-
تغيير الزيت
السلام عليكم اولا
ان شاء الله هغير الزيت بكره فكنت عايز اعرف احط زيت ايه و يكون كويس
( كاسترول & ليكوى مولى & فالفولين & فيسكو ) ؟؟؟
مش بس كده انا العربيه عندى عامله 84000 و الزيت اللى كان فيها موبيل
و قريت انه علشان احط زيت تخليقى لازم احط حاجه كده زى منظف مش فاكر اسمها
فيا ريت تقولولى اعمل ايه
و انا مغير فلتر الزيت اخر غيار اغيره تانى ولا اخليه
و شكرا:Copy of m-s5:
-
-
بص ياباشا
أنا جربت visco وشل وموبيل وهكمل فيسكو 5000 ده بيعد 15000 زي مابيقولوا وممكن تنزله علي 10 لو عايز
ممكن تحط oil flush بتجيبوا من البنزينة وبتقرأ تعليمات الاستخدام وتنفذها عشان بيختلف من نوع للتاني
غير الفلتر بعد ال flush
بس كده
-
طب سوال تانى معلش
اجيب زيت فيسكو منين
-
انا حاطت ليكوي مولي النصف تخليقي
ماشي فوق ال 8000 عليه
انا أتأخرت أساسا ومش لاقي وقت أغيره
هو المفروض 7000
لزوجته حلوة حتي الأن
بخره عالي جدا جدا
هجرب فالفولين عشان في كذا واحد شكر فيه جامد
غير الفلتر .... مش هتخسر حاجة
بلاش oil flush
-
بلاش اويل فلاش ليه طيب
ممكن حضرتك توضح وجهه نظرك ؟
-
oil flush بيعمل ميوعة للزيت ويخليه زي المية عشان كله ينزل وينضف الموتور منه
فيه شكوك إنه مش كله بينزل فـبيبقى خطر على الزيت اللي هيتحط جديد
طبعا اللي بيفضل فالموتور نسبة قليلة قوي ده لو فضل
بس برده مش مستحب استخدامه, أنا عن نفسي مابستخدموش خالص حتى لو غيرت نوع الزيت
-
-
لو استخدم طبقاً لتعليمات الاستخدام الموصي بها عليه ونوع محترم مفيش اي مشكلة
كلامي بخصوص الاويل فلش
-
طب و حضرتك تنصحنى بنوع زيت ايه
Content Relevant URLs by
vBSEO 3.6.0 PL2