مترشح ظابط احتياط يا رجالة
طبعا النهاردة كان يوم مايعلم بية الا ربنا
نايم باليل الساعة 3.5 الفجر وصحيت الساعة 5 الفجر
حلقت دقنى وخدت دش ولبست ونزلت الساعة 6 الا ربع
كنت فى الهايكستب الساعة 6.5
طبعا انا اول مرة ادخل جوة الهايكستب
خدنا الاتوبيس لمكان الكشف
ممنوع الخول بالموبايلات فسبناهم برة على البوابة
ودخلنا رتبنا الورق
وبعدين دخلنا قاعة كبيرة مستنين نسمع اسمنا
سمعت اسمى ووقفت فى طابور مابيتحركش خالص
لغاية ماوصلت لاوضة التصوير
قلعت القميص ولبست الافارول ودخلت اتصورت ووزنت وقيست طولى
بس المرحلة دى بقى مسخرة
الناس الللى جسمها كبير مكانش بيكفيهم افارول واحد كانوا بيلبسوهم اتنين مع بعض
اة والله واحد على اليمين والتانى على الشمال
وبعدين قعدنا استنينا نسمع اسامينا وسمعناها الحمد لله
امشى مع الخط الاحمر دا
ومشينا معا الخط لغاية مكان القومسيون الطبى
طبعا اول حاجة اللى بيشتكى من حاجة يكتب فى الورقة
وانا الحمد لله معانديش حاجة فكتبت لا اشتكى
ودخلنا رمد
بس المافجئة بقى ان الدفعة كلها 6/9 و 6/12
مش عارف ازاى
وبعدين باطنة بتاخد اى علاج قولت لا قام نافخ البتاع دا نفس نفخة كدة وبعدين مع السلامة
وبعدين الجراحة وطبعا مش هاينفع اتكلم عنها
وبعدين روحنا على غرفة قلع الملابس
قلعت ومشيت بالبوكسر
دخلت عظام وجلدية و انف وا>ن
وبعدين سلمت الورقة وخرجت استلمت ال 110 جند بعد عناء طويل ونوم على الكنب العجيب اللى هناك دا
ولاقيتنى مترشح ظابط احتايط جالى حالة >هول من الكلمة دى
وهو دا كان اليوم النهاردة علشان لو حد رايح يبقى عارف اية اللى بيتعمل