25 وممكن تخطب من 23 مثلا
عرض للطباعة
25 وممكن تخطب من 23 مثلا
الزواج ليس له علاقه بالسن
ولايوجد سن مناسب للزواج
وقت ربك مايريد كل حاجه بتمشى فى مجراها الطبيعى
لك تحياتى
مع ألأحترام لجميع ألأراء اللي سبقت شكلك بيتلكك (:
الجواز مالوش سن وكل جوازه وليها ظروفها ووقتها والأهم انه قضا بيحصل لما ربك يريد مش لما انت بتريد زي اللي فاكر انه لما يخلف عيل هيربي وميعرفش ان اللي بيخلف هو اللي بيتربي ومن اول وجديد (:
مشكلة الجواز مش انك تخطب وترتبط لأ الصح انك تلاقي نصفك ألأخر بمعني الكلمة يعني توافق شخصي فكري ثقافي مادي خفة دم واحدة وتواضع وعايزة تعيش وتعيتك علي الزمان وتبني معاك مستقبلك تحس وانت معاها انك وصلت لهدفك وانها الوحيده في العالم اللي بتحبك و هتقدرك و تستحملك وتربي عيالك صح ورأيي وعن تجربة ان كل واحد بيقابل نصفة التاني او نصيبة في مشوار حياتة وكل اللي عليك أشتغل واجتهد في الجزء اللي يخصك أتعب واشقي في شغلك علشان تبني نفسك وتقدر علي مصاريف الجواز ونصيبك هيظهر في حياتك في الوقت المناسب ونصيحة متتعبش نفسك وتدور علشان نصيبك زي رزقك هو اللي بيدور عليك المهم انك انت اللي تكون جاهز ماديا ومعنوياً مش نايم في البيت وبتحلم ........تحياتي من مكة (:
انا خطبت و انا 23 و اتجوزت 25
بصراحة انا اتجوزت وانا عندي 26 و الحمد الله مبسوط و كل حاجة مفيش مشاكل جوهرية ..
بس بمنتهى الامانة ... شايف ان الواحد ميتجوزش قبل 35 سنة على الاقل كمان !
ليه ؟
35 سنة حتكون على الاقل بقالك 10 سنين بتشتغل ... اتمرمغت و عرفت انت عايز ايه من الدنيا خلاص و بنسبة 80% ماشي في طريقك الصحيح بعد اي كعبلة او بهدلة حصلت ... او حتكون سافرت برة و كونت نفسك .
سيبك من الماديات علشان في ناس حتقولك منا قبلها ب 10 سنين كنت قادر .. انا بتكلم على تكوين الشخصية النهائية و معتقداتك في الحياة و اسلوبك عامة حيكون اتكون بنسبة كبيرة.
للاسف برده موضوع سن الزواج في مصر ... و الست بتعجز قبل الراجل و الكلام الفاضي ده ... ماشي الكلام مش فاضي اوي بس هو صحيح .
بس افرض لقيت شريكة عمرك وحياتك و كل حاجة في حياتك و طلعت ادك في السن !!
حترمي كل ده و تضربه في الحائط و تجازف مع واحدة ثانية لمجرد انها اصغر في السن ؟؟؟ هي مش بضاعة على فكرة ! لو اتجوزت واحدة اصغر منك ب 10 سنين ... و مطلعتش موفق في اختيارك .. حتقفرفك اكثر و حتمرض انت اكثر و حتطلقوا يا حتموت وتورثك هي الاول :) lol
رجوعا للسن ... تتجوز عندك 35 سنة .. يكون مسكنك متوفر و جاهز و امن .. سيارتك موجودة .. مرتبك مغطيك بزيادة و بتحوش منه ... رزانة عقلك موجودة .. احتكاكاتك بالناس اكثر و خاصة بالنساء, خبرتك اعلى .. صبرك اكثر و طرق حل المشاكل اكثر ... منتاش اهوج مستعجل علشان تميت 30 سنة و متجوزتش .. لآ انت تختار الي انت عايزه (طبعا بافتراض انك مش وحش كاسر ذو انياب و حوافر يعني :) )
وتخلفلك عيلين بالكثير (مش ناقصين احنا ابوس ايدك) و ياسلام لو بنت او ولد .. وتعيشوا في تبات و نبات !
بس كدة !
23 سنة لما اخلص ان شاء الله
عصمة للشباب والفتيات من زمن الفتن اللى احنا فيه
من استطاع منكم الباءة فليتزوج، فإنه أغض للبصر وأحصن للفرج
ثم
بناء على القوانين والاوضاع الحالية
افضل سن للزواج
هو السن اللى يتحقق فيه الشروط الآتيه :-
1- البلوغ
2- السن القانوني
3- القدرة على الزواج وتحمل نفقاته
أي تأخير عن كدة مهلوش لازمة ، يعني لو 18 سنة وشغال تاجر مثلا وبيكسب ، يتزوج وربنا يرزقه ويزيده