الموضوع: استفسار حول عملية ازالة اللوزتين من اطباء المنتدى

شكرا دكتور محمود صلاح

المشاركة الأصلية كتبت بواسطة أحمد كمال

على فكرة ..... الاوجمنتين عبارة عن اموكسيسيللين + كلافيولانات ......

اموكسيسيللين == نوع من انواع البنيسيللين


يعني هي بالفعل هي بتاخد بنسلين دلوقتي :)


مساء الفل :)

مساء النور :-)
اهى تاخده دوا شرب متنكر احسن من حقن

المشاركة الأصلية كتبت بواسطة Kareem Fawzy

مدام سما دة رد والدتى على حضرتك
هى استشارى اطفال خبرة 32 سنة

اولاً 400 ast دة معناه انها اتعرضت للاصابة بالميكروب السبحى وكونت مضادات حيوية ذاتيه ودة دليل مناعه
مش دليل مرض
ثانياً سرعة ترسيب 47 دى لا تعتبر كبيرة الا اذا تعدت ال 80
اهم حاجة انتى ماعملتيهاش هى تحليل اسمه c-reactive protein ودة اذا كان positive بيدل على ان الميكروب ما زال موجود ويجب استمرار المضاد الحيوي حتى يصبح negative
معلومة ليكى
عمليات استئصال اللوزتين اتشطبت من كتب جراحة الانف والاذن والحنجرة فى العالم كله من سنة 1994
يعنى العالم كله بيحافظ على اللوز لانها نسيج مناعى يحمى من الامراض
اللوز حارس بيصفى الهواء والماء والاكل ويحجز الميكروب ويتعامل معاه فيحمى الجسم
بعد استئصال اللوزتين سيظل طفلك يعانى من التهابات الحلق + سهولة اصابته بنزلات شعبيه و معوية لا قدر الله
اما حكاية الم المفاصل فده لا علاقة له باللوز ولا صحة لمخاوف الاصابة بالحمى الروماتيزمية سواء على القلب
او على المفاصل فهذه معلومات قديمة ثبت خطأها من سنوات طويلة لاكن اطباء الانف والاذن يصرون على تداول
هذه المعلومات المغلوطة لان استئصال اللوزتين بصراحة اكل عيش

الملخص : اعملى ال c-reactive protein اذا كان موجب اعطى طفلك unasyn 250 mg كل 8 ساعات او unictam 250 mg وهو نفس المادة الفعالة بفارق السعر فقط
لمدة 8 ايام وكررى تحليل c-reactive protein وكررى العلاج اذا كان موجب لمدة 8 ايام اخرى
استمرى فى اعطاء المضاد الحيوى حتى يصبح سالباً وبهذه الطريقة تكونى قضيتى تماماً على الميكروب
سرعة الترسيب بتاخد من اسبوعين الى 6 اسابيع حتى تعود طبيعية
اما الast فستظل 400 او اكتر حتى 600 وزى ما قولت دة دليل وجود اجسام مناعيه مش مرض

الف سلامة عليها..،،

الله يسلمك يا كريم
وان شء الله هعمل بنصيحة والدتك بس واحدة واحدة انا ملحقتش ارتاح من المذاكرة والامتحانات :-)
شكرى وتقديرى للدكتورة

المشاركة الأصلية كتبت بواسطة Medicalist

جلو بس كده استاذه سما هتبطل تدخل المنتدى ههههه من كتر الطلبات والمصاريف
طالما البنت مش سخنه و مفيش الم يبقى ان شاء الله الميكروب مش نشط
وزى ما قال الدكتور محمود كملى على الاوجمنتين كوقايه و بعدين ظبطى ميعاد لطويلة المفعول و طبعا الحساسيه ضده بنستعمل الاريثرومايسين كل يوم 4 مرات وده طبعا شىء صعب تنفيذه عشان كده تبقى الحقن دايما الافضل شكه مره واحده كل اسبوعيو او 3

تصدق معاك حق :-)
بس انا مش فاهمة كوقاية دى
انت عاوزنى بعد الاوجمنتين اديها بنسلين برضه ولا ايه ؟