مسافر الي كينيا وعاوز نصايحكم

**mustafavet** · 10-05-2012 06:58 PM

الحمد لله قبلت في احدي جهات العمل والمفروض اني هسافر الي كينيا علشان اعمل الانترفيو
في بلد اسمها نيروبي ( العاصمة)
دلوقتي معايا تذاكر الطيارة وقالولي الفيزا هتاخدها لما توصل مطار نيروبي وهتدفع 50 دولار امريكي
والاقامة لمدة اسبوع عليهم شاملة التنقلات والاكل والشرب والكورسات اللي هاخدها قبل الانترفيو

دلوقتي انا الحمد لله خلصت جيش ومعايا الشهادة وعاوز اعرف ايه الورق المطلوب مني اثناء السفر لان دي اول مره ليا اسافر
وقالولي ان في تطعيمات لازم تاخودها ف ياريت بره تقولولي اسال عليها فين دي
وهل لازم اجيب تصريح من الجيش بالسفر ولا ايه النظام؟؟؟؟؟؟ دا اسبوع يعني مش حاجه

وهيبقي ايه نظام اللبس شتوي ولا صيفي والبلد هناك فيها انقلابات ولا الاوضاع مستقره؟
يعني اللي عنده معلومة يقولها

بالله عليكم تفيدوني لاني بجد صباح التوهان
جزاكم الله خيرا

**A.Saad** · 10-05-2012 07:38 PM

غالى
ممكن يتعملك انترفيو على النت على الماسنجر
وعملتها قبل كدة
انا شاكك ان الموضوع يكون فيه خطف اة نصب
اتاكد كويس

**mohamed_selim** · 10-05-2012 10:14 PM

لو اول انترفيو يبقى فى حاجه مش مظبوطه بس لو التانى او التالت يبقى عادى
تصريح السفر مش هتخرج من المطار من غيره
التطعيمات فى مكتب الصحه بتروح تقولهم تطعيم سفر افريقيا هتاخد شوية حاجات مش هتخسر ... زى بتوع العمره و ممكن يزيد عليهم حاجات بسيطه ...

نيروبى بلد جميله و متحضره ... نص الكره الارضيه الجنوبى فالفصول عكسنا يعنى داخلين على الشتا هناك و مش حر زى ما ممكن تكون متخيل
مسمعتش ان فى اى مشاكل هناك بس الجريمه موجوده ... ربنا معاك

**amrdessoky** · 10-05-2012 11:27 PM

السلام عليكم
اخي نيروبي بلد جميلة و متحضرة جدا عيبها الوحيد السرقة التي يمكن ان تصل الي السرفة بالاكراة
بعد الساعة 7 مساء لا خروج من الفندق تحت اي ظرف
اللغة الانجليزية هي السائدة وافضل فندق هناك شيراتون طبعا وسعر الغرفة في حدود 60 $
من الاماكن اللطيفة هناك السفاري وارلد و مطعم كارنفور اوعي يفتوك
طبعا في الجنوب مدينة مومباسا اعظم منتجع سياحي في العالم و يوجد بة فنادق كثيرة و الامان جيد بها
ولكن يعيبها ان اغلب الفنادق ملك لولاد عمنا اليهود
عموما سفرة موفقة ان شاء الله واي شيء لا تتردد في السؤال اخوك تجول في افريقيا كلها من جيبوتي للصومال لهرجيسا لاثيوبيا لكينيا للسودان لجزر القمر

**أحمد كمال** · 11-05-2012 12:23 AM

يا جدعان اللي مش متاكد بلاش يخوف الراجل عالفاضي

انا اعرف ناس بالعبيط شركات و هيئات سفرتهم على حسابها لانترفيوهات في تركيا و في الامارات و غيرها

مش قضية لانه مش فاضي يسفر فريق العمل اللي هيعمل الانترفيوهات و هيكلفوه اكتر

**أحمد كمال** · 11-05-2012 12:36 AM

اتاكدت لك من الاياتا (منظمة الطيران المدني الدولي)

الفيزا فعلا هناك و بخمسين دولار بس لازم يكون معاك 500 دولار غيرهم كاش توريهم لهم

**MTAK** · 11-05-2012 12:45 AM

ده من موقع السفارة الخاصه بهم فى مصر
سفارة جمهورية كينيا بالقاهرة:

**أحمد كمال** · 11-05-2012 12:47 AM

المشاركة الأصلية كتبت بواسطة kameluo

باشا خلي بالك من بتوع كنيا و بتوع افريقيا كلها عشان النصبين باهبل
انا جالي عقدين عمل في شركة بترول في كنيا و كنت طاير من الفرحة و كانت شركة ....l و شركة تنية مش فاكر اسمها بس الاعرفه انها بتنقل البترول علي المراكب و كان المرتب 10-15 الف دولأر و قالولي نفس الحوار بالظبط
تعالي يوم كذا المكان فالفلأني عشان الأنترفيو و بعد كدة يقول حول المبلغ الفلأني عشان نخلصلك الورق

انا عشان اتاكد بعت للشركتين بعتلهم و قلولي دول نصبين
تخيل لو كنت روحت

اكتب الحوار الحصلك ده و ابعتة علي السيت بتاع الشركة الأم عشان تتاكد
و لو طلع نصب تلحق نفسك و لو مش نصب توكل علي الله و ربنا يكرمك

لو باعتلين له تذكرة و مش طالبين فلوس يبقى صعب يكون نصب

-

-

الموضوع: مسافر الي كينيا وعاوز نصايحكم

LinkBack

أدوات الموضوع

عرض

-

-

-

-

-

-

المواضيع المتشابهه

مسافر بالفلوانس و محتاج نصايحكم

مسافر الحج و محتاج نصايحكم

مسافر اسكندرية بكرة ان شاء الله اول مرة سايق نصايحكم بقى :)

مسافر لأول مرة وعايز نصايحكم ...

الكلمات الدلالية لهذا الموضوع

المفضلات

المفضلات

ضوابط المشاركة