الموضوع: ساعدوني قدر الله وعملت حادثة

قدر الله وماشاء فعل والحمد لله انك بخير بس حضرتك لازم تروح لحد بتاع زوايا كويس من الى بيعملوا زرجينة وأستعدال فرد الشاسية علشان يضبط العجل لان دة مهم جدا انة يكون مضبوط على الشعرة ولو رحت لحد يضبطها نبة علية أنك هتروح تزبط الزوايا فى مكان تانى بعد لما تخلص عندة علشان تتاكد ولو فى حاجة هو المسؤل لانى عملت كدة فى بنزينة فى المعادة وضبط تاخير عجلة وعمل زرجينة وكلة تمام وبعد كدة بفترة رحت اضبط زوايا لاقت الدنيا مش مضبوطة خالص وربنا يكرمك وتلاقى فى حد يكون عندة ضمير

جزاكم الله خير وربنا يستر ويارب الاقي حد عندو ضمير

الحمد الله انك بخير اهم حاجة

قدر الله و ما شاء فعل. اعتقد التوكيل هيبقى افضل و ان كان هيبقى اغلى لكن هتضمن. بإذن الله انه هيرجعهالك زى ما كانت بدل نصب الصنايعيه و البهدله فى العربيه و هى لسه جديده خساره و ممكن حتى تروح التوكيل تاخد فكره الموضوع يتكلف كام و ايه اللى هيتعمل و بعد كده تقرر اذا كنت هتعملها فيه و لا لَا

المشاركة الأصلية كتبت بواسطة ygamgoum

السلام عليكم ورحمة الله وبركاتة. اخوكم ياسر عضو في نايل موتورز قسم نيسان. الحمد لله وقدر الله اني وانا خارج من النزهة الجديدة في تقاطع ودوست كلاكس وهديت بس واحد بعربية فيرنا كان بيجري جامد وخبطلي السيارة من الشمالز المهم نزلت اشوف لقيت العربية الكبوت مترحل والفوانيس والاكصدام وقع ولقيتة شاب ومعاه واحد وقالي انا سواق المهم قالي انا حصلحهالك وبعدين جيت اركب معاه وسبت عربييتي لقريبي يمشي ورانا. وانا بركب السواق جري. الحمد لله. رجعت انا وقريبي وقريبي قالي وديها لسمكري وقالي سمكري في العبور وشكرلي فيهز المهم روحت قولتلو العربية nissan sunny موديل 2011 هيه فابريكة انا عاوزك تردها على البارد
المهم فك الاكصدام وقالي الخبطة عوجت العربية وكانت من اليمين طالعة لفوق ومترحلة المهم قالي انا حرجعهالك زي ما كانت ومتقلقش خالص المهم طلب مني 1750 وبعد فصال رضي 1400 جنية وقالي ان الجهاز اللي حيعدل علية العربية تكلفتة غالية وحيرجعها بنفس المقاس وده جهاز حديث وعمل عليها شغل علشان انا مش فاهم. ورجعت استلمت العربية بعد يومين لقيتة رد الكبوت حتة صغيرة امام على البارد من غير ما يفك الكبوت وشد العربية من الشمال بالجهاز ورد حكة كانت الناحية اليمين في الرفرف على البارد. المهم قالوولي اظبط زوايا لقيت الراجل بيقولي الكربيدتير مش مظبوط كويس على صدر العربية والرفرف الي الناحية الشمال بياين من جوا انو مش مظبوط وفي عجلة متأخرة وغلط امشي بيها لانها ممكن تجيب كبالن وقالولي امشي بيها 60 انا مش عارف اتصرف ازاي ارجعلو تاني واخد معايا حد فاهم كويس في واحد صاحبي ممكن يجي معايا وهو شغال في الدوكو ورش العربيات ولا اروح لحد كويس ولا اروح التوكيل يشوفو المشكلة دي. بس خايف لتخرج من الضمان ومش عارف اتصرف ازي. الحمد لله على كل حال. وجزاكم الله كل خير

قدر الله و ما شاء فعل الحمد لله على كل شئ يا عالم المشوار اللى انت كنت رايحه ده كان هيحصل فية حاجه اوحش بس ربنا لطف و جبها ف العربية ف بسيطه الحمد لله
اعتقد انك لازم ترجع لنفس الصنايعى تانى و مترحش لوحدك
راى و الله اعلم ان التوكيل هيدفعك جامد

المشاركة الأصلية كتبت بواسطة moumen_hs

قدر الله وماشاء فعل والحمد لله انك بخير بس حضرتك لازم تروح لحد بتاع زوايا كويس من الى بيعملوا زرجينة وأستعدال فرد الشاسية علشان يضبط العجل لان دة مهم جدا انة يكون مضبوط على الشعرة ولو رحت لحد يضبطها نبة علية أنك هتروح تزبط الزوايا فى مكان تانى بعد لما تخلص عندة علشان تتاكد ولو فى حاجة هو المسؤل لانى عملت كدة فى بنزينة فى المعادة وضبط تاخير عجلة وعمل زرجينة وكلة تمام وبعد كدة بفترة رحت اضبط زوايا لاقت الدنيا مش مضبوطة خالص وربنا يكرمك وتلاقى فى حد يكون عندة ضمير

استفسار بس يا اخ مؤمن هو تأخير العجله ده يعنى العجلتين ميبقوش على نفس السوى
وده بيجى من خبطه جامده صخ؟
انا اتخبطت جامد من ورا و حصل عوج فى الشاسية و السمكرى استعدلة
بس ساعات بحس ان العجلتين اللى ورا مش على نفس السوى
رحت اضبط زوايا قالى مفهاش حاجة و رحت ل عفشجى قالى متشغلش بالك مفهاش حاجه
بس انا شاكك جداااااا