فيديو للناس الى بتقول ان الالنترا مش ثابتة 210km/h

**SAMEH_FOUAD** · 13-05-2012 10:29 AM

المشاركة الأصلية كتبت بواسطة formulator

وهو formulator هيقول أيه أكثر من كده:

+111

إلا بقى لو انت بتعتبر ان ده high-speed acceleration كويس؟؟!!!

لأن أنا شايفه بطىء التنين فـ التجميع عـ السرعات العالية، (وده اللى أنا قولته كذا مرة فـ تجربتى للألنترا عـ الدائرى)..

سواقة spirited لقيتها عند الـ130-140 تقلق جااااااااااامد، طلعت بيها لحد الـ160 وفعلا العربية "بطيئة" فـ التجميع عـ السرعات العالية؟؟!!!
معرفش بقى دى مشكلة torque curve مش متضبط، ولا gear-ratio متنسب للـeconomy أكثر من الـacceleration؟؟!!!
بس وااااااااضح ان هيونداى عندها مشكلة فـ الحته دى.

وكمان ده موتور 1.8 امال لو 1.6 كان عمل أيه؟؟!!! هو جاى يموت هنا؟؟!!!

ههههههههههههههه

- الصراحة أنا مش فاهم أيه مقياس الثبات عندكم؟؟
كل التجارب فـ قسم الهونضاى: يقولك 180 و200 والعربية تماااااااااااام؟؟!!! أيه ياجدعان انتو بتشتغلوا نفسكوا؟؟

مش هقولك تعالى على طريق حارتين فقط مكسر وفيه عالى وواطى وورينى بقى السرعات؟؟ 130-140 بس.. مش تقوللى اسفلت laser و4-حارات؟؟
(مع العلم ان العربيات الجراية/الثابتة بتمشى 200 عـ الطرق السيئة دى عادى).

لأ ياعم، تعالى عـ الصحراوى أو العين-السخنة اللى انتو جربتوا عليه، (مش غرزتين جامدين.. لأ)، انقل حارتين-3 ورا بعض يمين فـ شمال على 150-160 كده..
جربوا وتعالوا قولولنا، :copy of m-s5:
(احنا بنعمل كده بعربيات كتييييييييييييير، قولولنا انتو بقى الألنترا/الفيلوستر هيعرفوا.. ولا هيبقوا زى اختهم فـ الشاسيه والعفشة السيراتو)؟؟!!!

regards،

ههههههههههههه

حبيب يامتغيب بقالك فترة لعل المانع خير

عموما ياباشا هو انتا استنتجت حاجة من كل الاراء دية وانت قولتها \
كل التجارب فـ قسم الهونضاى: يقولك 180 و200 والعربية تماااااااااااام؟؟!!! أيه ياجدعان انتو بتشتغلوا نفسكوا؟؟

لان فعلا الاقى اراء بتقول العربية طارت من سرعة 100 لسرعة 180 فى لمح البصر ودية 1600 وهنا ال1800 اللى قوتة 148 حصان عمل التسارع دة امال بقى ال1600 هيعمل اية الا بقى لو كانت هيونداى ماشية بالعكس يعنى ال1600 اقوى من ال1800

ويقولك ثبات عالى جدا وانا اركب العربية ابقى قافش فى الطارة بعد سرعة 130 كم وخايف تجرى منى , والباور الكهرباء اللى عمرى فى حياتى ماحسيت انة بيفصل

يمكن العربيات اللى انا وانت بنجربها بتبقى حاجة غير اللى هما بيشتروها جااااااااااااااايز

**SAMEH_FOUAD** · 13-05-2012 10:30 AM

المشاركة الأصلية كتبت بواسطة sanhory

اولا : انا دقني طولت و انا مستنيها تجيب ال 200
ثانيا: انا مشفتوش حتى نقل من حارة للتانية كل الكلام كان في حارة واحدة و استريت يبقى ثبات ايه!!!

هههههههههه

انا قومت عملت كباية شاى وقربت اخلصها وهو لسة ماجبش ال200

**abdulkhaleq** · 14-05-2012 03:40 AM

المشاركة الأصلية كتبت بواسطة formulator

وهو formulator هيقول أيه أكثر من كده:

+111

إلا بقى لو انت بتعتبر ان ده High-Speed Acceleration كويس؟؟!!!

لأن أنا شايفه بطىء التنين فـ التجميع عـ السرعات العالية، (وده اللى أنا قولته كذا مرة فـ تجربتى للألنترا عـ الدائرى)..

سواقة Spirited لقيتها عند الـ130-140 تقلق جااااااااااامد، طلعت بيها لحد الـ160 وفعلا العربية "بطيئة" فـ التجميع عـ السرعات العالية؟؟!!!
معرفش بقى دى مشكلة Torque Curve مش متضبط، ولا Gear-Ratio متنسب للـEconomy أكثر من الـAcceleration؟؟!!!
بس وااااااااضح ان هيونداى عندها مشكلة فـ الحته دى.

وكمان ده موتور 1.8 امال لو 1.6 كان عمل أيه؟؟!!! هو جاى يموت هنا؟؟!!!

ههههههههههههههه

- الصراحة أنا مش فاهم أيه مقياس الثبات عندكم؟؟
كل التجارب فـ قسم الهونضاى: يقولك 180 و200 والعربية تماااااااااااام؟؟!!! أيه ياجدعان انتو بتشتغلوا نفسكوا؟؟

مش هقولك تعالى على طريق حارتين فقط مكسر وفيه عالى وواطى وورينى بقى السرعات؟؟ 130-140 بس.. مش تقوللى اسفلت Laser و4-حارات؟؟
(مع العلم ان العربيات الجراية/الثابتة بتمشى 200 عـ الطرق السيئة دى عادى).

لأ ياعم، تعالى عـ الصحراوى أو العين-السخنة اللى انتو جربتوا عليه، (مش غرزتين جامدين.. لأ)، انقل حارتين-3 ورا بعض يمين فـ شمال على 150-160 كده..
جربوا وتعالوا قولولنا،

(احنا بنعمل كده بعربيات كتييييييييييييير، قولولنا انتو بقى الألنترا/الفيلوستر هيعرفوا.. ولا هيبقوا زى اختهم فـ الشاسيه والعفشة السيراتو)؟؟!!!

Regards،

مشكلة torque أولا وكل اللي حضرتك قلته ثانيا
وبجد انا مش فاهم ايه علاقة الثبات بالسرعه اللي العربيه هتجيبها ؟!!!!
ممكن حد يفهمني ايه اللي جاب القلعه عند البحر ؟؟؟ :)

**mody3on** · 14-05-2012 09:15 AM

يا جدعان هو ده فيديو تسارع ؟ الراجل ماشي براحته وكل شوية يهدي ويزود لان الطريق مش مفتوح , بصراحة فيديو ملوش لازمة

**artist** · 15-05-2012 11:51 PM

أولا شكرا على الفيديو. ثانيا الناس اللي بتهاجم صاحب الموضوع براحه شوية! الفيديو مبين ان العربيه في الملفات بتتاخد على سرعة عاليه برده! وده بيثبت ان العربيه ثابته نوعا ما! بس سؤال كده هوا الطريق ده فين ؟!

**Amrgamal1** · 16-05-2012 01:02 AM

الالنترا ثابته ؟؟؟؟؟؟
واحد صاحبي لسه عامل بيها حادثه اول امبارح علي طريق الاسماعيليه
بقوله ايه السبب ؟ قالي مش فاكر
وبعدها بيوم لما اعصابه هديت وافتكر بيقولي انا كنت ماشي عادي علي 130 وخدت مطب هوا فجاه لقيت العربيه اتقلبت بيا تقريبا 3 قلبات !!!!!!!!!!!
واقسم بالله الكلام دا حصل والعربيه مرميه في الحرفيين دلوقتي مافهاش حاجه سليمه غير الشنطه وصاحبي طبعا ربنا يشفيه عنده كسر في رجله وشرخ في كتفه

**mody3on** · 16-05-2012 01:08 AM

المشاركة الأصلية كتبت بواسطة amrgamal1

الالنترا ثابته ؟؟؟؟؟؟
واحد صاحبي لسه عامل بيها حادثه اول امبارح علي طريق الاسماعيليه
بقوله ايه السبب ؟ قالي مش فاكر
وبعدها بيوم لما اعصابه هديت وافتكر بيقولي انا كنت ماشي عادي علي 130 وخدت مطب هوا فجاه لقيت العربيه اتقلبت بيا تقريبا 3 قلبات !!!!!!!!!!!
واقسم بالله الكلام دا حصل والعربيه مرميه في الحرفيين دلوقتي مافهاش حاجه سليمه غير الشنطه وصاحبي طبعا ربنا يشفيه عنده كسر في رجله وشرخ في كتفه

ربنا يشفيه ويعافيه ويعوضه خير , مطب هوا عادي وخده بطريقة طبيعية على 130 واتقلب 3 قلبات ؟ طب حضرتك مقتنع بالكلام ده ؟ , يعني هو في عربية بتاخد مطب هوا وتتقلب 3 قلبات على سرعة 120 ( لوحدها كده ) ؟

**lanos2004** · 16-05-2012 02:30 AM

المشاركة الأصلية كتبت بواسطة mody3on

ربنا يشفيه ويعافيه ويعوضه خير , مطب هوا عادي وخده بطريقة طبيعية على 130 واتقلب 3 قلبات ؟ طب حضرتك مقتنع بالكلام ده ؟ , يعني هو في عربية بتاخد مطب هوا وتتقلب 3 قلبات على سرعة 120 ( لوحدها كده ) ؟

عادى داس فرامل من الخضه ولف الدركسيون جامد يتقلب على طول --اكيد عيب سواق
وندعو له بالشفاء