اهلا بحضرتك معنا اخي الكريم
يجب ان يكون الريموت في محيط الكابينة و اذا خرجت بالريموت بيدك من خارج الشباك فلن تستجيب السيارة للتشغيل و لكن لو الريموت بداخل السيارة سواء في الكرسي الامامي او الخلفي فبيتم التشغيل
تحياتي لحضرتك و سعدنا بمرورك
شكرا بجد و كتر خيرك على الرد الجميل اللى بترده على جميع الاعضاء,,,,,انا انشاء الله هحيبها بس
العربيه مبقتش موجوده حتى ب الاوفر برايس من كتر السحب و ياريت لو فى حد قدامه اى معرض عنده العربيه يقولى و شكرا
الحمد لله استلمت القشقاي2013 و لكن لم اجد دوسات للعربيه!! قالوا لي العربيه بتنزل من غيرها؟ هل هذا صحيح؟
الف مبروك يا باشا ربنا يديك خيرها ويكفيك شرها
وفعلا العربية بتنزل من غير دواسات والدوسات الاصلية مش موجودة حتى فى التوكيل
فلو الموضوع ده مضايقك زى ما كان مضايقنى اعمل زيي وانزل على الحج احمد فى جينز كار خليه يركب لك أرضية جلد للعربية كلها وأبقى حطلها اى دواسات عادية
بالنسبة لموضوع الأرضية ده متعلموش لو عربيتك مانيوال عشان قالولى فى التوكيل بيعمل مشاكل مع الدبرياج
الف مبروك مرة تانية
لا شكر علي واجب يا فندم
و ان شاء الله ربنا يوفقك الي ما فيه الخير و منتظرين من حضرتك تطمئننا ان شاء الله تعالي
الف مليون مبروك و ربنا يعطيك خيرها و يكفيك شرها
و بالفعل لم نجد دواسات فيها و احضر لي صديق الدواسات مكتوب عليها نيسان من منطقة وسط البلد كهدية
و هي غير موجودة بالتوكيل حتي الان
و ادعو حضرتك لتشريفنا للانضمام معنا في رابطة ملاك القشقاي
http://www.nilemotors.net/Nile/286432-a.html
و في انتظار تقرير حضرتك عن الاستلام و اخبار اللون ايه
تحياتي لحضرتك
انا حاجز العربية وان شاء الله استلم اخر شهر اكتوبر ... وليا طلب لو موجود صور للعربية بعد تركيب الديفندرات يا ريت اقدر اتفرج عليها
وجزاكم الله خيرا
السلام عليكى انا كمان اشتريتهها الحمد الله بس انا كنت عايزة اركب الانزار برة التوكيل وكمان غطاء العربية ممكن حد يفيدنى من فضلكو
ربنا يباركلك فيها ويكرمك علي التقرير الراااائع
ان شاء الله تستلم علي خير
و جاري البحث عن الصور اللي حضرتك طالبها و لكن انا ببحث عن ديفندرات متركبة في مصر مش مجرد صور خارجية يصعب الحصول عليها و تركيبها هنا
الف مبروك لحضرتك و ربنا يعطيك خيرها و يكفيك شرها
و منتظرين تقرير حضرتك عن الاستلام و الصور و اللون
و تشريفنا بالانضمام الي رابطة ملاك القشقاي http://www.nilemotors.net/Nile/286432-a.html[/COLOR]
بارك الله في حضرتك
و شكرا لمرورك الكريم
السلام عليكم و رحمة الله و بركاته ممكن إستفسار صغير عن أحجز فين و إيه هيا الكت الزيادة التى يمكن أن يتم تركيبها لدى الوكيل قبل الإستلام مثال مثبت السرعة الجى بى إس الدى فى دى حساسات الركن فرش جلد مرايات فيها إشارات و كم تبلغ الزيادة فى السعر للأتوماتيك عن ال 175 ألف فى هذه الحالة و مدة الإستلام
و عليكم السلام و رحمة الله و بركاته
حجز القشقاي بيتم عن طريق الوكلاء المعتمدين مثل ( اوتو ايجيبت و السبع و مودرن ) و بعض الموزعين المعتمدين مثل ( المتحدة للتجارة و عبد اللطيف الجميل )
و بالنسبة للكماليات فهناك عروض متاحة لدي الوكلاء مثل الجي بي اس و الحساسات و الفرش الجلد و خلافه و هي متغيرة و يمكن السؤال عنها بمجرد استلامك للسيارة بأذن الله
و اري ان تركيب مثل هذه الكماليات بعد الاستلام افضل
و السيارة كانت بتتباع في اوتو ايجيب متركب لها ( الحساسات و الفرش الجلد و الجي بي اس و الديفيدي ) و كان سعرها 193 الف جنية و لكن لا اعرف هل هذا السعر حجز ام بضاعة حاضرة
تحياتي لحضرتك و كل عام و حضرتك بخير
احمد حلمي في اسكندرية بتاع نيسان قالي اوتوماتيك نفس كمليات المانيول زيادة الفامية و الراكات بتاعت السقف ب 175 و تدفع 25 الف حجز و تسلم على شهر يناير بالكتير ... صح الكلام ده ولا حينطروني 6 شهور .. قالي في كل الالوان الا الابييض !؟
هوا سعر اعادة البيع في العربية ديه عامل ايه ؟ زي الكيا اسبورتاج :) ...
يا جماعه انا عايز اعرف هى موديل 2013 أعلى من 2012 و 2011 و لا ايه ؟ انا شفت عربيتين قشقاى واقفين جنب بعض واحده فيهم صغيره و تقريبا فى حجم السيدان و التانيه عاليه و يمكن أطول شويه . يا ترى حد يقدر يفيدنى فى الموضوع ده ؟؟
مفيش اختلاف ابدا بين كل موديلات القاشقاى الشكل الجديد من اول 2010 لحد دلوقت
وطبعا الشاسيه الاطول المزود بصف ثالث للمقاعد تحت اسم قاشقاى +2 مش بتنزل مصر
هتلاقى الفرق بس فى وجود روف راك من عدمه وضغط وحجم الاطارات والجنوط بين الاتنين .. غير كده ما اظنش
وفى انتظار ملاك 2011 و2012 و2013 يأكدوا او ينفوا الكلام ده ..
ربنا يباركلك فيها
فعلا الزيادة في الاوتو عن العادة هي ما ذكره لك مع اختلاف تكنولوجيا ال cvt للاوتوماتيك
و اما بالنسبة للسؤال عن مدي التزام و صدق ( احمد حلمي ) فأني اري ان حضرتك تسأل الناس اللي جربته من قبل في مدي التزامه بكلامه و ممكن حضرتك تدخل تبحث علي النت و تسأل عنه
و انا عن نفسي حاسس انه بيجر رجل لان اقل حجز ( 4 شهور ) يعني يناير دي واسعة قوي منه
و بالنسبة لسعر اعادة البيع فالحمد لله محدش فينا بيفكر يبيع هذه التحفة الفنية حاليا و لان شهادتنا ستكون مجروحة
فيمكن ان تدخل حضرتك لمواقع البيع و الشراء مثل كونتكت كار مثلا و تجار كسر الزيرو في الوسيط لتعرف اسعار اعادة البيع
ربنا يوفقك في الاختيار
لا يا فندم هيا هيا بالضبط
و ما شاهدته حضرتك ممكن يكون قشقاي بجانب ( نيسان مورانو ) مثلا
تحياتي لحضرتك
الله يكرمك يا باشا و ربنا يخلك ..
طيب مين الوكيل المعتمد ليها ؟ يعني احمد حلمي موزع و بيجر رجل و ممكن يسملني بعد 4 او 6 شهور يعني ملهاش لزمة خالص :(
ربنا يبارك في حضرتك
الوكلاء المعتمدين هم ( اوتو ايجيبت - مودرن - السبع ) و هناك موزعين معتمدين يمكن حضرتك تسأل عنهم الخط الساخن لنيسان نفسها
و المفروض حضرتك تمع ارقام تليفوناتهم كلهم مرة واحدة و تعمل اتصالاتك بيهم و اللي يديك اقرب ميعاد و تسأل عنه و تكون سمعته طيبه تحجز عنده و بالتوفيق ان شاء الله
ربنا يباركلكم جميعا ويكفيكو شرها ويديكو خيرها
الحمد لله حجزت فى مودرن اللى فى ابورواش اللون النبيتى اتوماتيك و اﻹستﻻم بعد 5 شهور يعنى فى شهر 4 ما شاء الله مودرن ممتازين و معاملتهم ممتازة الحمدالله و بالنسبة الكماليات اﻹضافية يركبها قبل التسليم و بياناتها و اسعارها كالتالي:
دي في دي و جي بي اس و كاميرا خلفية ب 6600 جنيه بضمان سنة و يعمل على المالتى فنكشن اللى فى الدريكسيون و البلوتوث شغال و به فتحة يو اس بي و مدخل auxو مدخل iPod كله فى وحدة واحدة بتركب مكان الكاسيت اﻻصلى
فرش جلد طبيعى 1200
وحدات رفع 770
اشارات ليدات فى المرايات1200
2 مخدع رأس بشاشة تعمل مع الدى فى دى 1500
حوض مطاط فرش للشنطة 660
و عقبال الجميع
جزاكم الله خيرا
مبروك ياباشا
الحجز ب 5000 كحد أدنى و الفرش أنا طلبته اسود و االكماليات المتوفرة بخﻻف الموجودة اعﻻه هى وحدة تتبع جى بى اس لتتبع السيارة فى حالة السرقة ﻻ قدر الله و تعطيلها فى مكانها و دى تكلفتها 3500 و ربنا يبارك للجميع.
ممكن اعرف حضرتك جبتها بكام ؟ واستلمت بعد اد ايه ؟؟ وشكرا
لسه الإستلام فى أول شهر 4 سنة 2013 يعنى بعد 5 شهور من دلوقتى أنا حجزت من حوالى 4 أيام و ب 5000 ج.م و السعر بدون الإضافات 175 ألف للأتوماتيك و الإضافات المذكورة عاليه تزيد السعر إلى 187 ألف جنيه.
ملحوظة كمان أنا غلط :untitled: فى ثمن الفرش الجلد هوا ب 1500 مش 1200 و كمان المرايات 1100 مش 1200 معلش بقى و جل من لا يسهو.
لو حضرتك من الاسكندرية .. ممكن تذهب الى توكيل نيسان ( مودرن موتورز ) بطريق الحرية بعد محطة سيدي جابر بقليل وقبل سبورتنج .. ادفع عشرة الاف جنيه واحجز .. وربنا يوفق ان شاء الله .اقتباس:
الله يكرمك يا باشا و ربنا يخلك ..
طيب مين الوكيل المعتمد ليها ؟ يعني احمد حلمي موزع و بيجر رجل و ممكن يسملني بعد 4 او 6 شهور يعني ملهاش لزمة خالص :(
بما ان الموضوع رفع مرة اخري عن طريق احد الاخوة فهذه فرصة مناسبة ان احكي لكم عن تجربة جديدة و هي ثبات القشقاي
نبدأ من اول السطر الحمد لله كانت تجربة غير مرتبة و غير مجهز لها و لكن كنت مسافر علي طريق الوصلة الجديدة اللي علي طريق القاهرة - الاسكندرية الزراعي
و كنت ماشي كالمعتاد علي هذه الوصلة علي 120 كم و لاني لا احب السرعات العالية الا اني ظللت اتسائل بيني و بين نفسي الي متي سأظل محافظا علي سرعة 120 130 140 و لاني نفسي اكتشف قدرات العربية فقلت لنفسي انا عاوز احقق 160 فقط ثم اكتفي بذلك لاني حققت بها من قبل 145
المهم و انا ماشي و كانت معي زوجتي و جبت ال 140 و قبل ان ازيد عن ذلك وجدت اني مقبل علي مرتفع سينتهي بفاصل كوبري من الكباري الكثيرة الموجودة علي هذه الوصلة و هي طولها اتوقع 35كم تبدأ في بركة السبع و تنتهي قبل مدخل ايتاي البارود المهم رفعت رجلي من علي دواسة البنزين و هيا كانت علي 142 او مثلا 143 كم و بعد ان اتممت رفع رجلي من علي الدواسة كنت قد بلغت ذروة المرتفع و اذا بفجوة كبيرة في فاصل الكوبري اول مرة اراها علي هذا الطريق و نسيت اقول لكم ان هذه الذروة معها بداية منخفض في نفس اللحظة التي ينتهي بها المرتفع
و اذا بي و بزوجتي نرتفع الي السقف و نهبط علي الكراسي مرزوعين و اقسم ان السيارة ارتفعت من علي الارض بشدة و نزلت علي الارض و الحمد لله كل اللي عملته اني كنت مركز فقط و لم افعل اي شئ
و الحمد لله العربية بعد نزولها سارت في نفس اتجاهها و بنفس ثباتها بحمد الله و لم يحدث ان انحرفت السيارة شبر واحد و لا حتي طارة القيادة او حتي احس لحظة واحدة بعد النزول مهبودة بهذه السرعة العالية
و طبعا انا بأحذر جدا من اي محاولة لتكرار مثل هذه الحالة فالله وحده هو من انجانا من هذا الوضع
و اكرر تحذيري بعدم القيادة علي سرعات عالية
و لكنها كانت تجربة ارادت ان اتعرف فقط علي امكانيات السيارة و لكن الله اراد ان ينهيني عن هذا الفعل
تحياتي لكم و تحية لمن صنع هذه السيارة الممتعة
الف سلامة يا هندسة .. وربنا يسترها على الجميع ..اقتباس:
بما ان الموضوع رفع مرة اخري عن طريق احد الاخوة فهذه فرصة مناسبة ان احكي لكم عن تجربة جديدة و هي ثبات القشقاي
نبدأ من اول السطر الحمد لله كانت تجربة غير مرتبة و غير مجهز لها و لكن كنت مسافر علي طريق الوصلة الجديدة اللي علي طريق القاهرة - الاسكندرية الزراعي
و كنت ماشي كالمعتاد علي هذه الوصلة علي 120 كم و لاني لا احب السرعات العالية الا اني ظللت اتسائل بيني و بين نفسي الي متي سأظل محافظا علي سرعة 120 130 140 و لاني نفسي اكتشف قدرات العربية فقلت لنفسي انا عاوز احقق 160 فقط ثم اكتفي بذلك لاني حققت بها من قبل 145
المهم و انا ماشي و كانت معي زوجتي و جبت ال 140 و قبل ان ازيد عن ذلك وجدت اني مقبل علي مرتفع سينتهي بفاصل كوبري من الكباري الكثيرة الموجودة علي هذه الوصلة و هي طولها اتوقع 35كم تبدأ في بركة السبع و تنتهي قبل مدخل ايتاي البارود المهم رفعت رجلي من علي دواسة البنزين و هيا كانت علي 142 او مثلا 143 كم و بعد ان اتممت رفع رجلي من علي الدواسة كنت قد بلغت ذروة المرتفع و اذا بفجوة كبيرة في فاصل الكوبري اول مرة اراها علي هذا الطريق و نسيت اقول لكم ان هذه الذروة معها بداية منخفض في نفس اللحظة التي ينتهي بها المرتفع
و اذا بي و بزوجتي نرتفع الي السقف و نهبط علي الكراسي مرزوعين و اقسم ان السيارة ارتفعت من علي الارض بشدة و نزلت علي الارض و الحمد لله كل اللي عملته اني كنت مركز فقط و لم افعل اي شئ
و الحمد لله العربية بعد نزولها سارت في نفس اتجاهها و بنفس ثباتها بحمد الله و لم يحدث ان انحرفت السيارة شبر واحد و لا حتي طارة القيادة او حتي احس لحظة واحدة بعد النزول مهبودة بهذه السرعة العالية
و طبعا انا بأحذر جدا من اي محاولة لتكرار مثل هذه الحالة فالله وحده هو من انجانا من هذا الوضع
و اكرر تحذيري بعدم القيادة علي سرعات عالية
و لكنها كانت تجربة ارادت ان اتعرف فقط علي امكانيات السيارة و لكن الله اراد ان ينهيني عن هذا الفعل
تحياتي لكم و تحية لمن صنع هذه السيارة الممتعة
فعلا ربنا هو الستار .. الواحد ساعات بروح البيت .. ومبيعرفش وصل ازاي .. او بمعنى اخر تفاجىء انك وصلت .
الموضوع في النهاية .. كل واحد فينا بيركب عربيته ويمسك الدريكسيون ويتوكل على الله .. ومش هتفرق عربيه نوعها ايه ؟؟ انما اسباب ثم ستر من عند المولى الله تعالى .
الحمد لله أنها جات علي قد كدا وربك سترها .. وفعلا لا ينصح بالسرعات العالية أو ( الجنونية ) تحت أي ظرف ولو حتى علي سبيل التجربة لاننا علي الطرق منعرفش ايه المفاجئات وربنا امرنا بالاخذ بالاسباب ومن ضمنها اننا نسوق بسرعات معقولة تمكن لينا في حدوث شيء علي الطريق اننا نتفادها بدون خسائر ..
عموما رغم ثبات العربية الواضح من كلامك لكن هي ربنا جعلها لك سبب .. وربنا يسلم طريقك
بانسبة بقى للعربية يا باش مهندس :)
انت كل مرة لما أقرأ كلامك عنها اشتاق لاني امتلكها أكثر وأكثر .. وقريبا بإذن الله
سؤال بقى .. هل في معارض فيها العربية ولا مسحوبة من السوق
الشحنة بتصل تقريبا في الاسبوع الاخير من كل شهر .. حسب وصول الباخرة .. وامامك فرصة لمدة اسبوعين تقريبا .. لمشاهدة السيارة .. حتى ينتهى العملاء من اجراءات الشراء والترخيص .. ولو عاوز تشاهد اغلب الالوان مجتمعة .. تابع مع اى معرض ميعاد وصول الشحنة بالضبط .اقتباس:
سؤال بقى .. هل في معارض فيها العربية ولا مسحوبة من السوق
لكن بعد الاسبوعين .. غالبا لا يوجد سيارة قشقاي او الجوك في اى معرض .. لان حاجزي هذه السيارات منتظرنها بشوووووووووووووووووووووق كبير .