لخبراء البنوك

**Dr_Mido** · 10-05-2012 01:06 AM

هو البنوك بتستعبط بزيادة فى التحويلات الخارجيه للشركات ولا ايه

يعنى ايه اما احب احول فلوس اجيب الفاتورة بتاعه الشراء واكتب اقرار انى هجيب بعد كدة محضر الاستلام من الجرمك للبنك يعرضه على المركزى وهو مال البنك ومال انا استوردت ايه وبكام النظام دة فعلا صحيح ولا لا الكلام دة جالى من كريدى اجريكول مبيعله الشركه احسن امال ام الفلوس اللى بتتهرب برة دى ايه

**khattab_1989** · 11-05-2012 02:29 PM

حضرتك دا قانون عمله البنك الركزي بسبب نزيف الأموال اللى خرج من البلد .. و بناءا عليه فقد تم وضع معايير و شروط لتحويل العملة الصعبة بره مصر (لأن طبعا مفيش تحويل برة مصر بالمصري) يعنى البنك المركزى عايز يطمن ان حضرتك هتخرج عملة صعبة من مصر و هيدخل مكانها سلعة تدير ربح ... مش نحول فلوس برة مصر بدون مقابل فيحدث نزيف مستمر لغطاء العملة الصعبة .. و طبعا البنك المركزي عمل القواعد دي بسبب تحايل التجار و الشركات فى تهريب الاموال للخارج ... فحضرتك طالما فى السليم وورقك تمام فلا داعى للإنزعاج و تحويلك هيعدى إن شاء الله زي تحويلات كتييييييير بتعدى يوميا ... عموما شوف حضرتك اي اسئلة او استفسارات و انا تحت امرك فى اي سؤال
اسمى محمد خطاب و بشتغل فى قسم التحويلات الخارجية (متتبع مراسلين) ببنك مصر

**dede_dodo88** · 11-05-2012 02:40 PM

هو للأسف دي حاجة مفروضة على البنوك كلها من المركزي من بعد الثورة,
و حتى في بنوك فتحت لفترة الباب شوية فجالها warning letter من المركزي.
فالموضوع بقى عليه رقابة شديدة, و فعلاً بقى بيتطلب شوية أقرارات و لازم فواتير تؤيد سبب التحويل, فطالما أنت معاك كل ورق و كل حاجة مظبوطة فالتحويل هيطلع عادي من غير مشاكل..

**Dr_Mido** · 11-05-2012 03:35 PM

لا انا مش بهرب فلوس هههههههههههههه ومعنديش مشاكل بس بقى روتينى قوى ومزعج الحوار دة بس لو فى مصلحه مفيش مشكله اللى يقلق هو اللى ماشى غلط يعنى المفروض دلوقتى اوريهم الفاتورة و محضر الاستلام فى الجمرك بس صح ولا فى حاجه تانى انا مستوردتش حاجه من ساعه الثورة فمعرفش بقت الدنيا ازاى وهلىف ى حد اقصى ولا لا

**amrrashed** · 11-05-2012 03:36 PM

المشاركة الأصلية كتبت بواسطة khattab_1989

حضرتك دا قانون عمله البنك الركزي بسبب نزيف الأموال اللى خرج من البلد .. و بناءا عليه فقد تم وضع معايير و شروط لتحويل العملة الصعبة بره مصر (لأن طبعا مفيش تحويل برة مصر بالمصري) يعنى البنك المركزى عايز يطمن ان حضرتك هتخرج عملة صعبة من مصر و هيدخل مكانها سلعة تدير ربح ... مش نحول فلوس برة مصر بدون مقابل فيحدث نزيف مستمر لغطاء العملة الصعبة .. و طبعا البنك المركزي عمل القواعد دي بسبب تحايل التجار و الشركات فى تهريب الاموال للخارج ... فحضرتك طالما فى السليم وورقك تمام فلا داعى للإنزعاج و تحويلك هيعدى إن شاء الله زي تحويلات كتييييييير بتعدى يوميا ... عموما شوف حضرتك اي اسئلة او استفسارات و انا تحت امرك فى اي سؤال
اسمى محمد خطاب و بشتغل فى قسم التحويلات الخارجية (متتبع مراسلين) ببنك مصر

الله ينور عليك

**dede_dodo88** · 11-05-2012 03:41 PM

المشاركة الأصلية كتبت بواسطة dr_mido

لا انا مش بهرب فلوس هههههههههههههه ومعنديش مشاكل بس بقى روتينى قوى ومزعج الحوار دة بس لو فى مصلحه مفيش مشكله اللى يقلق هو اللى ماشى غلط يعنى المفروض دلوقتى اوريهم الفاتورة و محضر الاستلام فى الجمرك بس صح ولا فى حاجه تانى انا مستوردتش حاجه من ساعه الثورة فمعرفش بقت الدنيا ازاى وهلىف ى حد اقصى ولا لا

لو شركة ملهاش حد أقصى طالما بتحول مبالغ مقرونة بفواتير,
لو حساب شخصي لمواطن مصري فالحد الأقصى ليه 100 ألف دولار أمريكي أو ما يوازيه بأي عملة تانية, و المبلغ ده كمجمل تحويلات من ساعة الثورة لحد يومنا هذا..
و اتأكد من بنكك اللي بتتعامل معاه على ايه الاوراق المطلوبة لأنها بتختلف من بنك للتاني..