يا ترى بتلعب بلاي شتيشن !!

**M_ashraf** · 14-06-2008 03:22 AM

انا لسه كنت بلعب حالا
بلعب لعبة هنري في play satation 2

**akram2025** · 14-06-2008 03:26 AM

بالمناسبة ممكن حد يقولنا ايه مميزات ال ps3
وتقرير كامل عنه؟

**ASD peugeot** · 14-06-2008 05:42 AM

لا كنت لازم تتوقع
مين مش بيحب يلعب بلاي ستيشن
و خصوصا كوره
انا كان عندي بلاي ستيشن 1 كان جميل بس راحت ايامه
دلوقتي بلعب علي جهاز الكمبيوتر pro evolution soccer 6
عشان خاطر حاسس انها اسرع اصدار من الباقي
الفرق انديه مانشستر و البارسا
فرنسا و هولندا صاحبه الكره الشامله
زعلان اوي من فوزها علي فرنسا بس انا بحب الاتنين

**hero** · 14-06-2008 10:05 AM

انا السنة ايلي فاتت اشتريت Ps2 ومعاة كام اسطوانة...هو ممتاز بس للاسف مش بالاقي وقت العب علية كتير...

باحب طبعا العاب العربيات والاكشن والاستراتجي.....الكورة بما اني ماليش فيها في الطبيعه ...فماليش فيها برضة علي الجايمز...

ياتري في حد جرب يلعب اون لاين....يعني عن طريق النت والps2 خصوصا ان النت بقت كويسة في مصر...

**Moh.Abdelbaset** · 14-06-2008 10:11 AM

كت بلعب بلاى ستيشن وان ايام اليابنية
لكن دلوقتى بلعب الفيفا على PC
لأنى بصراحة لا أطيق الwinning eleven and pro evolution الفيفا احسن منهم بكتير(وجهة نظر)
بس الواحد ميقدرش ينكر شعبية البلاى ستيشن 2 بالذات

**MoToRiZeR** · 14-06-2008 05:35 PM

[quote=etrawy;312270]كت بلعب بلاى ستيشن وان ايام اليابنية

انا ايام اليابانية دي كنت لا اقهر !

**mokhtar** · 14-06-2008 06:37 PM

عمرى ما حبيته ولا طقته ليه مش عارف مع انى مجنون كوره بس يمكن مش بيجيلى طقطان اعدله بتخنق بسرعه ودى للاسف اوحش صفه فيا اللى بتخلينى ماصبرش على حاجه عشان اتعلمها ممكن اقوم اكسرها بس بحب الفيفا على الكمبيوتر.

..mokhtar..

hh · 15-06-2008 12:35 PM

انا طبعا زي كل الستات ماليش في الجيمز خالص. بس جوزي مدمن بجد. في الاول كان الPC و بعدين جاب الPS2 و كان هاريها. ده حتى لما بنروح عند مامته بياخدها معاه عشان يلعب مع اخوه. حتى مامته بتزعل و تقول له انه مش جاي عشان يشوفها ده جاي يلعب.يعني تقدروا تقولوا ان الPS دي تعتبر ضرتي.
و اخيرا, زي ما بيقولوا جنت على نفسها براقش - و يا ريت حد يقول لنا مين براقش دي - اتجننت و جبت له PS3 هدية في عيد ميلاده من اسبوعين. مش حاقدر اوصفلكم حالة الحب الشديد اللي هو عايشها دلوقتي. بيتهيألي انه بيحلم بيها و هو نايم. و الجديد انه ابتدي يلعب online و مستمتع جدا, و ده معناه اني مقدرش اقعد عالنت عشان ما بطأش اللعبة. يعني لا تليفزيون و لا كمبيوتر, قاطع عني ميه و هوا بجد.
بس الواحد لما بيشوف المناقشات اللي بين الشباب دي بتهون عليه شوية. يعني واضح ان مش جوزي بس هو اللي مهيس.

**مصراوي جدا** · 15-06-2008 12:50 PM

طيب بمناسبة الموضوع الجميل ده

حد عنده PS2 على الكمبيوتر يعني ملف يتحمل

لأني حملته مليون مرة من مليون موقع ومنتدى من النت وكله فاشل تماما

فهل حد عنده الملف او الفولدر بس يكون جربه وشغال فعلا

ملاحظة - مش انا اللي بالعب دول اولادي تانية وتالته اعدادي

ودلوقتي شغالين ليل نهار في موضه جديدة لعبه اونلاين على النت اسمها كونكور

http://co.91.com/

-

مشاهدة نتائج الإستطلاع: بتلعب بلاي ستيشن

الموضوع: يا ترى بتلعب بلاي شتيشن !!

LinkBack

أدوات الموضوع

عرض

-

-

-

-

-

-

-

المواضيع المتشابهه

الستيب واي بتلعب ف الجمجمة

اسبانيا بتلعب بالعراق .

اوكتافيا A5 بتلعب جمباز

بتلعب بعربيتك؟؟؟

بروتون جين 2 بتلعب فى مصر

الكلمات الدلالية لهذا الموضوع

المفضلات

المفضلات

ضوابط المشاركة