ماهو طرق وعرة يعنى مش حيطلع جبل !! المقصود طريق كسر تماما غير مرصوف قوالب طوب بسيطة الخ
العقبات اللى اى عربية سيدان متعديهاش
ماهو طرق وعرة يعنى مش حيطلع جبل !! المقصود طريق كسر تماما غير مرصوف قوالب طوب بسيطة الخ
العقبات اللى اى عربية سيدان متعديهاش
متشكر جدا لرد حضرتك ولكن هل الفرق في 4 سنتي وعفشة كويسه فقط؟؟؟؟
انا بحب الكارينز جدا ولكن عندنا في الجيزة معظم شوارعنا لم يتم رصفها ولم تري الاسفلت وعملي في مدينة نصر مشوار حوالي 40 كيلو ذهاب وكذلك العودة وكل يومين عند بتع العفشة والزوايا بعربيتي الحالية علشان كدة انا بدور علي عربية فيها اقوي عفشة وماتور المجهود الشاق
وثانيا حضرتك تختار ايهما وعلي اي اساس السبورتاج اوالقاشقاى
لوني علشان اخلص واشتري ايهما اقوي :U_thin1[1]:
( ماتور معمر وادائه ممتاز ) ( عفشة قوية جدا لطرقنا الوعرة واعتماديه)
وكيل محترم قطع غيار معمرة
مش فارق معايا شكل العربيه المهم الاداء
التلاتة فيهم اللي انت عاوزه , بس السبورتاج اقوى موتور فيهم , بس بيستخدم بنزين 95 , شوف عايز تضحي بايه
اخي الفاضل لو عملت استطلاع لردود الاخوه هنا هتلاقي ان معظمهم يميلو للقشقاي
وناخدها نقطه نقطه :
- ماتور معمر وادائه ممتاز : ماتور قشقاي هو ماتور جديد مش عارف معمر او لاء بس اللي جربوه بيشكرو في ادائه خاصه بعد سرعه 40 لان سحبه بطيء من 0 الي 40
- عفشه قويه : وبرده كل اللي جربو قشقاي شكرو في العفشه جدا
- وكيل محترم : اظن توكيل نيسان معروف انه توكيل متميز ومعاملته كويسه ويكفي انها عربيه ياباني تقفيل انجليزي يعني عربيه تجمع فيها حاجتين معظم ما يريده اي واحد عايز يشتري عربيه
" نعومه اليباني ورفاهيه وتقفيل الاوروبي "
وهنا تتميز هذه السياره عن سبورتاج : دي يباني ودي كوري . وده يفرق في حاجات كتير منها الاعتماديه وقطع الغيار وغيره . سبورتاج اغلي من قشقاي ده لو لقيتها اصلا . سبورتاج عشان تستمتع بكامل قدره ماتورها هتحطلها بنزين 95 .
انا شايف ان قشقاي تحفه فيها كل ما تريده وسبورتاج تتميز فقط بان شكلها الخارجي افضل من وجه نظر البعض . ولكن كما قلت انت الشكل الخارجي لا يهمك قوي . مع العلم ان قشقاي شكلها برده جميل
واخيرا ربنا يوفقك لما فيه الخير
وجهة نظر وتحترم , فعلا السبورتاج لازم بنزين 95 , والقشقاي برضه بينصح ب 95
بس السبورتاج 140 حصان والقشقاي 118 حصان برضه
القشقاي في الفئة دي اعتقد كمالياتها اكتر شوية
بالنسبة لياباني وكوري الكلام ده كان زمان , شوف تابلوه القشقاي وتابلوه السبورتاج , هتلاقي ان القشقاي تابلوه قديم شوية وشكله مش حلو زي السبورتاج , السبورتاج شنطتها كبيرة جدا , توكيل كيا كويس جدا والعفشة ملتي-لينك ممتازة , اوبشن مش وحش , فوج لايت وجنط 17 و Auto Light Sensor , زجاج السائق لمسة واحدة , مرايات كهربا وضم , مقابض الابواب من الكروم , زجاج فاميه , سبويلر خلفي , مثبت سرعة , تكييف امامي وخلفي , دخول بدون مفتاح , ايموبلايزر , 4 حساسات خلفية , الكراسي بتنزل flat بعكس القشقاي , بالنسبة لي السبورتاج عملية اكتر
القشقاي ممتازة , بس انا شايف اكبر عيب ليها الموتور بتاعها والشكل مش حلو زي السبورتاج
بس لو جبت دي او دي مش هتندم