عربيتى الغاليييييييييييييييييييي يييه

**Dr Ahmed** · 19-06-2007 09:05 AM

إيه يا أستاذ حازم دنا كنت هعيط :( ... مش ممكن الناس الطيبة اللى فى المنتدى بجد مجموعة نادرة.

**أبو_حمزة** · 19-06-2007 10:01 AM

آه فكرتونى
كان معايا 127 top . كانت زي الفل و عمرها ما كسفتنى. اضطرينا نبيعها عشان نجيب حاجة أكبر و حكاية البابين دى بقت متعبة مع الناس الكبار بالذات.
يوم ما كنت مواديها لابن خالى عشان عنده زبون ليها كنت حاسس ان العربية بتكلمنى. والله كأنها بتؤل لى "هنت عليك؟"
و كأنها نتفكرنى بمشوار الدكتورة و مراتى حامل و يوم ما رحنا المستشفى عشان تولد و مشوار رجوعنا ببنى الصغيره على دراع امها.
فضلت تفكرنى بحاجات كتيير.
حتى أنا كنت حاسس انها كانت بتدوس على نفسها يمكن أغير رأيي و ارجع. كانت ثابته أوىى و صوت الموتور تقريبامفيش وادوس بنزين تطير.
كان نفسى ألف و أرجع
روحت لقيت مراتى زعلانة و سألتنى عليها.
فى الآ اشترها واحد زميلى و مبسوط بيها أوى
الحمد لله ربنا وسع علينا و بحاول اشتريها منه بس هوا مش راضى

**hazem_khidr** · 19-06-2007 02:13 PM

إيه يا أستاذ حازم دنا كنت هعيط ... مش ممكن الناس الطيبة اللى فى المنتدى بجد مجموعة نادرة.

يا دكتور احمد دي عشره سنوات و سنوات و كان بيجي ايام بقضي فيها وقت اكتر من اللي بقضيه مع اهلي . و بجد فعلا المنتدي فيه ناس جميله جدا و انت واحد منهم طبعا بس اللي اقوله لحضرتك ان معم المجموعه اللي هنا سلوكهم دا هو السلوك العادي اللي يبقي في الشارع بس للاسف احنا في زمن الكويس فيه بقي نادر

**mada121977** · 19-06-2007 03:36 PM

احترامى و تقديرى الشديد لكل من شارك فى ابداء الراى من الساده الافاضل الاخوه فى المنتدى , و من الواضح ان هذه الظاهره منتشره بين الاعضاء و ده شىء جميل , لان العربيه مش مجرد و سيله مواصلات و بس لا دى تعتبر فى نظرى زى واحد قريب منك بيحس بيك و يساعدك و بيسافر معاك و بيعيش معاك كل لحظاتك فى الحياه , انا بحس ان لما العربيه بصرف عليها و اعملها الصيانه او اجبلها اى حاجه محتجاها انها بتشكرنى انى مهتم بيها و بحس انها بتضحكلى فعلا و بتحس باهتمامى بيها