الكارينز 124 حصان القاشقاى 117 حصان , عزم العربيتين الكارينز 156 القاشقاى 158
الوزن تقريبا متساوى بس الكارينز اتقل بفرق مش كبير
موتور الكارينز مش ضعيف هو مناسب لحجم العربيه وممكن تسأل ملاكها
اركب كل واحدة فيهم وسيبك من الكلام عشان محدش بيدفع الفلوس غيرك وسهل اوي لو بحب الكوري اقولك هات كارينز دي طيارة
او لو بحب الياباني هات قشقاي دي حكاية
او هات السبورتج دي اعتمادية
الكلام ده مجرد مثال ومبيعبش في اي عربية في التلاتة
كتير ناس بتشتري على الكلام وبتندم انت جرب وشوف احتياجاتك ايه وياسلام لو خدت معاك حد فاهم وبص على المكنة و المساعدين و العفشة حيقولك دي حتستحمل الشغل ودي لا
نصيحة أخ لأخوه شيل الكارينز من المقارنة وخليك فى المفاضلة بين القاشقاى والسبورتاج
تقييمى المتواضع للعربيتين علما لأنى قمت بتجربة قيادة للقاشقاى مانيوال 1600 فى مصر وامتلك حاليا سبورتاج اتوماتيك 2400 فى السعودية وذلك من خلال بعض النقاط:
1. قوة المحرك وعزمه .. القاشقاى تكسب بغض النظر عن الارقام لأنى باحكم بالسواقة العملية ويكفى عراقة وسمعة محركات نيسان الجبارة والاعتمادية
2. التسارع .. السبورتاج تكسب بسبب الفتيس 6 نقلات خاصة لو استخدمت الستيبترونيك عكس الcvt تسارع اقل لكن اداء افضل على السرعات العالية فوق ال100
3. الفرامل .. القاشقاى تكسب زى كل عربيات نيسان وسر النجاح النظام الثلاثى abs+ebd+ba وعشان اكون دقيق اكتر النيسان مهما تكون على اى سرعة ومهما كانت حالة الطريق لو ضغطت فرامل بقوة عمرها ما تعوم ولا تحدف او تغربل وتصفر وتزيق زى اغلب باقى العربيات يعنى أمااااااااااااااااااان
4. نظام التعليق .. القاشقاى تكسب وعن تجربة احساسى بالمطبات فى التيست درايف فى مصر خاصة فى اليوترنات اقل من احساسى بعيون القطط وتعريجة خفيفة فى اسفلت السعودية مع السبورتاج وبتظهر اكتر فى اهتزاز الدركسيون علما بأن القاشقاى باور كهرباء والسبورتاج هيدروليك
5. وضعية جلوس ورحابة داخلية .. السبورتاج تكسب خاصة فى الكراسى سواء امامية او خلفية وتحديدا فى كرسى السائق بعد الطارة عن الكرسى بيخليك ماسكه وانت فارد دراعك بالكامل والدخول والخروج سهل جدااا والدواسات افضل والبنزين دواسة مثبتة فى الارضية وليس من اعلى وفرامل اليد بالرجل وليس فى الكونسول الاوسط لكن وضعية الجلوس مرتفعة اكتر فى القاشقاى وبيبان اكتر لما تشوف نفسك اعلى من العربيات السيدان من حواليك بشكل ملحوظ اما السبورتاج كراسيها منخفضة وبتدى مساحة اكبر لرؤوس طوال القامة خاصة مع السقف وفى المقاعد الخلفية
6. حجم الصندوق الخلفى والتحميل .. السبورتاج اكبر نسبيا بشكل بسيط لكن مع طى المقاعد الخلفية الاتنين زى بعض
7. التكييف .. القاشقاى طبعا بدون فصال من حيث قوة التبريد والزمن اللازم مهما كانت درجة الحرارة الخارجية (نيسان وما ادراك ما تكييفات نيسان!!!)
8. الابعاد الخارجية والتصميم .. تقريبا واحدة فى الاتنين لكن كل عربية ليها شخصيتها وليها جمالها الخاص (ماعنديش مشكلة مع واحدة فيهم) والاتنين سواقتهم ممتعة لكل ركاب السيدان وابعادهم سهلة التعود.
9. الكماليات .. الاتنين متقاربين جدااااا واللى بيحددها اختيار كل عميل فيه اللى بيحب وجود حاجات معينة فى العربية وبيفضل واحدة عن التانية لكن رأيى ان الباركينج سنسور والكاميرا الخلفية فى السبورتاج بيعوضهم الرؤية الخلفية الممتازة للمرايات الجانبية الكبيرة فى القاشقاى انما السبورتاج فاشفق على اى واحد يجيبها ستاندرد بدون كاميرا وسنسور خاصة ان مساحة الزجاج الخلفى صغيرة جداااا - السقف البانوراما فى القاشقاى قطعة واحدة على ما اتذكر انما السبورتاج مفصول جزئين امامى وخلفى - ليدات السبورتاج بيعوضها زينون القاشقاى ورشاشات المصابيح الامامية - ... الخ
باختصار ممكن اى ميزة غيرى يشوفها عيب والعكس صحيح ..
10. قطع الغيار واعتماديتها واسعارها .. مختلف فى كل سوق عن الاخر مثلا توكيل نيسان افضل من كيا فى مصر والعكس فى السعودية من حيث جودة الصيانة - اسعار صيانات كيا فى السعودية ارخص من مثيلاتها اليابانية كلها عكس مصر - الضمان كيا 100.000 كم 5 سنوات انما نيسان 3 سنين لنفس المسافة.
11. الاطارات .. القاشقاى بتنزل بكونتيننتال انما السبورتاج بتنزل بكومهو
12. الصناعة .. القاشقاى تقفيل انجيليزى محكم ومميز بجودة الخامات ونوعية البلاستيك الاعلى من السبورتاج الكورية بشكل ملحوظ واللى بيدقق فى الحاجات دى هايأكد كلامى لما يركب الاتنين ويستخدم ازرار تحكم الابواب والتابلوه عن قرب.
13. السعر مقابل الكماليات .. السبورتاج تكسب فى الكماليات والتنوع الاكبر لكن القاشقاى تتفوق فى السعر الاقل بكماليات معقولة جدااا
14. استهلاك الوقود .. مفيش فارق كبير بين الاتنين من وجهة نظرى لأن اسلوب القيادة هو المحدد الاساسى لكن بالنسبة لنوعية الوقود فالاتنين 92 عدا السبورتاج المزودة بمحرك gdi وان كان ال95 بيفرق فى اداء اى عربية مهما كانت.
الخلاصة ...
الاتنين يستاهلو ثمنهم بجد وفى اى سوق وبأى فئة مهما كانت سواء داخل او خارج مصر والاتنين مميزين على الطريق وان كانت السبورتاج بتخطف العيون اكتر لكن القاشقاى ممتعة اكتر فى سواقتها ومن العربيات اللى تحس معاها بالامان والثقل بغض النظر عن الوزن بالكجم (باتكلم عن شعور السائق)
ويارب اكون قدرت اعرض مقارنة عادلة بين العربيتين لأنى سوقت القاشقاى زى ما قولت واتمنى انى امتلكها فى يوم من الايام فى مصر لكنى امتلك الان السبورتاج خارج مصر
طب ما تشوف السوبارو xv حكاية ما شا الله
القشقاي و كفايه انها ياباني و خدلك لفه في قسم النيسان ... كل ملاكها بيشكروا فيها
لا شكر على واجب .. هذا ما تعودت عليه فى منتدانا الرائع بهدف افادة عامة للجميع
بالنسبة لسؤالك بكل بساطة حضرتك بتقارن من حيث السعر فقط
لكن مع فئات مختلفة لأن القاشقاى والسبورتاج فئة السيارات الرياضية المتعددة الاستخدامات SUV والكارينز فئة اخرى MPV او متعددة الاستخدامات واقرب الى الفان منها الى الكروس اوفر بغض النظر عن السعر والشكل والمساحة الداخلية
بالاضافة الى احساس قيادتها مختلف تماما عن القاشقاى والسبورتاج
واولا واخيرا دى راحة نفسية وممكن حضرتك ترتاح فى الكارينز اكثر من القاشقاى والسبورتاج وممكن العكس ولا تحسبها لمجرد الثمن لأن كل سيارة وثمنها يوازى امكانياتها وكمالياتها
وربنا يوفقك لحسن الاختيار باذن الله :Bravo:
متشكر جدا لردود حضرتك ومساعدتك لي في اتخاذ القرار
بصراحة انا ميال كتير للقشقاي ولكن خايف من السقف البانوراما احسن الاطفال في شوارعنا يحدفوا طوبة و اي حاجة يتكسر وقرأت في احد الحوارات في المنتدي ان ثمن السقف البانوراما 13000 جنية مع انه هيخلي شكل العربية حاجة ثانية بس يخوف
ما راي حضرتك
شكرا لردك يا اخ قنديل وفعلا مقارنة عادلة نابعة من انى ركبت وجربت الاتنين وامتلكت واحدة فى الاخر والتانية فى الطريق باذن الله
وزى ما قولت الاتنين مميزين وكل واحدة فيهم ليها نكهة ومذاق خاص عن التانية بس مش احلى ولا اوحش
يعنى كل واحد يختار اللى يناسبه وربنا يوفقك فى حسن الاختيار
يا ابو صلاح ربنا يوفقك لحسن الاختيار ولو حسبناها بالشكل ده فى ان السقف البانوراما هايتكسر والمرايات الكهرباء هاتبوظ والكاميرا الخلفية هاتتحرق .. الخ
ماحدش عمره هايركب اى عربية
توكل عالله وربك يسترها علينا جميعا ولو خايف على الركنة فى الشارع شوف جراج قريب منك بس صدقنى متعة ركوب القاشقاى او السبورتاج بامانة تستاهل المخاطرة عن انك تشترى عربية تقليدية زى الكارينز
ايه الجمال و المعلومات الممتعه دى
انا يشرفنى انضمامى لهذا المنتدى العظيم
شكراااااااااااااااااااااا اااااااااااااااااااا
مقارنه رائعه
انا عاوز الفرق بيم قشقاى وسبورتاج فى نقطتين
اولا العزل
ثانيا استهلاك البنزين
بالنسبة للعزل انا حسيت ان عزل القاشقاى افضل نسبيا من السبورتاج خاصة لصوت الموتور والفتيس داخل الكابينة اما للاصوات الخارجية اذا كان الزجاج مغلق او صوت الهواء لو الزجاج مفتوح تقريبا زى بعض
اما بالنسبة لاستهلاك البنزين تقريبا واحد اذا تساوت سعة المحركات سواء كانت 1600 او 2000 او 2400 فى حال السبورتاج
متشكر جدا لجميع اخوتي في المنتدي علي ردودهم ومساعدتهم لي
ولكن لدي سؤال بخصوص القشقاى والسبورتاج
ايهما قطع غيارة اقل سعارا و معمرة وكذلك تكلفة صياناته مثلا صيانة 40 الف
وبصراحة بدئت اميل للقشقاي وهحجز ايهما الشهر القادم باذن الله
متشكر علي مساعدتكم لي وجزاكم الله خيرا
بغض النظر عن اسعار قطع الغيار والصيانات الدورية
فيه حاجة مهمة جداااااااااااا لازم تاخد بالك منها يا استاذ احمد وهى التوكيل
انا لو فى مصر هاجيب قاشقاى بس عشان نيسان
انما فى السعودية اشتريت سبورتاج عشان الجبر افضل من الحمرانى
وكل بلد بيتحكم فيها توكيل معين وبيكون متفوق على الاخرين
بصراحة كده وبدون محاباة نيسان مصر من اقوى التوكيلات فى الشرق الاوسط من حيث خدمات ما بعد البيع والسوق يشهد على كده
مافيش توكيل تانى له انتشار وسمعة شبه ممتازة وكفاءة وجودة فى اصلاح الاعطال وتبديل قطع غيار فى الضمان وتوافرها بدون ضمان حتى والاهم الايدى العاملة والعنصر البشرى
نيسان الوحيدة فى مصر اللى شايفها بتهتم برفع كفاءة العاملين بيها وبيبان فى مراكز الخدمة خاصة اتوايجيبت والسبع فرق خبرة كبير عن الاخرين
اسامة باشا...
انا معايا سبورتاج 2400 (تانكها 55 لتر والتفويلة لما اللمبة تنور بتعمل من 45-48 لتر) وبتعمل معايا تقريبا 230-240 لتر فى الصفيحة بدون تكييف وبالتكييف عالطول مع كل دوارة موتور بتعمل 170 لتر فى الصفيحة تقريبا
وعربيتك 1600 يعنى تقريبا الاستهلاك واحد حتى بالمقارنة مع السبورتاج 1600
قشقاي عربية جميلة و لكن ::::::::
1- شنطتها صغيرة جدا
2- مساحة الجلوس في الكنبة الخلفية ضيقة
كارينز ::::::::::
عيبها ان فيه موديل جديد هينزل الله اعلم بيه ....
ميزة فارق السعر الكبير
سبورتاج هروح اتفرج عليها قريب ان شاء الله بس بنزين 95 هيخليني اتفرج من باب العلم بالشيء بس
1- صني الجديدة شنطتها 500 لتر تقريبا و القشقاي 250 و ده كلام بتاع المبيعات في اوتو ايجيبت فرع مدينة نصر و فعلا انا شفت الاتنين و اتصدمت من صغر شنطة القشقاي ..
2- عرض الكنبة و المساحة بتاعة الجلوس تقريبا زي بتاعة الصني الجديدة و انا رايي انها صغيرة على السعر ده ...
اانا قارنت العربيتين ببعض لأني كنت بتفرج عليهم في وقت واحد و تقريبا تقدر تقول نفس الكلام عن لوجان و داستر مع فارق المساحات بين الماركتين
سبورتاج
باشا بتاع المبيعات ده لامؤاخذة اذ كان شنطت الجوك 250 لتر
وانا مش حقولك روح دور في بروشور القشقاي عشان تشوف ان شنطتها تعتبر كبيرة اقرا الفقرة التالية "حاسس انو امتحان عربي ههههههه":
While the Nissan Qashqai is in the Ford Focus price bracket it offers practically more familiar with an MPV. The boot’s standard capacity is 410 litres, compared to rivals the Ford Focus (385 litres) and Volkswagen Golf Plus (395 litres) expanding to 860 litres at window level and, with the rear seat down, a cavernous 1,513 litres. There is also a cooled glovebox, which has enough room for 15 normal-sized cans of soft drinks. Space isn’t a problem for the taller passenger thanks to the high roofline and large amounts of legroom, All-round visibility is good, while steering is light for tight parking.
وعموما حضررتك اغلب ال suv الكومباكت تعتبر المساحة دي مساحة ideal وعن تجربة شخصية المساحات فيها جيدة جدا ومش حقوول انها ممتازة
السبورتاج 740 لتر ولما تنزل الكراسي الخلفية بتبقى 1550 لتر , يعني اعلى شوية من القشقاي
740 ازاي يا فندم مش عارف انا بسمع ارقام غريبة في المووضوع ده لازم نشوفو البروشور او مواقع الريفيو عشان نتاكد من معلومتنا
السبورتح مساحت الشنطة اكبر من القشقاي بالفعل وهي مسحتها 564 لتر
وحضرتك بتقول عند امالة الكراسي بتكون 1550 لا معلومة للاسف خطا يا فندم
والصح 1,353 وهنا بقا الشقاي تتغلب عليها في حالة امالة الكراسي مما يدل ان مساحة الكراسي الخلفية اكبر للقشقاي
واتمنى الكل يقرا ويبحث قبل ما يقول معلومة حد يستفاد منها بالخطا
و دي فقرة اللي فيها مساحة السبورتج
3. Practicality
Black skirts around the bottom of the bumpers and sills should offer protection from stone chips and dirt flicked up by the tyres. The hatchback-type boot opens to reveal a low and wide loading bay with 564 litres of luggage space. Fold down the rear seats and this increases to 1,353 litres. A full-size spare wheel comes as standard.
من موقع اوتو كار
مممم حاضر ..
the Sportage has 26.1 cubic feet of cargo space
With the back seats folded, there’s 54.6 cubic feet of cargo space in the Sportage
2012 Kia Sportage Interior | U.S. News Best Cars
حول من cubic feet للتر هتلاقي الارقام اللي انا كتبتها
بس دي في امريكا معرفش تختلف عن الاوروبية ولا لا
الاوروبي فعلا نفس الارقام بتاعة حضرتك
السبورتاج 564 لتر
القشقاي 410 لتر
في فرق كبير .. والكراسي في القشقاي مبتنزلش flat تماما على ما اعتقد
الكارينز مالهاش أي دخل بالمقارنة دي .... الميزة الوحيدة إنها واسعه جدا صالون و شنطة .. غير كده مالهاش في الموضوع أصلا !!! غير إنها واطية أوي على الأرض لما بتحمل الشنطة هتحك منك في أي حاجة ( عن تجارب عديدة ) .. بالتالي أنا رأيي تستبعدها خالص و نقطة و من أول السطر كده .
قاشقاي أفضل في السحب .. سبورتاج أفضل في الكماليات و أوسع شوية من القاشقاي .. لكن اعتمادية و توكيل قاشقاي في رأيي أفضل و يرجحوا كفة القاشقاي من وجهة نظري .
بصراحة انا سعيد حدا بمشاركتكم لي بالمعلومات البنائة التي ستساعدني في اتخاذ القرار وستساعد كل من هو في نفس حالة حيرتي
فعلا حضرتك انا بحثت وبعد تعب ودوخة وجدت ان سعة شنطة في احد المواقع الاجنبية لكل من
القشقاي 410 لتر وبعد امالة الكراسي 1513 litres بالضبط
والسبورتاج 564 لتر وبعد اماله الكراسي 1353 لتر بالضبط
ويدل من ذلك ان مساحة الكنبة الخلفية للقشقاي اكبر من السبورتاج
وقد قال لي احد ملاك القشقاي ان الكنبة الخلفية ممكن تطلعها للامام لتوسعه الشنطه ويمكن ان يجلس اطفال في الكنبة الخلفية
لية سؤال بسيط في نظام التعليق ما بين القشقاي و السبورتاج الفئه الاولي
ممكن شرح بين الفروقات وايهما اكثر اعتمادية و ثبات علي الارض مع وجود ارض وعرة وشوارع اكثر وعورة :)
اشكركم علي ردودكم وسامحوني اريد ان استفيد من خبراتكم
متشكر جدا علي الرد
بس انا قريت ان بينزل منهم دفع رباعي ما رايك ؟
ولدي استفسار : في القشقاي موجود ثلاث خواص في الفرامل abs---ba---ebd هل الثلاثة خواص هذه موجودة في الفئه الاولي في السبورتاج وهل هذة الخواص مهمه ومدي اهميتها
متشكر جدا علي معاونه اخوتي في المنتدي