يوميات مدخن

**bido600** · 12-05-2012 07:56 AM

تكملة اليوم الخامس

بعد ما صحيت وقلت يا هل تري الدوا هيعمل معايا مفعول ولا لا
دخلت علي النت وعملت شوية سيرش كدا ولاقيت ناس تشكر فيه وناس تقول لا
جالي احباط تاني
وبعد كدا دخلت مش فاكر فين بس كانت حاجة متعلقة بالدوا لاقيتهم كاتبين انو لازم ادخلن في اول اسبوع-اسبوعين
ودا الصراحة مكتوب علي علبة الدوا
بس انا قلت ابطل من نفسي
وجالي احباط اني هشرب تاني
بس امل اية عشان مرجعش ليها تاني
جبت سجاير وشربت
اول واحدة كنت ملهوف عليها تاني واحدة مكنتش طايقها
التالتة رميتها من اول نفس
مكنش ليا نفس اشرب اليوم دا خالص من اوله لحد اخرة
بس كنت كل ساعة كدا او اتنين اولع واحدة واخد نفس وارميها
كانت طعمها
عبارة عن
كاوتش عربية بيتحرق مخلوط ببعض من العجين ثم مضاف اليه بعض من الجبنة المتعفنة
وبلاش اكمل عشان متوقفش قبل ولا افكر نفسي :P
خلص اليوم ودخلت نمت كنت صاحي بدري ونمت متاخر
ظبط المنبه علي معاد الجرعة بتاعت اليوم اللي بعدة
ونمت وانا بكره السجاير
والمزاج كان معتدل جدا طول اليوم ولا فيه صداع ولا حاجة
والاكل كان زيادة شوية

اليوم السادس
قمت من النوم
مزاج عادي
خدت الدوا
صليت الجمعة
نمت لحد دلوقتي
نمت تاني
صحيت علي صوت المنبه
اخدت الجرعة التانية
نمت تاني

يعني تقدرو تقولو نمت 48 ساعة
مش عارف دا من اية من الدوا ولا لا
بس كنت كل ما اصحي ببقي عاوز انام اكتر من الاول
طبعا مكنش ليا نفس خالص اني اشرب
زي زمان كنت ببقي في عز نومي واصحي اكتر من مرة عشان ادخن
لكن نمت ولا حسيت بنفسي
حتي اول حاجة كنت بفكر فيها لما اصحي اني ادخن عشان اعرف افتح عيني
اليوم دا صحيت ونفسي اكل
واكل فواكه كمان مش اي حاجة
ومجتش علي بالي خالص
لما صحيت في فجر اليوم السابع اللي هو المفروض هحكي عنه النهاردة
شربت وانا بغصب نفسي
ومكملتش ربع السيجارة
وحسيت اني هبتدي اكحكح
حتي العلبة خلصت ومفكرتش اجيب غيرها
زمان كانت قبل ما تخلص زي ميكون ناقصني حاجة واتجنن لازم اجيب غيرها والقديمة بيبقي لسة فيها كتير
والمزاج كويس جدا

وان شاء الله النهاردة بليل نمقول علي اليوم السابع

**naser_56** · 12-05-2012 10:35 AM

بس خلي بالك الدوا ده ليه اعراض جانبيه واهمها الاكتئاب وبعض حالات الانتحار خخخخخخخ عموما مده العلاج هي ١٢ اسبوع وبما ان الاحوال في مصر بتجيب اكتئاب لوحدها وتخليك تفكر في الانتحار وضيف عليها اعراض العلاج كمان يبقي يا معلم اشوفك بعد ١٢ اسبوع لو لقيتك كملت الموضوع يبقي خير ما كملتش هندعيلك بالرحمه خخخخخخخخ

**Inteltech** · 12-05-2012 10:49 AM

ربنا يقدرك وتبطلها وتقولنا لاني كمان نفسي ابطلها مع العلم من حاجة مهمة جدا انت بدأت طريق لابد تكمله لان تكلفة انك متكملوش لا سمح الله كما يلي :
لو كان معدلك بالاول علبة هترجع للتدخين باتنين باليوم يعني اعراض السحب هتضاعف معدل التدخين عند حضرتك فانت بطريق لازم تواصله للنهاية انا دخلت المعركة دي مع التدخين من رمضان اللي فات بدون اي ادوية بس طلعت منها خاسر طبعا كل اللي حصل اني نزلت معدل تدخيني من علبتين باليوم لنص علبة باليوم بأول اسبوع ومن بعدها بدخن علبة ونص يوميا وده مستمر لحد النهاردة اتمنى بقى رمضان ده اوقفها نهائي وموضوعك مشجع فعلا بس لازم يكون في قناعة تامة للتوقف عن التدخين تماما بس منين تيجي وكل الوسط اللي انا فيه بيدخن ؟؟
ربنا يسهل لك الحال يارب ونكون بطلنا على ايديك مستنين باقي التجربة باهتمام ومتابعة

**Ignition-Kid** · 12-05-2012 12:57 PM

انا كمان اشتريتوا امبارح بعد تردد اكثر من سنتين انى اشتريه....اخدت اول قرص من ساعه كده...شويه دوخه على توهان بس عادى ( بس عملت حاجه غريبه...بعد ماغسلت سنانى رميت الفرشه فى التواليت ووقفت اتفرج عليها مش عارف ايه اللى انا عملته ده!!!)...ربنا يستر!

**mohamedkordy** · 12-05-2012 01:07 PM

المشاركة الأصلية كتبت بواسطة ignition-kid

انا كمان اشتريتوا امبارح بعد تردد اكثر من سنتين انى اشتريه....اخدت اول قرص من ساعه كده...شويه دوخه على توهان بس عادى ( بس عملت حاجه غريبه...بعد ماغسلت سنانى رميت الفرشه فى التواليت ووقفت اتفرج عليها مش عارف ايه اللى انا عملته ده!!!)...ربنا يستر!

بص على تاريخ الصلاحيه. لان فى صيدلايات كتتير مخزناه علشان الناس مش عايزا تبطل وقليل اللى بيشترى لو خدت الدوا دا وهوا منتهى صباحيتو حيعمل معاك زى المخدرات تمام تسمع عن. حبوب الراصير بتاعت زمان حتلاقيها كدا :)

**Ignition-Kid** · 12-05-2012 01:14 PM

المشاركة الأصلية كتبت بواسطة mohamedkordy

بص على تاريخ الصلاحيه. لان فى صيدلايات كتتير مخزناه علشان الناس مش عايزا تبطل وقليل اللى بيشترى لو خدت الدوا دا وهوا منتهى صباحيتو حيعمل معاك زى المخدرات تمام تسمع عن. حبوب الراصير بتاعت زمان حتلاقيها كدا :)

دى اول حاجه عملتها..لسه :) 6/2013

**أشرف العدوي** · 12-05-2012 01:36 PM

ده متاح عادي في كل الصيدليات و لا الصيدليات الكبيرة بس
و سعر العبوة ام و فيها كام قرص
و البرنامج قد ايه

**mohamedkordy** · 12-05-2012 02:17 PM

اعقار "شامبكس"،هو أول عقار للإقلاع عن التدخين لا يعتمد علي مادة النيكوتين في العلاج مثل لاصقات النيكوتين وقد حاز على موافقة هيئة الغذاء والدواء الأمريكية والاتحاد الأوروبي وبلغ عدد المدخنين 10 مليون مدخن.
يتميز شامبكس أن المدخنين الذين يخضعون للمعالجة الدوائية به تتقلص لديهم متعة التدخين تدريجياً وبعد فترة العلاج يجد المدخن نفسه ليس لديه رغبة في التدخين و أيضاً تتضاءل لديهم الأعراض المصاحبة للإقلاع عن التدخين وهذا شيء صعب على بعض المدخنين مما يؤدى بهم وبسبب تلك الأعراض العودة مرة أخرى للتدخين.

عقار "شامبكس"، يعمل على حجب لذة التدخين حيث يعمل العقار بنفس طريقة النيكوتين حيث يرتبط بمستقبلات النيكوتين ويمنع تأثيره وبالتالي يستطيع المدخن أن يتخلص من هذه المادة السامة بعد فترة العلاج والتي تستمر لمدة ثلاث شهور والتي أثبتت التجارب العلمية أنها كفيلة لتوقف المدخن عن هذه العادة السيئة بسهولة

قد تحدث بعض الأعراض الجانبية لبعض المرضي أثناء العلاج مثل الغثيان أو القلق ولكن نسبة توقف العلاج لهذه الأعراض لا تزيد عن 3 % من نسبة المرضي

وحقق هذا العقار نتائج ممتازة في المساعدة على الإقلاع عن التدخين ولذلك تم تسجيله أيضاً في وزارة الصحة المصرية وهذه النتائج تعدت الـ65% بالنسبة للمدخنين البالغين وهذا خير إنجاز بكل المقاييس حيث تعتبر هذه النسبة ما يعادل أربعة أضعاف قوة إرادة الشخص المدخن وهذا يساعده على التخلص من التدخين.
بدأ توفر هذا العقار في السوق المصري بمبلغ 250 جنيها للعلبة بدأ العلاج تكفي أسبوعين و270 جنيها للعلبة أستكمال العلاج تكفي أسبوعين(التكلفة الكلية للعلاج 12 أسبوع 1600 جنية مصري).
انشر الموضوع

**bido600** · 12-05-2012 02:24 PM

المشاركة الأصلية كتبت بواسطة mohamedkordy

اعقار "شامبكس"،هو أول عقار للإقلاع عن التدخين لا يعتمد علي مادة النيكوتين في العلاج مثل لاصقات النيكوتين وقد حاز على موافقة هيئة الغذاء والدواء الأمريكية والاتحاد الأوروبي وبلغ عدد المدخنين 10 مليون مدخن.
يتميز شامبكس أن المدخنين الذين يخضعون للمعالجة الدوائية به تتقلص لديهم متعة التدخين تدريجياً وبعد فترة العلاج يجد المدخن نفسه ليس لديه رغبة في التدخين و أيضاً تتضاءل لديهم الأعراض المصاحبة للإقلاع عن التدخين وهذا شيء صعب على بعض المدخنين مما يؤدى بهم وبسبب تلك الأعراض العودة مرة أخرى للتدخين.

عقار "شامبكس"، يعمل على حجب لذة التدخين حيث يعمل العقار بنفس طريقة النيكوتين حيث يرتبط بمستقبلات النيكوتين ويمنع تأثيره وبالتالي يستطيع المدخن أن يتخلص من هذه المادة السامة بعد فترة العلاج والتي تستمر لمدة ثلاث شهور والتي أثبتت التجارب العلمية أنها كفيلة لتوقف المدخن عن هذه العادة السيئة بسهولة

قد تحدث بعض الأعراض الجانبية لبعض المرضي أثناء العلاج مثل الغثيان أو القلق ولكن نسبة توقف العلاج لهذه الأعراض لا تزيد عن 3 % من نسبة المرضي

وحقق هذا العقار نتائج ممتازة في المساعدة على الإقلاع عن التدخين ولذلك تم تسجيله أيضاً في وزارة الصحة المصرية وهذه النتائج تعدت الـ65% بالنسبة للمدخنين البالغين وهذا خير إنجاز بكل المقاييس حيث تعتبر هذه النسبة ما يعادل أربعة أضعاف قوة إرادة الشخص المدخن وهذا يساعده على التخلص من التدخين.
بدأ توفر هذا العقار في السوق المصري بمبلغ 250 جنيها للعلبة بدأ العلاج تكفي أسبوعين و270 جنيها للعلبة أستكمال العلاج تكفي أسبوعين(التكلفة الكلية للعلاج 12 أسبوع 1600 جنية مصري).
انشر الموضوع

++++++++++1

-

الموضوع: يوميات مدخن

LinkBack

أدوات الموضوع

عرض

-

-

-

-

-

-

-

المواضيع المتشابهه

كيف تعرف ان ابنك مدخن ؟

أصغر طفل مدخن فى إندونيسيا

يوميات مع التوكيل

يوميات رجل خليجى

يوميات سيارة

الكلمات الدلالية لهذا الموضوع

المفضلات

المفضلات

ضوابط المشاركة