المحترم المهذب الخلوق احب اقول لكل واحد عمل صيانة عربيته بره انت لسه معملتش صيانه لعربيتك وانت لسه بتدفع فلوس في الهواء
غير كده يا باش مهندس خيرك وجمايلك غرقتنا قوللي بأه هنردها ازاي ؟؟ كده الدين تقل ومش عارف اسدد!!
عموما مش لاقي ابلغ من كلمة شكرا لتوفيك حقك

اقسم باله الغظيم اني مشعارف ارد ؟؟
و مش لاقي كلام بجد و مش قادر اوصف قدر سعادتي بجد يا امجد بك
كتر الف خيرك و انا اللي ماقدرشي ارد الجميل كفايه الذوق و الاحترام يا رب دايما اشوف حضرتك بكل خير و يكفيك شر العربيه و دايما و حضرتك و الاسره الكريمه بالف خير

الساده عملاء سبيد سيرفيس المحترمين
نتشرف بهذا العرض القائم الي اخر شهر 4 ان شاء الله
وهو غسيل دوره تبريد و مياه خضراء مجانا اسباني 10% تركيز علي كل تغير كاتينه و سيور او تغير طقم دبرياج وشكرا جزيلا لحضراتكم

لو عايز اروح لحضرتك وانا جاى من بورسعيد اروح ازاى
والمواعيد من فضلك وهل لو حبيت اجيب قطع الغيار اللى عاوز اغيرها معاى مفيش مشكلة

المشاركة الأصلية كتبت بواسطة khaabas

لو عايز اروح لحضرتك وانا جاى من بورسعيد اروح ازاى
والمواعيد من فضلك وهل لو حبيت اجيب قطع الغيار اللى عاوز اغيرها معاى مفيش مشكلة

الزميل المحترم
بص هو الطريق اللي حضرتك هتدخل منه مصر اللي هو مصر الاماعيليه الصحراوي هو مدخل ش جسر السويس من اخره والاي استفسار كلمني و طبعا اي قطع غيار مفيش اي مشكله و تنورنا

صباح الخير يا بشمهندس/هاني
صباح التفاؤل والأمل

المشاركة الأصلية كتبت بواسطة enghany

زميلي الكريم
بص حضرتك
اولا بالنسبه لزيت ىالمحرك مادام حضرتك استخدامك بسيط لا تستخدم زيت تخليقي او ممكن تنزله بحد اقصي سنه في العربيه حتي ما معملشي ال10000 كم
بالنسبه لزيت الفتيس حد اقصي ليه 3 سنين حتي لو ماجبشي ال 40000 كم
بالنسبه للتوكيل اكد عليهم و خلي المهندس يسبتلك في امر الشغل مراجعه مستوي زيت الفتيس لانها ساعات بتتنسي

.