عندي صوت طقة في الدركسيون وانا بلف الدركسيون ناحية الشمال ... ايه السبب فيه؟
العربية النترا 2008 اوتوماتيك وماشية 41000 كيلو
عرض للطباعة
عندي صوت طقة في الدركسيون وانا بلف الدركسيون ناحية الشمال ... ايه السبب فيه؟
العربية النترا 2008 اوتوماتيك وماشية 41000 كيلو
الصوت بيحصل والعربية واقفة وانا بلف الدركسيون عشان اطلع بالعربية ... صوت طقتين ورا بعض وبعد كده ما فيش حاجة تانية
دى تقريبا قطمة الدركسيون و الله اعلم
كبالن يا باشا عندى فى اليمين والشمال النترا 2010 50 الف كيلو
نصيحه منى انا معايا i 30 و كان فى الطقه دى و انا واقف يمين و شمال بسيطه اووى و انا ماشى على سرعه بسيطه 20 كيلو طقطقه بسيطه اوى بتروح لما بزود سرعه و رحت لميكانيكى القديم بتاعى قالى العربيات الجديده كلها القنطره من المشى بتفك عشان كل الحمل عليها فا نصيحه روح اربط القنطره و ان شاءالله الدنيا هتتظبط جربها قبل ما تعمل حاجه و ان شاء الله هتطلع هيا
جزاكم الله كل خير
ياترى حضرتك عملت ايه فى موضوع الطقه ارجو الافادة وشكرا
آسف للتأخير في الرد بس لأني لسه رايح للعفشجي النهارده. لاقيت تيش الاسكاترا سليم والعفشجي قالي الصوت ده من حاجة في مكنة البور الموجودة تحت الدركسيون المهم فيه ريشه صاج كده وفيها خرم حطلها مسمار وصمولة بس لسه الصوت موجود برده. بالنسبة للصليبة لو فيها مشاكل اللي عرفته انها بتعمل صوت نقر في المشي في طريق مكسر ... لكن الصوت اللي عندي وانا بكسر الدركسيون شمال والعربية واقفة أو بكسر مثلاً عشان ادخل الشارع وبكون على سرعة بطيئة. فمش عارف ايه السبب فيها لغاية دلوقتي.
يا باشا طب بصلك على الكبالن
للاسف مفيش عفشجيه بتفهم فى مصر
معلهش عن تجربه روح ربط البطاحات وادعيلى
بعد لف ودوران لقيت عفشجى شاطر وتشخيص اصوات دزكسيون الانترا كالتالى فيه طبعا الزنه العاديه بتاعة صوت موتور الباور وفيه كمان صوت ميلحظوش الا حد قوى الملاحظه بتاع الخلوص اللى انت بتقول عليه و هو صوت شبيه بالتزييق الخفيف اوى وكان حاجه بتلق جوه الدركسيون وبالذات اول اما تكسر شمال اللى فاتو دول عادى اما الطقه دى مجرد تربيط بطاحات جرب مش هتخسر حاجه
هو ربط على العفشة ومن ضمنها الـ 3 مسامير بتوع المساعد من فوق والصمولة اللي تحت الغطا الاسود بتاعة المساعد نفسه؟ المشكلة ان الطقة موجودة جوة العربية من عند الطارة مش من بره كان ممكن اشك في البطاحات او حاجة تانية.
بعد كل التجارب دي
اقول لحضرتك وبنسبة 90 %
قطمة الدريسكيون
ودي مكانها تحت الدريكسيون على طول من جوة العربية
نفس المشكلة بردو النترا 2008 عاملة 44000 اريد حلاً :)
نفس العيب كان عندى بس فى الاتجاهين يمين و شمال و بعد الكشف طلعت علبة دريكسيون و غيرتها و الاصوات راحت.
نصيحة روح للمهندس هانى و هيجيبلك المفيد .. انسان محترم و فاهم شغله من الاخر.
طب العلبه دى تمنها كام يا باشا ؟ انا عندى الدركسيون فعلا فيه رعشنه حفيفه كمان مع السرعات
العلبة الاصلية فى التوكيل حوالى 4500 (بدون القطمة) .. انا ركبت موبيس هيا هيا الاصلية و تمنها فى حدود 1100 و شغالة زى الفل و الاصوات كلها راحت الحمد لله.
بالنسبة للرعشة على السرعات فهى فى الغالب ترصيص أو كاوتش و مالوش علاقة بالعلبة انما عيوب العلبة اللى ظهرت عندى كانت طقة فى الدريكسيون لما تلفه يمين او شمال و انت واقف و كمان بيطقطق لما تكون ماشى هادى فى حتة مكسرة.
و برضو نصيحتى ليك خلى المهندس هانى يشوفها و هو هيقولك على الصح من الاخر.
هيا موجودة فى دمشق و التوفيقية بس انا جبتها من واحد فى جسر السويس لانه الاقرب لمركز المهندس هانى علشان نوفر الوقت مش أكتر.
العفو يا فندم و تحت امرك فى اى وقت.
يعنى الصوت مرتبط بحركة العربية و العجل مكسور مش حركة الدريكسيون نفسه ؟ لو كده ممكن تكون كبالن لان العلبة عندى كانت بتطقطق مع لف الدريكسيون و العربية واقفة تماما و كمان مع اول نص لفة يمين و شمال بس مش لما يكون الدريكسيون ملفوف على الاخر.