عايز اتعلم صيد السمك
هل حد يفدنى فى الموضوع ده
هل فيه اماكن بتعلم الصيد
العدة المناسبة ايه وتكلفتها كام
عرض للطباعة
عايز اتعلم صيد السمك
هل حد يفدنى فى الموضوع ده
هل فيه اماكن بتعلم الصيد
العدة المناسبة ايه وتكلفتها كام
عايز تصطاد نهري ولا بحري يا باشا
لا اظن ان في مكان بيعلم الصيد حضرتك هاتشوف صديق او حد معرفه وتطلع معاه مره في التانيه هاتتعلم
العدد متفاوتة الأسعار على حسب هاتصطاد بري ولا بحري ولو بحري تسقيط ولا جر
بص خليك في التسقيط بداية وممكن تعمل فيبر ومكنه في حدود ال 150 جنيه كبدايه بس اطلع مع حد في الأول عشان يعرفك استخدام المكنه ازاي وامتي تشد الفيبر وكده
في رحلات بتطلع على مراكب من العين السخنه كانوا عاملين عرض على المنتدى والمركب بتبقى مجهزه بكل حاجه حتى عدة الصيد
الصيد هوايه جميله جداً بس لازم يبقى عندك صبر علشان تقدر تستمر فيها و الموضوع بيبقى عامل. زى مباراه ذكاء بينك و بين السمكه . انا بصراحه ما اعرفش مكان بيعلم بس الطريقه المشهورة للتعليم ان حضرتك تروح مع حد بيصطاد و تتعلم منه ازاى بيحط الطعم و بيركب السنون و امتى يعرف ان في سمكه بلعت الطعم و انواع الطعم المختلفه و الموضوع كمان بيفرق اكيد لو كنت بتصطاد من نيل او بحر . يعنى من الاخر حضرتك محتاج تروح مره مع حد بيصطاد و هو هيعلمك
هناك حاجات كتير للموضوع ده
و بيفرق انت عاوز صيد بحر و لا نهر لأن كل مكان و له اسلوبه و ادواته
ممكن تعمل عده بـ 20 جنيه و ممكن تعمل عده بـ 1500 جنيه
بس احب اقولك نصيحه قالهالى زميل فى المنتدى هنا لما سألته نفس سؤالك
خلى بالك من السكه اللى انت رايح فيها
لانها لو عجبتك هاتبقى زى الادمان بالضبط
عموما هناك منتدى للصيد ممكن تدخل فيه و تتفرج على المواضيع المختلفه و هاتكتشف عالم سااااااااااااااحر بمعنى الكلمه
منتديات نادى صيد الأسماك • قائمة المنتديات
ياباشا الموضوع سهل وبسيط خالص إنت تجيب سنارة وتحط فيها دودة وتقف على الدائري أو كبري عباس بالليل جنب الناس اللي بتقف دي
وشكرا على كده
:d
ان شاء الله هيكون بحرى
يااه فكرتني
انا عندي استعداد اقف قدام المية اصطاد 12 ساعة متواصلين حتي لو مطلعتش غير سمكة واحدة بس بحس بمتعة رهيبة
المهم يكون عندك صبر و طولت بال .
الصيد هوايتى المفضله
انا حجيب لحضرتك من الاخر لو حضرتك من اسكندريه نظبط مشوار صيد وتتعلم كل حاجه عملى
مع تحياتى
هواية جميلة جدا
انا صياد من اكتر من 4 سنين \ نهرى
غماز و حداف
لو حابب تطلع معايا فى اى دور قريب فى الجيزة تحت امرك
انا متشكر ليكم جميعا بس ممكن مصطلحات الصيد اللى انتم بتقولها الاول
افهم الكلام ده
أنا هديلك الزتونه واللي هتصيده بالنص أو بالكيلو الا ربع
حمل الكتاب من هنا
Fishing book.rar - 4shared.com - online file sharing and storage - download
ثم فك الضغط وقولي ايه رأيك
الصيد هواية غريبة جدا في نظري
لما الواحد في عز البرد يقعد على الكوبري من 10 و لا 11 لحد الفجر عشان كيلو سمك يمكن يطلع يمكن لأ ..... ليه المجهود الكبير ده ؟!!! طيب ماهيه 15 جنيه تحل الحوار كله .....
انا من فترة كده طلبت معايا صيد و جبت عدة و رحت على النيل و قعدت بتاع 3 ساعات لحد ما زهقت و بردت و جعت و مفيش حاجة طلعت برضه
صحيح للناس فيما يعشقون مذاهب
الهواية الرهيبة اللى الواحد مش قدادر يبعد عنها خالص انا بصطاد من سن 12سنة وياما اضربت من الوالد ووقعت فى المياه وانا مش بعرف اعوم واتعورت واللنش عطل بيا ياااااااااه بجد
اروع حاجة فى الدنيا انك تعشق حاجة بتحبها
متعة الصيد تختلف من شخص لأخر
انما المشترك من وجهة نظرى و ما احسه هو :
1- اولا انت بتشيل بلف دماغك و تخليها على الجنط (اعتذر عن هذا التشبيه )
لان تركيزك على الخيط و انتظارك اى غمزه , كل ده بيوجه دماغك للتركيز فى حاجه تانيه خالص غير اعبائك اليوميه
و يا سلام لو الموضوع ده يحصل فى بحر مفتوح و قدامك منظر طبيعى تحفه من مكان مفتوح
مع زرقه السماء و البحر
يااااااااه روعه
الصوره دى كانت لرحله و احنا راجعين
http://www12.0zz0.com/2012/05/10/20/635607942.jpg
2- وقت ما السمكة تشد منك الخيط و انت تعافر معاها و يرتفع مستوى الادرينالين عندك
و انت متحفز و مش عارف ايه اللى طالعلك
ممكن تكون سمكة كبيييييييييره و ممكن تكون سمكه قد كفك بس ليها قوة شد اجدع من اكبر سمكه تعرفها
و ما بين ابتهاج لخروج السمكه من الماء
و حسره عند ضياعها او طلوع سمكه ليس لها قيمه
تكون تلك هى المتعه
الامتع والاسهل الصيد بلجر كش عارف ده اسمه صح ولا لا
بس بتبقى عباره عن سناره طعهما اصطناعى وبتتربط فى مركب صيد والمركب يمشى بسرعه متوسطه ومنها بيتم الصيد
انا كمان نفسى جداجدا اصطاد نهري (سكان القاهرة بقى) ربنا يسهل كده واعرف انزل افضي دماغي
لا لا لا يا باشا
من وجهة نظرى ده مش سهل خالص
اولا بالنسبه للتكلفه
صيد الجر بيحتاج مكنه من نوع معين و اقل نوع ممكن يمشى معاك كان على ما اذكر بـ 500 جنيه
كمان الخيط الذى تستعمله و قصبه الصيد كلها مختلفه خالص
اما الطعم الصناعى او الرابلا فدى انت بتحطها على حسب السمك اللى انت عاوز تصطاده
على السطح او فى القاع او فى النص
و كل حاجه و لها الرابلا بتاعتها و الرابلا نفسها مش رخيصه و ممكن بكل بساطه تتقطع منك و انت بتصطاد و تضيع
ثانى حاجه
الاسماك التى تصطاد عن طريق الجر غالبا هى الاسماك الكبيره
يعنى ممكن من 3 كيلو و انت طالع و كمان بتكون اسماك سريعه و شرسه شويه
و طلوعها من الماء مش حاجه سهله
على رأى واحد صاحبى انت بتطلع عيل صغير
--------------------
كان من كام يوم كان فى حلقه على ناشينوال جيوجرافيك عن الصيد
المهم واحد كانت الصناره بتاعته صادت سمكه بس كانت عفيه عليه فتشد منه الخيط فيشد شويه و يرخى شويه لحد ما يتعبها :fun_10_9_134[1]:
قعد يشد و يرخى قد ايه
تخيل
سبع ساعات :36_2_55[1]:
ايوه 7 ساعات
الصيد دة عامل زى السحرررررررررررررر
بتنسى همومك واحزانك فى الصيد
بس هو ادمان بصراحة
اانا كننت بصطاد كل جمعه,وكنت بنتظر الجمعه بفارغ الصبر
ايه العدة الاساسية اللى ابتدى بيها لو هصطاد بحرى
وايه الاماكن اللى اشترى منها ومستويات الاسعار
انتم شوقتونى اكتر انى امارس الهواية دى
فعلا الصيد ادمان
مع اول سمكة بتطلعها خلاص شكرا كانك شميت اول شمة ههههههههه
هواية ممتعة و بتعلم الصبر و بتخليك تنسى الدنيا خالص
احتمال اطلع الاسبوع الجاى ان شاء الله عشان بقالى كتير مطلعتش
يا باشا زى ما قولتلك قبل كده
انت ممكن بـ 20 جنيه تعمل عده
و ممكن بـ 500 جنيه تعمل عده لنفس الغرض
المهم انت حاطط كام
اولا انت تشوف فى الاول هاتطلع فين
يعنى تشوف مجموعه اصحاب و تأجروا مركب فى حدود الامكانيات لان دى برضه فيها كلام كتير
هناك مراكب من 300 جنيه للنهار الى 1500 للنهار
او بالعربى فى فلوكه و فى يخت
على العموم انت هاتحتاج
نصف كيلو رصاص (حوالى 10 جنيه)
خيوط مختلفه (30-40-50) و دوول حوالى 30 جنيه
سنون او خطاطيف (10 جنيه تغرقك)
بوصه 1.4 - 1.6 متر و دى هاتبقى من 40 الى 100 جنيه
مكنه و دى بقى اللى فيها كلام كبير
فى صينى بـ 50 جنيه
و فى كورى بـ 250 جنيه الى 400 جنيه
انا بصراحه معرفش فى القاهره
ياااااااااااااااااااااه
من 10 سنين قلت الكلمتين دول
بس مارست
باشا انا لا تتخيل حجم السحر الهتحسو و انات قاعد فى يخت فى وسط البحر بتصطاد
و مش هتتخيل حجم الفرحه و الاثاره مع اول سمكه جبتها
و لما تعد ساعه تحايل فى سمكه و فى الاخر تهرب
و لا اما تعدلك 7 8 سعات متجبش يسرييه حتى
لماتصطاد جر و تفضل تحايل فى السمك
دى هوايه العباقره فقط
هوايه لمن يريد النجاح و الاصرار
يا رب تجيب سمكة زى الفيديو ده
BIGGEST CATFISH I HAVE EVER SEEN CAUGHT - YouTube
طلعت على ما اذكر سمكه فوق الـ 150 كيلو
بس مش عاوز اقولك عمل فيها ايه
سابها فى الميه تانى بعد ما اصطادها
:oops2: :oops2:
لا تندهش
من فتره قابلت واحد هولندى فى عملى و اكتشفت انه مجنون صيد و بعد شوية كلام ارانى صوره و هو بيصطاد
مره من بحيره مش عارف ايه فى امريكا و مره فى كندا و مره فى بحر الكاريبى و كلهم اسماك ايه ماشاء الله
المهم قولتله و طعمهم ايه
قالى معرفش اصل انا باصطاد و ارميهم تانى فى الميه قبل ما يموتوا
كنت عاوز اقوله انت لامؤاخذه ............
قالى علشان نحافظ على الثروه السمكيه و كلام كتير فيما معناه
انا امارس رياضه مش طالع اجرى على قوت عيالى
الصيد بيفكرنى برحلاتى مع اصحابى وناس كبيرة فى السن فوق 40 سنة
من افضل هوياتى
1 تربية الحمام
2 صيد السمك
دماااااااااااااااااااااغ عالية
حضرتك لازم تمارس الاول هواية الصيد مش اقل من 2الى 3سنين وبعديها تبقى صياد بمعنى الكلمه الصيد فى البحر مكلف جدددددا لكنه اسهل من صيد النيل وكلاهما يحتاج الى وقت وصحبه ومع الوقت هتيجى الخبره
بالنسبه للبحر العده هتكلفك فى المتوسط 1500 جنيه كبداية وكل ما هتتعلم هتصرف اكتر ده خلاف ثمن الرحلات اللى بتتكلف فى اقل الحدود 400 وتصل الى 1000 جنيه للرحله
موضوع مفيد جدا وشوقتونى للصيد
متابع لان موضوع الصيد ده شيق جدا بس للاسف مش لاقي حد اتعلم منه بصورة محترفه