حكايتي مع ملاكي دمياط 5220

**modux** · 13-06-2008 09:43 PM

اولا السلام عليكم كلكم
عربيتي كانت ملاكي دمياط و نمرة مميزه 5220

وانتقلت للقاهرة لظروف عملي

و سكنت في مصر الجديدة من 3 سنين
و حبيت من 3 اسابيع انقل عربيتي ملاكي القاهرة

ابتدت القصة من 3 اسابيع اني نزلت المرورو هنا قالولي هات شهاده براءة زمة و احنا هنا هنخلص كل حاجة

نزلت دميا ط جبت براءة زمة اني النمرة مفيش عليها مخالفات
و جيت هنا المرور قالولي اعمل فحص بعد البهدلة قالولي لاااااا لازم شهاده بيانات بالعربية
نزلت دمياط قالولي لاااا لازم تسلم النمر و الرخصه هناا

رجعت العربية القاهرة و سبتها و رجعت بالنمر و الرخصه اجيب شهاده البيانات
و جبتها

و جيت هنا و مشيت في الاجراءات شوية لحد ما قالولي لازم مطابقة بصمة في دمياط اتشلت و اانططت يا جماعة انتوا معاكو شهاده بيانات مطابقة للعربية من ملف العربية من دميا ط بس هيهات نزلت دمياط اعمل مطابقة بصمة
في دمياط قالولي البصمة مش واضحة في ورقة الفحص !!!!!
يا جماعه و الله الرقم العيل اللي في 2 ابتدائي يعرف يقراه !!! بس دي مصر

نزلت القاهرة و طاقت بصمة و ختمتها من الظابط
و نزلت دمياط تاني لا اقصدي عاشر مرة و اخدت امضاء من المهندس انها نفس بصمة العربية اللي في الملف في دمياط
و جيت القاهرة بعد 5-6 مرات نزول دمياط و اسيب الشغل
و حلفت اني لو اضطريت ادفع 1000000 جنيه دخان بس مش نازل دمياط تاني

و دخلت المرور لقيت المهندس بيقولي مش عارف اقرا اللي كتبوه في دمياط !!!
من غير كلام روحت مطلع 20 جنيه و قوتلوه جرب تاني !!!!!!
اخيرا ختم الورقه
و طلعت ارخض لقيت بيقولوي فين بقيه الملف و هات مش عارف ايه و مش عارف ايه
المهم ماااااااشي عملا كل اللي عايزينوا بعد 100 جنيه عشرات متوزعة علي اي حد يمشك الملف عشان اخلص !!!

لحد ما الحمد لله استلمت الرخصة و النمر ملاكي القاهرة 6789ْْxx

طبعا ب 50 جنيه للراجل بتاع النمر عشان يجيب نمرة حلوة

بس لما طلعت من المرور بقيت اسب و العن في مصر و اللي عايز يعيش في مصر

**Fouad Ezz** · 14-06-2008 12:14 AM

المشاركة الأصلية كتبت بواسطة modux

لقيت المهندس بيقولي مش عارف اقرا اللي كتبوه في دمياط !!!
من غير كلام روحت مطلع 20 جنيه و قوتلوه جرب تاني !!!!!!
اخيرا ختم الورقه

يا أستاذ محمد .... ما هي كانت باينه من أولها .... فتح مخك تاخد ختمك ... تتخن مخك تعمل كعب داير!!!

**modux** · 14-06-2008 01:37 AM

للاسف كنت عايز اعملها بنزاهة بس البلد بقت صعبة اوي تمشي من غير فلوس

**HeMa_LanCeR** · 14-06-2008 01:42 AM

انا كنت زيك بس مع خالو وكانت عربيته ملاكي قنا واتقالنا كل اللي انت قولته ده بس وحياتك ماخرجت من المرور غير وانا مركب النمر الجديده وكلفتني رشاوي 200 جنيه بالنمر علشان بتاع النمر باردو اخد 50 جنيه انت لو فتحت مخك من الاول ما كنتش شوفت دمياط اصلا

**dr_3eshoo** · 14-06-2008 01:51 AM

ابو الزعاتير ليه كده بس
دي احلى ذكريات مع الرقم ده فاكر يا ابو الزعاتير

**modux** · 14-06-2008 02:06 AM

طبعا فاكر يا عشماوي

بس حكم القوي بقي

بس ابعد يا بتاع دمياط هههههههههههههههه

**أبومعاذ** · 14-06-2008 02:07 AM

فعلا المرور دا اكتر مكان مش بيمشي غير بالرشاوي إلا من رحم الله و حسبنا الله و نعم الوكيل
بس انا عملت حركة ظريفة في المهندس في مرور الاميرية من كام يوم ونا بنقل من مرور الجيزة للقاهرة برضو
اول يوم رحت اعمل فحص قاللي لازم خد بصمة العربية ونا باخد البصمة بتاع البصمة قاللي الراجل دا اخره عشان يمشيلك الموضوع 20 ج قلتله ربنا يسهل و سكت المهم اخدنا البصمة و رحت للمهندس قالي لازم تطابقها في مرور الدقي قلتله وماله
رحت تاني يوم مرور الدقي و طابقت البصمة و رجعت للمهندس و حطيت في ايدي 20 ج ونا بكلمه قام ماسك كل الورق وختمه و مضى عليه من غير حتى ما يبص على العربية قمت واخد الورق و حطيت العشرين جنيه في جيبي تاني و قلتله شكرا يا هندسة و مشيت اصل بصراحة حرام كدا الناس دي بقت بتتعامل مع الناس عيني عينك و بمنتهى قلة الادب ولما يلاقي قدامه شخص عايز يمشي صح من غير رشاوي يقوم يعذبه
انا شفت النترا زي الجديدة و حالتها ما شاء الله تحفة و البيه المهندس قالهم غيرو الشكمان الشكمان دا بايظ

**Ahmed Samy** · 14-06-2008 02:20 AM

احنا كنا من يومين بنرخص عربية جديدة و بننقلها نمر القديمة و بنسجل القديمة باسم واحد تاني (ههه 3في 1 )

طبعا أختصارا للوقت و المجهود

جبنا (مخلصاتي) من المرور و اديناه 300 جنيه و مفاتيح العربيتين و بطايقنا و الرخص

و في 3 ساعات فقط لاغير روحنا خدنا العربيات (مضينا بس في الشهر العقاري)

تحيا ج.ع.ع بتاعة توت
(ولو اني مش فاهم يعني ايه ..بس تحيا و خلاص) :)

**modux** · 14-06-2008 03:24 AM

" جبنا (مخلصاتي) من المرور و اديناه 300 جنيه و مفاتيح العربيتين و بطايقنا و الرخص "

كان لازم اعمل كده اصلا !!!! من الاول

"ده كمان انسلخ من جنسيته الدمياطيه يقام عليه الحد"
لا يا احمد
i m proud to be from there
بس اللي زي الناس ميتعبش

محمد عيسى باشا اللي عملتو ده صح صح

بس يارتني كنت عرفت اصلا اقتلو !!!!

-

الموضوع: حكايتي مع ملاكي دمياط 5220

LinkBack

أدوات الموضوع

عرض

-

-

-

-

-

المواضيع المتشابهه

مساعده من شباب دمياط و دمياط الجديده خصوصا

حكايتي مع الرادياتير........؟

حكايتي مع الزينون

حكايتي مع بنزين 80

بخصوص نقل ملكية و تجديد رخصة سيارة ملاكي جيزة (وانا من دمياط!!!)

الكلمات الدلالية لهذا الموضوع

المفضلات

المفضلات

ضوابط المشاركة